Wikipédia

Azyumardi Azra

Prof. Dr. H. Azyumardi Azra, MA, M.Phil., CBE. (lair ing Lubuk Alung, Padang Pariaman, Sumatra Barat, 4 Maret 1955 – pati ing Serdang,Selangor, 18 Sèptèmber 2022 ing umur 67 taun)[1] iku akademisi lan sarjana Muslim Indonésia. Tiyangé njabat dadi Rektor UIN Syarif Hidayatullah Jakarta antara taun 1998 nganti 2006.[2] Ing taun 2010, piyambakipun pikantuk gelar kehormatan Commander of the Order of British Empire, saking Inggris lan dados 'Sir' pisanan saking Indonesia.[3] Ing taun 2022, tiyangé kapilih dadi Ketua Dewan Pers periode 2022-2025.[4][5]

Azyumardi Azra
Ketua Dewan Pers
Linggih
19 Mei 2022 – 18 September 2022
Kang sadurungéProf. Dr. Ir. K.H. Mohammad Nuh, DEA
Rektor UIN Syarif Hidayatullah Jakarta
Linggih
1998–2006
Kang sadurungéProf. Dr. H. Ahmad Sukardja, SH, MA
Kang sawiséProf. Dr. Komaruddin Hidayat
Rerincèn dhiri
Lair(1955-03-04)4 Maret 1955
Lubuk Alung, Padang Pariaman, Sumatra Barat, Indonesia
PatiSèptèmber 18, 2022(2022-09-18) (umur 67)
Selangor, Malaysia
SisihanIpah Farihah
Anak4
Sana jaringanhttps://azraazyumardi.com/

Babad Urip

besut

Karir

besut

Azyumardi miwiti karir ing pendhidhikan dhuwur minangka mahasiswa sarjana ing Fakultas Tarbiyah IAIN Syarif Hidayatullah Jakarta nalika taun 1982, banjur kanthi bantuan beasiswa Fulbright, tiyangé entuk gelar Master of Art (MA) ing Jurusan Bahasa lan Budaya Timur Tengah, Universitas Columbia taun 1988. Piyambakipun menangake Columbia President Fellowship saka universitas sing padha, nanging wektu iki Azyumardi pindhah menyang Departemen Sejarah, lan entuk gelar MA ing taun 1989.

Ing taun 1992, piyambakipun pikantuk gelar Magister Filsafat (MPhil) saking Jurusan Sejarah, Universitas Columbia taun 1990 lan Doktor Filsafat kanthi disertasi sing irah-irahane yaiku The Transmission of Islamic Reformism to Indonesia: Network of Middle Eastern and Malay-Indonesian ‘Ulama in the Seventeenth and Eighteenth Centuries. Ing taun 2004, disertasi sing direvisi diterbitake bebarengan ing Canberra (Allen Unwin lan AAAS), Honolulu (Hawaii University Press), lan Leiden, Walanda (KITLV Press).

Balik menyang Jakarta, ing taun 1993 Azyumardi ngedegake lan dadi pimpinan redaksi Studia Islamika, sawijine jurnal studi Islam saka Indonesia. Ing taun 1994–1995, tiyange ngunjungi Southeast Asian Studies ing Oxford Center for Islamic Studies, Universitas Oxford, Inggris, nalika mulang minangka dosen ing St. Anthony College.[6]

Azyumardi uga wis dadi profesor tamu ing Universitas Filipina lan Universitas Malaya, Malaysia ing taun 1997.[7] Saliyané iku, tiyangé dadi anggota Panitia Seleksi Program Pertukaran Regional Asia Tenggara (SEASREP) sing diselenggarakaké déning Toyota Foundation lan Japan Center, Tokyo, Jepang antara taun 1997–1999.

Wiwit Desember 2006 piyambakipun njabat minangka Direktur Pascasarjana UIN Syarif Hidayatullah, Jakarta. Sadurungé taun 1998 nganti pungkasan taun 2006, Azyumardi Azra dadi Rektor UIN Syarif Hidayatullah Jakarta.[8]

Piyambakipun pernah dados Wartawan Paguyuban Panji (1979–1985),[7] Dosen Fakultas Adab lan Fakultas Tarbiyah IAIN Syarif Hidayatullah, Jakarta (1992–saiki), Guru Besar Sejarah Fakultas Adab IAIN Jakarta, lan Asisten Rektor I IAIN Syarif Hidayatullah, Jakarta (1998). Tiyangé uga wong Asia Tenggara pisanan sing diangkat dadi Profesor Fellow ing Universitas Melbourne, Australia (2004–2009), lan anggota Dewan Pengawas Universitas Islam Internasional Pakistan Islamabad (2004–2009).[6] Tiyangé uga isih dadi anggota sarekat Kemitraan bagi Pembaruan Tata Pemerintahan.

Kahuripan pribadi

besut

Azyumardi nikah karo Ipah Farihah lan duwe anak 4, yaiku Raushanfikri Usada, Firman El-Amny Azra, Muhammad Subhan Azra, lan Emily Sakina Azra.

