Biokimia

Biokimia iku kimia mahluk urip. Sauntara biokimiawan nyinaoni molekul lan réaksi kimia terkatalisis déning enzim sing dumadi ing kabèh organisme. Diagram lan dhèskripsi gegandhèngan antarané biokimia, biologi molekular, lan génétika bisa dipirsani ing artikel biologi molekular

Biokimia wujud èlmu sing nyinaoni struktur lan fungsi komponèn selular, kaya déné protèin, karbohidrat, lipid, asem nukleat, lan biomolekul liyané. Saiki biokimia luwih fokus kanthi mirunggan ing kimia réaksi angka mediasi enzim lan sipat-sipat protèin.

Saiki, biokimia metabolisme sel wis akèh disinaoni. Babagan liya ing biokimia antarané sandi génétik (DNA, RNA), sintesis protèin, angkudan membran sel, lan transduksi sinyal.

Perkembangan biokimia

Bangkité biokimia diwiwiti kanthi panemonan sepisanan molekul enzim, diastase, ing taun 1833 déning Anselme Payen. Taun 1828, Friedrich Wöhler nerbitaké sawijining buku ngenani sintesis urea, sing mbuktèkaké yèn senyawa organik bias digawé kanthi mandhiri. Panemon iki tulak wuri kaliyan pamahaman umum ing wektu iku sing yakin yèn senyawa organik mung bisa digawé déning organisme. Istilah biokimia sepisanan ditelakaké taun 1903 déning Karl Neuber, sawijining kimiawan Jerman|Jerman. Wiwit wektu iku, biokimia tansaya ngrembaka, mligi wiwit tengahing abad kaping 20, kanthi tinemu tèknik-tèknik anyar kaya déné kromatografi, difraksi sinar X, èlèktroforesis, RMI (nuclear magnetic resonance, NMR), palabèlan radioisotop, mikroskop èlèktron, lan simulasi dinamika molekular. Tèknik-tèknik iki mungelaké panemon lan analisis sing luwih jero ngenani manéka warna molekul lan jalur métabolik sel, kaya déné glikolisis lan siklus Krebs. Perkembangan èlmu anyar kaya bioinformatika uga akèh mbiyantu ing paramalan lan pamodhèlan struktur molekul raksasa.

Saiki, panemon-panemon biokimia dipigunaaké ing manéka warna babagan, wiwit saka génétika nganti biologi molekular lan saka tetanèn nganti kadhokteran. Panrapan biokimia sing sepisanan mbok manawa ya iku ing panggawéan roti migunakaké khamir, watara 5000 taun kapungkur.

Subdisiplin

Biokimia kanthi prinsip wujud kimia zat-zat sing bisa digolongaké dadi sapérangan kategori utama:

• karbohidrat,
• lipid,
• protèin lan asem amino,
• asem nukleat (DNA, RNA).

Pirsanana uga

Portal Kimia

• Pratélan topik biokimia
• Biologi molekular
• Pratélan biomolekul
• Ékologi kimia

Pranala njaba

• Perpustakaan Maya Biokimia lan Biologi Sel