Asem malat
Asam malat (malic acid) ya iku asem dikarboksilat kang mènèhi rasa kecut lan getir sajeroning sapérangan woh kaya ta apel ijo lan anggur.[3] Asam malat uga bisa dicampur karo manéka perasa panganan kanggo mènèhi manéka jinis sènsasi rasa. Dat iki uga mainaké peran sajeroning pambentukan adenosin trifosfat (ATP). Woh-wohan liya kang uga bisa ngandhung asem malat ing antarané ya iku nanas, aprikot, gooseberry, raspberry, ceri, lan lémon. Asam malat bisa disintèsis sajeroning jero awaké manungsa lumantar siklus asem sitrat kanggo ngundhakaké metabolisme ènergi. Tanpa asem malat, siklus mau ora bisa lumaku kanthi lancar saéngga prodhuksi ènèrgi awak uga bakal mandheg. Asam malat uga duwé mupangat kanggo wong kang duwé lelara fibromyalgia, salah sijiné kaanan kang nyebapaké nyeri otot, nyeri sendhi lan cendhèké tingkat ènèrgi.[3]
| Asam malat | |
|---|---|
| |
| |
| |
hydroxybutanedioic acid | |
Jeneng liya L-Malic acid D-Malic acid (–)-Malic acid (+)-Malic acid (S)-Hydroxybutanedioic acid (R)-Hydroxybutanedioic acid | |
| Identifikasi | |
| Nomor CAS | [6915-15-7] |
| PubChem | |
| Nomer EINECS | |
| KEGG | C00149 |
| ChEBI | CHEBI:6650 |
| SMILES | O=C(O)CC(O)C(=O)O |
| InChI | 1/C4H6O5/c5-2(4(8)9)1-3(6)7/h2,5H,1H2,(H,6,7)(H,8,9) |
| Sifat | |
| Rumus kimia | C4H6O5 |
| Massa molar | 134.09 g mol−1 |
| Densitas | 1.609 g cm−3 |
| Titik leleh |
130 °C, 403 K, 266 °F |
| Kelarutan dalam air | 558 g/L (at 20 °C)[1] |
| Kaasaman (pKa) | pKa1 = 3.40, pKa2 = 5.20 [2] |
| Senyawa kagandhèng | |
| Anion liyané | malate |
| carboxylic acids kagandhèng | succinic acid tartaric acid fumaric acid |
| Senyawa kagandhèng | butanol butyraldehyde crotonaldehyde sodium malate |
| Kejaba ditélakaké suwaliké, data ing ndhuwur kanggo ing suhu lan tekanan standar (25°C, 100 kPa) | |
Asam malat mainaké peran wigati sajeroning otot kanthi sekabèhané, ngurangi keselé otot lan ngundhakaké ènèrgi awak. Dat iki uga duwé fungsi ngurangi tosisitas ing jero awak kang bisa nyebapaké lelara ati lan gangguan utek kanthi cara ngiket logam kang ngandhut racun ing jero awak. Saliyané iku, asem malat mbantu njaga kulit tetep séhat lan enom, uga mbantu njaga karesikané cangkem. Asam malat bisa katemokaké uga ing sapérangan prodhuk kaya ta ombènan kang mawa karbonisasi, prodhuk susu kang diasemaké, woh kalèng, prodhuk roti, sarta prodhuk perawatan mèdhis lan pribadi.[3]
Sajarah
besutAsam malat tinemu ing taun 1785 déning Carl Wilhelm Scheele ing èksperimèné karo jus apel. Tembung malat asalé saka basa Latin ya iku malum kang artiné apel. Jeneng asem malat pisanan diusulaké ing taun 1789.[3]
Panggunaan asem malat
besutSajeroning panganan
besutAsam malat kerep digunakaké ing jero panganan, kususé permèn supaya rasané dadi kecut utawa pait. Anggur (wine) uga diwènèhi tambahan asem malat kanggo mènèhi rasa kecut.
Sajeroning kadhokteran untu
besutAsam malat kerep digunakaké déning dhokter untu kanggo ngresiki enamel untu sadurungé dibor lan ditambal.[3]
Rumus asem malat
besutAsam malat yiku sajinis asem karbosilat. Jinis asem iki duwé ranté senyawa dhasar kang nyakup atom karbon kaiket karo roncèn dhobel atom oksigèn sarta senyawa hidroksida. Asam malat wujud senyawa organik kang duwé rumus kimia [[HO2CCH2CHOHCO2H]].[3]
Wong meteng lan nyusoni
besutÉndhani asem malat nalika ngandhut lan nyusoni. Sanajan durung ana informasi babagan èfèk samping asem malat kanggoné wong ngandhut lan nyusoni, nanging luwih becik ngèndhani suplemèn asem malat.[3]
Tekanan getih
besutÉndhani asem malat yèn duwé tekanan getih cendhèk. Asam malat bisa ngurangi tekanan getih. Yèn duwé tekanan getih cendhèk utawa ngombé obat kanggo ngontrol tekanan getik, mula kaprayogakaké supaya konsultasi karo ahliné kaséhatan sadurungé ngombé suplemèn asem malat.[3]