Alisson Becker utawa jeneng jangkepé Alisson Ramses Becker yaiku salah sawijining pamain bal-balan aguna saka nagara Brasil lan main kanggo klub Liverpool FC.[4] Alisson lair ing kutha Novo Hamburgo, Brasil surya kaping 2 wulan Oktober taun 1992.[5] Alisson duwé dedeg 191 cm lan wis main sajroning 2 mangsa kanggo Liverpool FC.[6]

Alisson Becker
20180610 FIFA Friendly Match Austria vs. Brazil 850 1625.jpg
Alisson béla Brasil ing Tetandhingan kalawan Austria Taun 2018
Katerangan priangga
Jeneng dawa Alisson Ramses Becker[1]
Tanggal lair (1992-10-02) 2 Oktober 1992 (umur 27)[2]
Papan lair Novo Hamburgo, Brazil
Dhuwur 1.91 m (6 ft 3 in)[3]
Posisi main Kiper
Katerangan klub
Tim saiki
Liverpool
Angka 1
Karir nom
2002–2012 Internacional
Karir sénior*
Taun Tim Main (Gul)
2013–2016 Internacional 44 (0)
2016–2018 Roma 37 (0)
2018–saiki Liverpool 58 (0)
Tim nasional
2009 Brasil U-17 3 (0)
2013 Brasil U-21 5 (0)
2015–saiki Brasil 44 (0)

* Gunggung main lan gul ing klub sénior tumrap liga dhomèstik iki mligi lan patitis per pukul 20:53, 10 April 2020 (UTC).

‡ Gunggung main lan gul ing tim nasional iki patitis per pukul 10 April 2020

Alisson dadi pamain Liverpool FC ing transfer mangsa panas (wulan Juli) taun 2018 saka klub lawasé yaiku AS Roma kanthi rega 65 yuta Éuro lan dadi rékor transferé klub. Sawisé dadi pamain Liverpool FC, Alisson banjur dadi pamain kang cepet tanggap sajroning formasi lan ora gantalan suwé regané mèlu munggah. Dhèwèké kalebu kiper kang ampuh ngadhang tendhangané mungsuh, uga dadi juru oper bal jarak adoh kang mumpuni lan dadi juwara Liga Champions ing kutha Madrid tanpa gawangé kebobolan.[7]

Kiper LarangBesut

Status kiper paling larang sadonya sadurungé dipecahaké déning Alisson yaiku dadi duwèké kiper asal Itali yaiku Gianluigi Buffon yaiku kanthi rega 52,88 yuta Éuro nalika dituku Juventus saka AC Parma ing mangsa 2001/2002. Nanging rega Alisson manawa diétung mawa Rupiah nganti 1,2 trilyun. Ing kontraké ana klausul tambahan yèn Alisson bisa main apik, AS Roma bakal olèh tambahan dhuwit nganti 10 yuta Éuro. Tekané Alisson diajab bisa nambal ringkihé Liverpool FC ing pérangan buri mliginé kiper kang asring ditemahi Liverpool rong mangsa memburi. Alisson yaiku kiper utama tim nasional Brasil ing Piala Donya 2018 Rusia, ing turnamèn kasebut Alisson amung kebobol telung gol. Sadurungé Chelsea tuku Kepa Arizabalaga, Alisson dadi kiper paling larang ing donya.[8]

Ditampik Klub Liga InggrisBesut

Satemené Liverpool naté ditari kanggo nekakaké Alisson nalika pamain kasebut isih ana ing Internacional. Ing taun 2015 Internacional nawakaké Alisson ing sawenèh klub Inggris kalebu Liverpool, malah Internacional ngatutaké rekomen saka tilas kiper Brasil Claudio Taffarel kang mratélakaké manawa Alisson yaiku sawijining kiper paling jempolan ing Amérika Kidul nanging klub-klub Inggris siji-sijia ora ana sing kesengsem. Taun 2015 kamangka Alisson amung diregani 67, 9 milyar Rupiah lan Alisson wurung pindhah menyan Éropa lan setaun candhaké nembe pindhah menyang AS Roma kanthi rega 8 yuta Éuro. Déné rong taun candhaké Alisson malih dadi kiper paling larang sadonya tegesé rega Alisson mundhak tikel 15 saka regané sakawit.[9]

KarirBesut

Sajroning kariré minangka pamain bal-balan, Alisson kapétung ora bélani klub kang akèh utawa ora asring ganti-ganti klub. Dhèwèké mung naté béla telung klub kaya ta Internacional, AS Roma, lan Liverpool FC, sarta béla negarané Brasil.

