Badminton

Badminton utawa bulu tangkis iku ulah raga mawa rakèt kang dimainaké déning wong loro (tumrap tunggal) utawa rong pasangan (tumrap gandha) kang silih tetandhingan.

Badminton

Danish badminton player Peter Gade
Organisasi	Badminton World Federation
Dimainaké pisanan	Abad angka 17
Characteristics
Kontak	Ora ana
Anggota tim	Singel utawa dobel
Kategorisasi	Ulah raga mawa rakèt
Piranti	Shuttlecock
Olimpiade	1992-saiki

Barkas:Ardy BW.jpg

Ardy B. Wiranata, pamain badminton misuwur saka Indonésia

Mèmper karo tènes, badminton duwé tujuan nampèl bal awujud wulu ("kok" utawa "shuttlecock") ngliwati jaring supaya tiba ing babagan pramainan lawan kang wis ditemtoké lan ngupaya nyegah lawan nglakoni bab kang padha.

Parté

Barkas:Bulutangkis ukuran.jpg

Lapangan badminton

Ana lima parté kang biyasa dimainaké sajeroning badminton, yaiku:

1. Tunggal putra
2. Tunggal putri
3. Gandha putra
4. Gandha putri
5. Gandha campuran

Lapangan lan jaring

Lapangan badminton awangun pesagi dawa lan duwé ukuran kaya katon ing gambar. Garis-garis kang ana duwé kandel 40 mm lan kudu awarna kontras karo warna lapangan. Warna kang diprayogakaké kanggo garis yaiku putih utawa kuning. Lumahing lapangan diprayogakaké kagawé saka kayu utawa bahan sintetis kang empuk. Permukaan lapangan kang kagawé saka beton utawa bahan sintetik kang atos ora diprayogakaké banget amarga bisa agawé cidra juru main. Jaring kang dhuwuré 1,55 m dumunung ana ing tengah lapangan. Jaring kudu awarna peteng kajaba lambé jaring kang duwé kandel 75 mm kudu awarna putih.

Perlengkapan

• Rakèt

Sacara tradhisional rakèt digawé saka kayu. Sabanjuré saka aluminium utawa logam ringan liyané dadi bahan kang dipilih. Saiki, mèh kabèh rakèt badminton profèsional digawé saka komposit serat karbon (plastik abalung grafit). Serat karbon duwé kakuwatan hébat tumrap perbandingan bobot, kaku, lan mènèhi perpindahan ènergi kinetik kang apik. Nanging, sawatara modèl kang luwih murah isih migunakaké waja utawa aluminium kanggo sapérangan utawa sakabèhané bahan rakèt.

• Senar

Manawa salah siji saka pérangan kang paling diwigatèkaké sajeroning badminton yaiku senar. Jinis senar béda duwé ciri-ciri tanggap kang béda-béda. Awèt orané senar kanthi umum uga béda-béda. Akèh-akèhé senar mawa katebalan 21 ukuran lan diuntai kanthi ketegangan 18 nganti 30+ lb. Pilihan pribadi sang juru main duwé peran kang utama sajeroning selèksi senar.

• Kok

Kok iku bal kang dipigunakaké sajeroning ulah raga badminton, kagawé saka rerangkèn wulu banyak kang disusun mbentuk kerucut, kanthi pangkal awangun setengah bola kang kagawé saka gabus. Sajeroning latihan utawa tetandhingan ora resmi digunakna uga kok saka plastik.

Induk organisasi

International Badminton Federation (IBF) diadegaké taun 1934 kanthi Inggris, Irlandia, Sekotlan, Wales, Dhènemarken, Walanda, Kanada, Niu Selan, lan Prancis minangka anggota-anggota pelopor. India gabung minangka afiliat ing taun 1936. Sajeroning IBF Extraordinary General Meeting ing Madrid, Spanyol, September 2006, usulan kanggo ngowahi jeneng International Badminton Federation dadi Badminton World Federation (BWF) ditampa déning kabèh 206 wakil kang rawuh.

Ulah raga iki dadi ulah raga Olimpiade Mangsa Panas ing Olimpiade Barcelona taun 1992. Indonésia lan Koréa Kidul olèh loro medhali emas taun iku.

Deleng uga

• BWF
• PBSI
• Pratélan kejuaraan badminton internasional
• Pratélan pemain badminton kaloka
• Teknik Awal Bermain badminton
• Badmini

Pranala njaba

• Badminton World Federation
• Laws of Badminton
• PB PBSI Archived 2010-07-04 at the Wayback Machine.
• Badminton-Indonésia.com Archived 2010-09-30 at the Wayback Machine.
• Bulutangkis.com
• RakètBadminton.com Informasi Rakèt dan badminton Indonésia

Gladri

• 
  Rakèt
• 
  Wangun cara njekel Rakèt
• 
  Kok (Shuttlecocks)
• 
  lapangan badminton