Asep S. Sambodja

Asep S. Sambodja ingkang miyos wonten ing Sala, 15 September 1967, inggih punika kalebet salah satunggaling sastrawan Indonésia. Piyambakipun séda ing Bandung tanggal 9 Dhésèmber 2010 amargi kènging lelara kanker usus.

Asep S. Sambodja

Pendidikan

Asep S. Sambodja kalarumiyin sampun naté ngrampungaken sekolahipun ing:

• SDN 1 Ungaran, Semarang
• SMPN 1 Ungaran, Semarang
• SMAN 1 Ungaran, Semarang
• S-1 Jurusan Sastra Indonesia Fakultas Sastra (sapunika dados Program Studi Indonesia Fakultas Ilmu Budaya) Universitas Indonesia, Dhépok (1993)

Padamelanipun

Asep S. Sambodja sampun dangu aktip wonten ing dunya jurnalistik, wiwit piyambakipun taksih kuliah ing lebet kampus saha ing njawi kampus ing taun 1998. Ing wiwitanipun, piyambakipun namung magang wonten ing Tabloid Monitor ingkang dipunpandhegani déning Arswendo Atmowiloto. Lajeng piyambakipun resmi dados wartawan tabloid Bintang Indonesia (1990-1994), Majalah Berita Mingguan Sinar (1995-1997), Majalah Ummat (1997-1998), Satunet.com (1999-2001), saha Majalah Fokus Indonesia (2002-2003). Lajeng piyambakipun gantos pakaryan dados dhosèn ing Program Studi Indonesia FIB UI wiwit taun 2005. Asep S. Sambodja naté gabung ugi kaliyan teater pagupon UI. Asiling karyanipun kados nyamektakaken kalih prakawis ingkang sami ing wadhah ingkang langkung ngepop, kados ta bilih boten sadaya tiyang gampil akrab lan mangertos piwulang ingkang wonten ing Al Qur’an sah hadits Nabi, aos, ing wujud karya fiksi, buku-bukunipun Asep punika gadhah kalih makna langsung, inggih punika kanggé hiburan saha tuntunan.

Asiling Karya

Asep S. Sambodja sampun remen nyerat wiwit piyambakipun taksih alit, dipunwiwiti saking seratanipun ingkang awujud puisi. Kathah sajak-sajakipun ingkang kapacak wonten ing Harian Media Indonesia, Horison, saha jurnal puisi. Déné karya-karyanipun ingkang sampun dipunwedalaken ing antawisipun ingkang wujud cariyos kanggé laré-laré alit kanthi irah-irahan, ‘Rama dan Sita di Taman Mini’ (1998)

Karyanipun pribadi

Karya-karyanipun Asep S. Sambodja ingkang sampun dipunwedalaken inggih kados ta:

• Menjelma Rahwana (1999)
• Kusampirkan Cintaku di Jemuran (2006)
• Ballada Para Nabi (2007), ingkang wosipun cariyos inggih punika ngandharaken kathah pitutur saking kisahipun para nabi saha piwulang-piwulang ingkang saé saking kitab suci ingkang dipunandharaken kanthi wujud puisi.

Antologi Sesarengan

• Graffiti Gratitude (2001)
• Cyberpuitika: Antologi Puisi Digital (2002)
• Bisikan Kata, Teriakan Kota (2003)
• Dian Sastro for President! (2005)
• Les Cyberlettres: Antologi Puisi Cyberpunk (2005)
• Nubuat Labirin Luka: Antologi Puisi untuk Munir (2006)
• Mekar di Bumi (2006)
• Jogja 5,9 Skala Richter (2006)
• Legasi: Antologi Puisi ASEAN (2006)

Esai

• Cyber Graffiti: Polemik Sastra Cyberpunk (2004) dan
• Dari Kampus ke Kamus (2005)