Antonio Candreva
Antonio Candreva yaiku salah sawijining pamain bal-balan aguna saka nagara Itali lan main kanggo klub Inter Milan. Candreva kang main ing posisi swiwi tengen iki lair ing kutha Roma, Itali surya ping 28 Fébruari 1987 (33 taun). Candreva duwé getih Albania saka garis simbah kakungé, dhèwèké yaiku kalebu ètnis Italo-Albanian kang mayoritas urup ana Itali sisih Kidul.[1] Dhèwèké duwé dedeg 180 cm lan migunakaké sikil tengen kanggo sikil paling rosané, ing klubé Candreva manganggo nomer geger 87, yaiku dipadhakaké kalawan taun lairé 1987. Antonio Candreva kapétung wis naté bélani klub-klub gedhe ing Serie A Liga Itali kaya ta Udinese, Juventus, Parma, Lazio, lan Inter Milan, sarta klub-klub cilik kaya ta Ternana, Livorno, lan Cesena minangka pidakan kariré.[2]
 Candreva ing 2015 | ||||||||||||||||
| Katerangan priangga | ||||||||||||||||
|---|---|---|---|---|---|---|---|---|---|---|---|---|---|---|---|---|
| Tanggal lair | 28 Fèbruari 1987 | |||||||||||||||
| Papan lair |
Roma,  Italia | |||||||||||||||
| Dhuwur | 1.80 m (5 ft 11 in) | |||||||||||||||
| Posisi main | Glandhang, Suwiwi Tengen | |||||||||||||||
| Katerangan klub | ||||||||||||||||
Tim saiki | Inter Milan | |||||||||||||||
| Angka | 87 | |||||||||||||||
| Karir nom | ||||||||||||||||
| Lodigiani | ||||||||||||||||
| 2003–2004 | Ternana | |||||||||||||||
| Karir sénior* | ||||||||||||||||
| Taun | Tim | Main | (Gul) | |||||||||||||
| 2004–2007 | Ternana | 45 | (0) | |||||||||||||
| 2007–2013 | Udinese | 3 | (0) | |||||||||||||
| 2008–2010 | → Livorno (silih) | 52 | (2) | |||||||||||||
| 2010 | → Juventus (silih) | 16 | (2) | |||||||||||||
| 2010–2011 | → Parma (silih) | 31 | (3) | |||||||||||||
| 2011–2012 | → Cesena (silih) | 18 | (2) | |||||||||||||
| 2012–2013 | → Lazio (silih) | 50 | (9) | |||||||||||||
| 2013–2016 | Lazio | 101 | (32) | |||||||||||||
| 2016–saiki | Inter Milan | 124 | (12) | |||||||||||||
| Tim nasional‡ | ||||||||||||||||
| 2004–2005 | Itali U18 | 6 | (0) | |||||||||||||
| 2005 | Itali U19 | 9 | (1) | |||||||||||||
| 2005–2008 | Itali U20 | 13 | (4) | |||||||||||||
| 2008–2009 | Itali U21 | 8 | (0) | |||||||||||||
| 2009– | Itali | 54 | (7) | |||||||||||||
Pangaji
| ||||||||||||||||
|
* Gunggung main lan gul ing klub sénior tumrap liga dhomèstik iki mligi lan patitis per pukul 03 Agustus 2020. | ||||||||||||||||
Karir
besutCandreva wiwit isih enom wis ambyur ing jagad bal-balan yaiku kanthi mèlu andhok ing Lodgini, klub lokal sadurungé alihan menyang Ternana taun 2003. Dhèwèké wis kober main ing pirang-pirang tetandhingan sadurungé Ternana promosi menyang Serie B ing mangsa 2004-05. Ing mangsa candhaké Ternana bali mudhun menyang Serie C1, dhèwèké dadi pamain ajeg tim utama kang operasi ana sisih tengen lapangan lan kasil narik kawigatèn tim gedhé Serie A. Wulan Juni taun 2007 Candreva alihan menyang klub kang mapan ing Stadhion Friuli, lan surya 28 Januari 2008, Candreva main sepisanan ing Serie A lumawan Inter Milan.