Azyumardi Azra misuwur minangka profesor ingkang ahli babagan sejarah, sosial lan intelektual Islam. Nalika dadi Rektor ing Institut Agama Islam Negeri (IAIN) Syarif Hidayatullah Jakarta, tiyangé nggawe terobosan gedhe ing institusi pendidikan kasebut.[8] Ing wulan Mei 2002, IAIN ganti jeneng dadi Universitas Islam Negeri (UIN) Syarif Hidayatullah Jakarta.[8] Iki minangka kelanjutan saka gagasan Rektor sadurunge, Prof. Dr. Harun Nasution, sing kepengin lulusan IAIN dadi wong sing rasional, modern, demokratis, lan toleran.[8]

Wiwitane Azyumardi ora terobsesi utawa duwe cita-cita kanggo kalebet ing studi agama Islam. Iki amarga dheweke luwih seneng lumebu ing bidang pendidikan umum ing IKIP.[6] Ananging merga saka pamrayogane bapake, Azyumardi lumebu IAIN saengga saiki dikenal minangka tokoh intelektual Islam Indonesia. Dheweke lair saka bapake Azikar lan ibune Ramlah.[6]

Ing taun 2006 jabatane minangka Rektor resmi diganti dening Prof. Dr. Komaruddin Hidayat.[9] Ing rapat senat sing dipimpin dhéwé, Komarudin Hidayat kapilih nggantèkaké pak Azyumardi kanthi ngalahaké rong calon liyané.

Karya tulis

besut

Buku kang diterbitake:

  • Jaringan Ulama, terbit tahun 1994
  • Pergolakan Poitik Islam, terbit tahun 1996
  • Islam Reformis, terbit tahun 1999
  • Konteks Berteologi di Indonesia, terbit tahun 1999
  • Menuju Masyarakat Madani, terbit tahun 1999
  • Pendidikan Islam: Tradisi dan Modernisasi Menuju Milenium Baru, terbit tahun 1999
  • Esei-esei Pendidikan Islam dan Cendekiawan Muslim,1999
  • Renaisans Islam di Asia Tenggara – buku ini berhasil memenangkan penghargaan nasional sebagai buku terbaik untuk kategori ilmu-ilmu sosial dan humaniora pada tahun 1999, terbit tahun 1999
  • Islam Substantif, terbit tahun 2000
  • Historiografi Islam Kontemporer: Wacana, Aktualitas dan Aktor Sejarah (2002)
  • Paradigma Baru Pendidikan Nasional: Rekonstruksi dan Demokratisasi (2002)
  • Reposisi Hubungan Agama dan Negara (2002)
  • Menggapai Solidaritas: Tensi antara Demokrasi, Fundamentalisme, dan Humanisme (2002)
  • Konflik Baru Antar-Peradaban: Globalisasi, Radikalisme, dan Pluralitas
  • Islam Nusantara: Jaringan Global dan Lokal (2002)
  • Surau: Pendidikan Islam Tradisional dalam Transisi dan Modernisasi (2003)
  • Disertasi doktor berjudul “The Transmission of Islamic Reformism to Indonesia: Network of Middle Eastern and Malay-Indonesian ‘Ulama in the Seventeenth and Eighteenth Centuries’”, pada tahun 2004 sesudah direvisi diterbitkan secara simultan di Canberra (Allen Unwin dan AAAS), di Honolulu (Hawaii University Press), dan di Leiden Negeri Belanda (KITLV Press).
  • Indonesia Bertahan (DARI MENDIRIKAN NEGARA HINGGA MERAYAKAN DEMOKRASI) 2020

Penghargaan

besut

Referensi

besut
  1. ↑ "BREAKING NEWS: Ketua Dewan Pers Azyumardi Azra Tutup Usia di Malaysia". Tribunnews.com (ing basa Indonesia). Dibukak ing 2022-09-18.
  2. ↑ Masalah sitiran: Tenger <ref> ora trep; ora ana tèks tumrap refs kanthi jeneng kmps
  3. ↑ NERACA.co.id, 25 Agustus 2012. Gelar Sir dan Produk Halal[pranala mati permanèn]
  4. ↑ "Dewan Pers". dewanpers.or.id. Dibukak ing 2022-05-24.
  5. ↑ Azzahra, Tiara Aliya. "Azyumardi Azra Jadi Ketua, Ini Susunan Anggota Dewan Pers 2022-2025". detiknews (ing basa Indonesia). Dibukak ing 2022-05-24.
  6. ↑ a b c d Masalah sitiran: Tenger <ref> ora trep; ora ana tèks tumrap refs kanthi jeneng tkh
  7. ↑ a b http://www.ipb.ac.id. Anggota Dewan Audit IPB Periode 2007-2012
  8. ↑ a b c d Masalah sitiran: Tenger <ref> ora trep; ora ana tèks tumrap refs kanthi jeneng az
  9. ↑ http://www.tokohindonesia.com. Prof Dr Komaruddin Hidayat: Rektor UIN Jakarta 2006-2010 Error in webarchive template: Check |url= value. Empty.
  10. ↑ "Daftar WNI Yang Memperoleh Tanda Kehormatan Bintang Mahaputera Tahun 2004 - Sekarang" (PDF). Kementerian Sekretariat Negara Republik Indonesia. Dibukak ing 2022-09-26.
  11. ↑ Ridhoi, M. Ahsan. "Azyumardi Azra: Sejarawan Islam dan 'Sir' Pertama dari Indonesia". tirto.id (ing basa Indonesia). Dibukak ing 2020-02-19.
  12. ↑ a b "Berjasa, Azyumardi Azra Dapat Penghargaan dari Kaisar Jepang". suara.com (ing basa Indonesia). 2017-11-08. Dibukak ing 2020-02-19.
Didhisiki déning:
Prof. Dr. H. Ahmad Sukardja, SH, MA 		Rektor UIN Syarif Hidayatullah Jakarta
1998 - 2006 		Diganti déning:
Prof. Dr. Komaruddin Hidayat
Dijupuk saka "https://jv.wikipedia.org/w/index.php?title=Azyumardi_Azra&oldid=1625709"