Antonin Scalia
Antonin Gregory Scalia (lair: 11 Maret 1936, tutup yuswa: 13 Pèbruwari 2016) iku sawijining pokrul, ahli ukum, pejabat pamaréntah, lan akadhemisi saka Amérika Sarékat. Panjenengané mengku jabatan minangka Hakim Mahkamah Agung Amérika Sarékat wiwit taun 1986 nganti tutup yuswané ing taun 2016. Panjenengané misuwur minangka pakar kang nyèlèhaké dhasar-dhasar prenahé orisinalis lan tèkstualis ing suwiwi konservatif Mahkamah. Amrih ngrikataké gerakan orisinalis lan tèkstualis sajroning ukum ing Amérika, mula panjenengané misuwur minangka juru ukum kang wigati ing abad ka-20. Tundhoné Scalia kanugrahan Presidential Medal of Freedom ing taun 2018.
| Antonin Scalia | |
|---|---|
 | |
| Hakim Agung ing Mahkamah Agung Amérika Sarékat | |
| Linggih 26 Sèptèmber 1986 – 13 Fèbruwari 2016 | |
| Dicalonaké | Ronald Reagan |
| Kang sadurungé | William Rehnquist |
| Kang sawisé | Neil Gorsuch |
| Hakim ing Pangadilan Bandhing Amérika Sarékat ing Dhistrik Columbia | |
| Linggih 17 Agustus 1982 – 26 Sèptèmber 1986 | |
| Dicalonaké | Ronald Reagan |
| Kang sadurungé | Roger Robb |
| Kang sawisé | David Sentelle |
| Asistèn Jeksa Agung Amérika Sarékat ing Kantor Panasékat Hukum | |
| Linggih 22 Agustus 1974 – 20 Januwari 1977 | |
| Présidhèn | Gerald Ford |
| Kang sadurungé | Roger C. Cramton |
| Kang sawisé | John Harmon |
| Rerincèn dhiri | |
| Lair | Antonin Gregory Scalia 11 Maret 1936 Trenton, New Jersey, A.S. |
| Pati | Fèbruari 13, 2016 (umur 79) Shafter, Texas, A.S. |
| Sisihan | Maureen McCarthy (o. 1960) |
| Anak | 9 (including Eugene) |
| Wiyata | Georgetown University (BA) Harvard University (LLB) |
| Pangaji | .png){kind=small} Presidential Medal of Freedom (2018) |
| Tandha tangan |  |
Babad urip
besutScalia lair tanggal 11 Maret 1936 ing Trenton, New Jersey.[1] Bapaké kang asma Salvatore Eugene Scalia (1903-1986) iku sawijining imigran Itali asal saka Sommatino, Sisilia. Bapaké iku lulus saka Rutgers University, nuli panjenengané dadi mahasiswa pascasarjana ing University of Columbia lan dadi pegawé nalika lairé anak sepisanané.[2] Salvatore Scalia nuli bakalé dadi profésor basa Roman ing Brooklyn College, ya iku sawijining papan kang ndadèaké pribadiné dadi pangenut téori sastra formalis.[3] Ibuné Antonin Scalia kang asma Catherine Louise (née Panaro) Scalia (1905-1985) lair ing Trenton saka wong tuwa imigran Itali lan panjenengané makarya minangka guru ing sekolah dhasar.[2][4]
Ing tanggal 10 Sèptèmber 1960, Scalia krama karo Maureen McCarthy ing gréja St. Pius X ing Yarmouth, Massachusetts.[5] Karoné pethukan nalika kencan ing Harvard Law School. Maureen nalika iku isih mahasiswa sarjana ing Radcliffe College, déné dhèwèké iku nuli antuk gelar jroning basa Inggris.[2]
Scalias nuli nduwèni anak cacah sanga, ya iku lanang cacah lima lan wadon cacah papat.[2] Anaké sing lanang cacah loro ya iku Eugene Scalia lan John Scalia dadi pokrul[6], nuli Eugene dadi Sekretaris Buruh sajroning administrasiné Trump.[7] Paul Scalia dadi pandhita Katulik, Matthew Scalia lumebu ing karir militèr, lan Christopher Scalia dadi panulis. Déné anak wadoné Scalia kang cacah papat - Catherine, Ann, Margaret, lan Mary - omah-omah lan nduwèni kulawarga. Miturut Scalia, Maureen nggedhèkaké anaké kang cacah sanga iku "kalawan sethithik campur tanganku (anggoné ngopèni anak)".[6] Kulawargané manggon ing McLean, Virginia, prenahé ing pinggirané Washington D.C.[2]