[3] Candreva sadurungé taun 2012 luwih kerep dadi pamain silihan tinimbang pamain permanèn, klub sepisané kang dibéla minangka pamain silihan yaiku Livorno, dhèwèké sajronong rong taun dadi pamain silihan ing klub kuwi banjur disilihaké menyang Juventus enem wulan lawasé. Nalika main ing Juventus, Candreva kang wayah semana isih enom nuduhaké kaprigelan kang lumayan, malah dhèwèké kasil nyithak gol sepisan Seie A kanggo Juventus nalika lumawan Bologna. Candreva uga diwènèhi kalodhangan main ing Liga Europa lumawan Ajax Amsterdam minangka pamain pangganti kaptèn Juventus Alessandro Del Piero. Sawisé main kanggo Juventus, dhèwèké bali nglakoni lakon minangka pamain silihan, yaiku kanggo klub Serie A Parma lan Cesena. Candreva bélani kaloro klub kasebut setaun lawasé sadurungé dituku permanèn déning Lazio wulan Juli 2012 lan migunakaké nomer geger enem.[4] Nglakoni dhebut kanggo Biancocelesti nandhani wiwitan anyar Antonio Candreva. Pirang-pirang pangaji kanggo dhèwèké kaya mbanyu mili kaya nalika ngegolké anèng derby (tetandhingan kang nemokaké klub sekutha) Roma, dhebut internasioal lan gol internasional sepisan kanggo Itali, nyithak dwigol sepisan ing Serie A, nyathet panampilan kaping 300 minangka pamain bal aguna. Kariré ing Lazio dipungkasi kanthi 192 panampilan, 45 gol, lan 45 asis. Candreva wis nuduhaké manawa dhèwèké pamain glandhang kang komplit, dipasang minangka trequartista, pamain swiwi sisih tengen nuntut dhèwèké kudu duwé dribel, tendhangan, lan operan bal kang mumpuni. Surya 21 Agustus 2016 alihan menyang Inter Milan lan gol sepisané kanggo Inter teka ing tanggal 20 Oktober. Sajronong mangsa kasebut dhèwèké ngegolke kaping pindho menyang gawang AC Milan.[3] Pamain suwiwi kasebut nendhang bal kanthi rosa tanpa bisa dibendung kiper Gianluigi Donnarumma lan ngobahaké jaring, dhèwèké mangayubagya gol kasebut kanthi bungahing ati, tangan didhaplangaké, Interisti (pandhemen Inter) nyebut manawa Candreva wira kang anyar. Candreva wis nyepakaké separo uripé kanggo gol kaya mangkono, jalaran pesthi duwé cara dhewe kanggo males wong kang ora naté mandheg ngupaya.[5]
Simpati Marang Pageblug
besutSerie A liga Itali kober kedayan pageblug Covid-19, malah nagara Itali kalebu salah siji nagara Éropa kang nandhang pageblug paling nemen. Nalika ditakoni juru warta bab scudetto (juara Serie A), Candreva awèh katrangan kang nuduhaké yèn dhèwèké ora mung dadi pamain kang mung mikiraké bal-balan nanging uga nasib para buruh kasehatan, ujaré scudetto patut diwènèhaké kanggo kabèh wong kang kridha merangi virus iki. Candreva ora bisa dhélikaké rasa was sumelang marang virus iki, nanging ora ateges negarané bakal tanpa pangarep-arep. Pageblug bakalé sirna manawa bebrayané tansah tertib lan manut marang paugeran kang tinetepaké déning pangrèh praja. Dhèwèké sumelang manawa kulawargané katular virus.[6]
Pangaji-aji
besut- Juwara Turnamèn Toulon 2008.
- Juwara Copa Italia 2012-13 bareng Lazio.[7]
- Rangking katelu Piala Konfèderasi FIFA 2013.
