Agapetus A. Kristiandana

Agapetus A. Kristiandana (lair ing Yogyakarta, 6 Agustus 1968) ya iku salah sawijining pelukis lan pematung asli kutha Yogyakarta kang kabèh pakaryané ngandhut unsur kéwan utawa fabel. Dhèwèkké alumnus saka Institut Seni Indonesia (ISI) Yogyakarta, banjur nerusaké pawiyatan ing Master of Comerce, Wollongong, New South Wales (NSW). Mula dhèwèké kepara ndadèkaké rata-rata karyané surealis lan awujud modhèl dwi-matra utawa tri-matra. Kabèh lukisané nggabungaké èlemèn-èlemèn sing ra dinyana lan tamtu gawé seger.

Kasil kreatifitasé Agapetus A. Kristiandana éntuk wewengan saka crita dongèng sato kéwan kang awujud simbol, mitos, utawa crita jaman biyèn, sing ngepresentasèkké sipat lan kondhisiné manungsa kang ana kaitané karo konflik jaman modern. Saben kéwan duwé karakteré dhéwé-dhéwé. Objèk sing digambaraké ya iku kéwan ing sadina-dinané ora adoh saka kauripané manungsa, kaya ta babi, tikus, cèlèng, sapi, wedhus, lan sapanunggalané. Kabèh kuwi umumé sarat khayal, sugih daya imaji, lan utamané mènèhi pitutur marang publik.

Agapetus milih irah-irahan perikéwanan amarga dhèwèké mènèhi kapercayan marang kakuwatan simbol gawé nyiptakaké idiom sing nduwèni makna ing njero seni rupané. Perikéwanan dianggep sugih pitutur-pitutur satir sing akèh muatan normané, sisan gawé parodi lan narasi kritis kanggo donyané manungsa.

Pamèran besut

Dhèwèkké wis tau nganakaké pamèran tunggal, antarané “Fourth Horizon”, Edwin’s Gallery, Jakarta (2002) lan “Allegorical Subjects”, Galeri Semarang, Semarang (2005). Dhèwèkké uga tau nganakaké pamèran bebarengan ing njero nagara utawa mancanagara, kaya ta "For Cities Exhibition", MHC Gallery, Canada, New Jersey, Virginia, New York (2002), "Equatorial", Szechuan Museum, China (2004), "Ayo Ngguyu", Bentara Budaya Yogyakarta (2005), "Art Singapore 2008", lan "Indonesia Today" (2008). [1]

Rujukan besut

  1. 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. kc. 640. ISBN 9789791436298. OCLC 848263279.{{cite book}}: CS1 maint: extra punctuation (link) CS1 maint: numeric names: authors list (link)