Scalia uga nyambung kekancan karo Hakim Agung Ruth Bader Ginsburg, kang misuwur minangka anggota sewiwi liberal pangadilan. Karoné tau nekani opera kanthi bebarengan lan uga katon bebarengan ing dhuwur panggung minangka supernumerary ana sajroning prodhuksi Ariadne auf Naxos ing Opera Nasional Washington taun 1994.[2] Ginsburg uga mitrané Scalia ing D.C. Circuit. Scalias lan Ginsburg uga dhahar bebarengan saben Malem Warsa Énggal.[2]
Scalia iku uga tukang beburu kang prigel.[8] Panjenengané tau ngajari Justice Elena Kagan carané beburu,[9] déné karoné iku beburon bèbèk, manuk, rusa, lan kidang.[10]
Pawiyatan
besutPanjenegané iku sawijining pangenut agama Katulik kang taat, mula panjenengané kuliah nuli nampa gelar sarjana ing University of Georgetown. Panjenengané nuli nampa gelar hukum saka Harvard Law School lan sasuwéné nem taun ing firma hukum Cleveland, banjur dadi profésor hukum ing University of Virginia. Ing wiwitané taun 1970-an, panjenengané ngayahi wajib ing pamaréntahané Nixon lan Ford kang tundhoné dadi Asistèn Jeksa. Sapérangan gedhé wektuné dipigunakaké kanggo mulang ing University of Chicago, déné panjenengané iku minangka salah sawijining panasékat fakultas kapisan saka Federalist Society kang isih enom. Ing taun 1982, Présidhèn Ronald Reagan ngangkat Scalia minangka hakim ing Pangadilan Bandhing Dhistrik Columbia. Ing taun 1986, panjenengané diangkat déning Reagan menyang Mahkamah Agung.
Buku anggitané Antonin Scalia
besut- Scalia, Antonin (1997), Gutmann, Amy (èd.), A Matter of Interpretation: Federal Courts and the Law, Princeton N.J.: Princeton University Press, ISBN 0-691-00400-5
- Scalia, Antonin; Garner, Bryan A. (2008), Making Your Case: The Art of Persuading Judges, St. Paul: Thomson West, ISBN 978-0-314-18471-9
- Scalia, Antonin; Garner, Bryan A. (2012), Reading Law: The Interpretation of Legal Texts, St. Paul: Thomson West, ISBN 978-0-314-27555-4
- Scalia, Antonin; Scalia, Christopher J.; Whelan, Edward (2017). Scalia Speaks: Reflections on Law, Faith, and Life Well Lived. Crown Publishing Group. ISBN 9780525573326.
Rujukan
besut- ↑ Molotsky, Irvin; Times, Special To the New York (1986-06-18). "The Supreme Court: Man in the News; Judge with Tenacity and Charm: Antonin Scalia". The New York Times (ing basa Inggris Amérika Sarékat). ISSN 0362-4331. Dibukak ing 2020-02-10.
- ↑ a b c d e f g Biskupic, Joan. (2009). American original : the life and constitution of Supreme Court Justice Antonin Scalia (édhisi ka-1st ed). New York: Sarah Crichton Books/Farrar, Straus And Giroux. ISBN 978-0-374-20289-7. OCLC 317928633.
{{cite book}}:|edition=has extra text (pitulung) - ↑ Talbot, Margaret. "Supreme Confidence". The New Yorker (ing basa Inggris). Dibukak ing 2020-02-10.
- ↑ Library, C. N. N. "Antonin Scalia Fast Facts". CNN. Dibukak ing 2020-02-10.
- ↑ Driscoll, Sean F. "Scalia wed on Cape in 1960". capecodtimes.com (ing basa Inggris). Dibukak ing 2020-02-10.
- ↑ a b "Growing Up Scalia: How the Late Supreme Court Justice Raised His Children". Time (ing basa Inggris). Dibukak ing 2020-02-10.
- ↑ Ackerman, Andrew (2019-09-26). "Senate Confirms Eugene Scalia as Labor Secretary". Wall Street Journal (ing basa Inggris Amérika Sarékat). ISSN 0099-9660. Dibukak ing 2020-02-10.
- ↑ Inquirer, Allan B. Schwartz, For the. "Medical mystery: Could Supreme Court justice's death have been prevented?". https://www.inquirer.com (ing basa Inggris Amérika Sarékat). Dibukak ing 2020-02-10.
{{cite web}}: External link in|website= - ↑ Eaton, Elizabeth S. "Kagan recalls warm relationship with Scalia". azcentral (ing basa Inggris). Dibukak ing 2020-02-10.
- ↑ Franke-Ruta, Garance (2013-06-30). "Justice Kagan and Justice Scalia Are Hunting Buddies—Really". The Atlantic (ing basa Inggris Amérika Sarékat). Dibukak ing 2020-02-10.