Statistik ing Klub
besut| Klub | Mangsa | Liga | Piala | Europa | Liyané | Gunggung | |||||
|---|---|---|---|---|---|---|---|---|---|---|---|
| Panampilan | Gol | Panampilan | Gol | Panampilan | Gol | Panampilan | Gol | Panampilan | Gol | ||
| Ternana | 2005–06 | 29 | 0 | 0 | 0 | — | — | 29 | 0 | ||
| 2006–07 | 16 | 0 | 0 | 0 | — | — | 16 | 0 | |||
| Total | 45 | 0 | 0 | 0 | — | — | 45 | 0 | |||
| Udinese | 2007–08 | 3 | 0 | 0 | 0 | — | — | 3 | 0 | ||
| Livorno (silih) | 2008–09 | 33 | 2 | 0 | 0 | — | — | 33 | 2 | ||
| 2009–10 | 19 | 0 | 3 | 0 | — | — | 22 | 0 | |||
| Gunggung | 52 | 2 | 3 | 0 | — | — | 55 | 2 | |||
| Juventus (silih) | 2009–10 | 16 | 2 | 1 | 0 | 3 | 0 | — | 20 | 2 | |
| Parma (silih) | 2010–11 | 31 | 3 | 2 | 0 | — | — | 33 | 3 | ||
| Cesena (silih) | 2011–12 | 18 | 2 | 3 | 0 | — | — | 21 | 2 | ||
| Lazio | |||||||||||
| 2011–12 | 15 | 3 | — | 2 | 0 | — | 17 | 3 | |||
| 2012–13 | 35 | 6 | 3 | 0 | 11 | 1 | — | 49 | 7 | ||
| 2013–14 | 37 | 12 | 1 | 0 | 5 | 0 | 1 | 0 | 44 | 12 | |
| 2014–15 | 34 | 10 | 4 | 1 | — | — | 38 | 11 | |||
| 2015–16 | 30 | 10 | 2 | 0 | 11 | 2 | 1 | 0 | 44 | 12 | |
| Gunggung | 151 | 41 | 10 | 1 | 29 | 3 | 2 | 0 | 192 | 45 | |
| Inter Milan | |||||||||||
| 2016–17 | 38 | 6 | 2 | 1 | 5 | 1 | — | 45 | 8 | ||
| 2017–18 | 36 | 0 | 1 | 0 | — | — | 37 | 0 | |||
| 2018–19 | 18 | 1 | 2 | 2 | 9 | 0 | — | 29 | 3 | ||
| 2019–20 | 32 | 5 | 2 | 1 | 5 | 1 | — | 39 | 7 | ||
| Total | 124 | 12 | 7 | 4 | 18 | 2 | — | 150 | 18 | ||
| Career Total | 441 | 62 | 26 | 5 | 51 | 5 | 2 | 0 | 519 | 72 | |
Rujukan
besut- ↑ Gufriansyah, Reyhan (2016-03-31). "Antonio Candreva Sisik Melik kang Ditampa dadi Laziale (Saka Basa Indonesia)". Pandit Football. Dibukak ing 2020-08-03.
- ↑ "Profil Pamain Antonio Candreva (Saka Basa Inggris)". Transfermarkt. 2020-04-08. Dibukak ing 2020-07-30.
- ↑ a b "Biografi Antonio Candreva (Saka Basa Inggris)". Inter Milan. Diarsip saka sing asli ing 2020-09-24. Dibukak ing 2020-08-03.
- ↑ Anshar, Sony. "Profil Antonio Candreva (Saka Basa Indonesia)". Bola.net. Dibukak ing 2020-08-03.
- ↑ Bai, Alessandro (2016-12-21). "Crita Antonio Candreva lan Pesthi kang Tinulis Balen (Saka Basa Indonesia)". Inter Milan. Dibukak ing 2020-08-03.[pranala mati permanèn]
- ↑ Bola, Kumparan (2020-03-31). "Antonio Candreva: Scudetto Wenehake marang Wong kang Ngasorake Virus Korona (Saka Basa Indonesia)". Kumparan. Dibukak ing 2020-08-03.
- ↑ "Pangaji-aji Antonio Candreva (Saka Basa Inggris)". Transfermarkt. 2020-04-08. Dibukak ing 2020-08-03.