Miturut AngkaBesut

Manawa kariré Alisson tinulis sajroning angka, bakal cumawis kaya ing kothak ngisor iki.

Klub Mangsa Liga Liga Negara Piala Piala Liga Internasional Liya Gunggung
Divisi Main Gol Main Gol Main Gol Main Gol Main Gol Main Gol Main Gol
Internacional 2013 Série A 6 0 1 0 2 0 9 0
2014 Série A 11 0 3 0 0 0 14 0 28 0
2015 Série A 26 0 15 0 4 0 12 0 57 0
2016 Série A 1 0 17 0 0 0 3 0 21 0
Total 44 0 36 0 6 0 12 0 17 0 115 0
Roma 2016–17 Serie A 0 0 4 0 11 0 15 0
2017–18 Serie A 37 0 0 0 12 0 49 0
Total 37 0 4 0 23 0 64 0
Liverpool 2018–19 Liga Primer Inggris 38 0 0 0 0 0 13 0 51 0
2019–20 Liga Primer Inggris 20 0 0 0 0 0 5 0 3 0 28 0
Gunggung 58 0 0 0 0 0 18 0 3 0 79 0
Gunggung Karir 139 0 36 0 10 0 0 0 53 0 21 0 258 0

Riwayat TransferBesut

  • Tanggal 1 Januari 2012 Alisson promosi saka Internacional U-20 menyang tim Internacional B.[4]
  • Tanggal 1 Januari 2013 promosi saka Internacional B menyang tim utama Internacional kanthi rega pasaran 150 èwu Éuro.[4]
  • Tanggal 6 Juli 2016 ditransfer saka Internacional menyang AS Roma kanthi rega 7 yuta Éuro.[4]
  • Tanggal 19 Juli 2018 ditransfer saka AS Roma menyang Liverpool FC kanthi rega 60 yuta Éuro.[4]

Pangaji-ajiBesut

 
Alisson Becker lan Trofi Sarung Tangan Emas Copa América 2019

Yèn diétung-étung sadurungé taun 2019 Alisson durung pati akèh antuk pangaji-aji ing karir bal-balané, nanging nalika ngancik taun 2019 nganti saiki taun kasebut dadi taun paling anja sajroning kariré, nyatané dhèwèké kasil olèh pirang-pirang pangaji-aji embuh kuwi sacara klumpukan utawa priyangga.[10]

BrasilBesut

Liverpool FCBesut

PriyanggaBesut

  • Trofi Lèv Yashin (Ballon d'Or Kiper) 2019.
  • Kiper paling becik FIFA 2019.
  • Kiper paling becik Liga Champions 2019.
  • Sarung Tangan Emas Liga Primèr Inggris 2019.
  • Sarung Tangan Emas Copa América 2019.

RujukanBesut

  1. "FIFA World Cup Russia 2018: List of players: Brazil" (PDF). FIFA. 15 July 2018. p. 4. Retrieved 4 November 2018.
  2. "FIFA Club World Cup Qatar 2019: List of Players: Liverpool" (PDF). FIFA. 21 December 2019. p. 7. Retrieved 17 January 2020.
  3. "Alisson: Overview". Premier League. Retrieved 6 September 2019.
  4. a b c d e Transfermarkt, Admin (2020-04-08). "Profil Alisson Becker (Saka Basa Inggris)". Transfermarkt. Retrieved 2020-04-10.
  5. Liverpool FC, Admin. "Tim Utama Pamain Tim Utama Alisson Becker (Saka Basa Inggris)". Liverpool FC. Retrieved 2020-04-10.
  6. Liga Inggris, Admin. "Kandhawara Pamain Alisson Becker (Saka Basa Inggris)". Premier League. Retrieved 2020-04-10.
  7. Liverpool Echo, Redhaktur (2020-04-07). "Kabèh Babagan Alisson Ramses Becker (Saka Basa Inggris)". Liverpool Echo. Retrieved 2020-04-10.
  8. Sumirat, Surya (2018-07-20). "Dituku Dening Liverpool Alisson dadi Kiper Paling Larang Sadonya (Saka Basa Indonesia)". CNN. Retrieved 2020-04-10.
  9. Mulyati, Sri (2018-07-22). "Liverpool Nate Nulak Mentah-mentah Alisson Becker Nalika Regane Isih 67,9 Milyar (Saka Basa Indonesia)". Bola Sport. Retrieved 2020-04-11.
  10. Sidle, Ryan (2019-12-22). "Kurmat marang Dhaptar Pangaji-aji Alisson Becker ing Taun 2019 kang Gawe Mongkog (Saka Basa Inggris)". Sport Bible. Retrieved 2020-04-15.