Barli Sasmitawinata

Barli Sasmitawinata (wiyos wonten ing Bandung, 18 Maret 1921 lajeng séda wonten ing Bandung, 8 Fèbruari 2007 kanthi yuswa 85 taun) punika salah satunggaling pelukis saking Indonésia ^[1].

Lelampahan karir

Lajeng Barli kathah ngangsu kawruh nglukis ngalam benda lan Barli punika satunggaling murid pribum wonten ing studio mau. Barli ugi ngangsu kawruh dhateng Luigi Nobili, pelukis saking Italia. Ing studio punika Barli tepang kaliyan Affandi ingkang kala punika taksih pados arta kanthi dados modhèl kanggé Luigi. Ing studio kagunganipun Luigi Nobilo punika Affandi ugi ndhèrèk sinau nglukis ^[2].

Sareng kaliyan Affandi, Hendra Gunawan, Soedarso, lan Wahdi Sumanta, Barli Sasmitawinata damel Kelompok Lima Bandung. Kelompok mau dipunbentuk amargi kagumipun Barli lan tigang kancanipun. Hubungan gangsal anggota kelompok punika raket sanget,manawi nglukis sesarengan dumugi lelampahan Barli dumugi Bali^[2].

Barli Sasmitawinata naté damel Sanggar Seni Rupa Jiwa Mukti ing taun 1948. Lajeng sekonduripun saking Éropah, ing taun 1958 Barli damel studio Rangga Gempol. Sapunika Barli gadhah Bale Seni Barli ing Padalarang. Barli nyebataken satunggal kekajengan inggih punika péngin gadhah murid ingkang boten namung pinter nggambar nanging saged gesang kaliyan sanèsipun^[2].

Barli punika dados pelukis sarta guru, sampun kathah mahasiswa ingkang dipunwulang wonten ing Institut Teknologi Bandung (ITB) ugi murid bimbinganipun ing Sanggar seni saéngga ngasilaken pelukis kados ta AD Pirous, Huang Fong,lan Chusin Setiadikara ^[2].

Lelampahan karir Barli ing seni lukis kawiwitan saking taun 1930-an minangka ilustrator ingkang kondhang ing Balai Pustaka, Jakarta. Barli ugi naté dados ilustrator kanggé koran ingkang terbit wonten ing Bandung. Ketrampilan mau taksih terus ing taun 1950-an nalika Barli sampun tindak dhateng mancanagara. Inggih punika nalika Barli dipunangkat dados ilustrator ing kalawati De Moderne Boekhandel ing Amsterdam, lan kalawarti Der Lichenbogen ing Rijksacademie, Jerman. Barli punika tuladha pelukis lan guru ingkang pikantuk pendidikan kanthi saé awit saking umur taksih enèm dumugi pikantuk kesempatan ngangsu kawruh dhateng Prancis lan Walanda^[2].

Karya

Karyanipun wonten ing manéka forum paméran seni rupa ing nagari utawi njawi luar nagari. Sapunika kaya-karyanipun ugi dipunpaméraken wonten ing musiyum pribadinipun, Museum Barli ingkang jumeneng ing taun 1992. Nalika yuswanipun sampun sepuh, Barli taksih aktif nglukis lan damel paméran. Ing wulan Maret 2004 barl ngawontenaken paméran tunggal kanggé mengeti ambal warsanipun ingkang kaping 83. Sesarengan kaliyan punika dipunterbitaken buku kenangan garwanipun, Nakisbandiah kanthi irah-irahan Kehidupanku Bersama Barli.

Ugi pirsani

Pratélan Seniman Indonésia

Cathetan suku

↑ [1] Archived 2016-03-05 at the Wayback Machine., (id) Seniman (dipun-akses 12 Januari 2013).
↑ ^a ^b ^c ^d ^e [2] Archived 2013-03-30 at the Wayback Machine., (id) Maestro Seni Realistik Indonésia (dipun-akses 12 Januari 2013).

[barli1-1] [1] Archived 2016-03-05 at the Wayback Machine., (id) Seniman (dipun-akses 12 Januari 2013).

[barli2-2] [2] Archived 2013-03-30 at the Wayback Machine., (id) Maestro Seni Realistik Indonésia (dipun-akses 12 Januari 2013).

[1]

[2]