Camembert
Cithakan:Infobox Cheese Camembert inggih punika kèju lunak saking susu sapi mentah ingkang asalipun saking tlatah Normandy, Perancis. Keju ingkang asli dipuntambahaken tembung "de Normandie" ing sawingkingipun nama kèju mau. Kèju punika sampun pikantuk sertifikasi AOC nalika taun 1983 ingkang nemtokaken bilih kèju mau namung saged dipunproduksi ing Normandy, Perancis kanthi métodhe produksi ingkang sampun dipuntemtokaken. Keju wonten saminipun kaliyan Brie anggènipun prosès damel ingkang ugi asalipun saking Perancis, nanging Camembert dipunproduksi kanthi wujud ingkang langkung alit.[1][2] Amargi ukuranipun ingkang bènten lajeng prosès pematanganipun ugi maringi kasil ingkang bènten ing Camembert.[2] Kèju Camembert gadhah raos ingkang langkung kuwat tinimbang Brie.[1] Camembert saé dipunsajèkaken wonten ing suhu ruangan amargi kèju punika rikat lèlèh manawi kénging panas.[1]
.jpg)
Sajarah
besutMiturut legénda, kèju Camembert dipundamel kapisan nalika masa Revolusi Perancis kelampahan ing pungkasan taun 1700.[3] Kala punika satunggaling pendeta lumayu saking Paris amargi badhé kénging paukuman mati.[3][4] Nalika tanggal 23 Agustus 1792, pendeta mau dugi ing griyanipun Marie Harel lan garwanipun ing Normandy.[3][4][5] Marie Harel punika ponakan saking biskop ingkang ngirim pendeta mau supados medal saking Paris.[3] Marie asring damel kèju kanggé dipunsadé ing peken lokan saben dinten Senèn nanging kèju ingkang dipunsadé mau nglenga (berminyak) lan boten payu.[3] Pendeta ingkang dipundelikaken punika mangertos kados pundi cara damel keju Brie lan lajeng mbiyantu Marie damel saé keju damelanipun.[3][4] Kèju mau payu dipunsadé lan Marie nemtokaken bilih ukuran kèju ingkang pas punika 11 cm ingkang kalebet ukuran Camembert dumugi sapunika.[3] Nalika taun 1855, salah satunggal laré èstri perempuan Marie Harel nyajekaken kèju punika Napoleon lan ngandharaken bilih kèju mau asalipun saking Camembert.[5]
Wujud lan tekstur
besut
Camembert dipunproduksi kanthi wujud bunder mawi diameter ingkang manéka warna wiwit saking 11 cm.Dhuwuring kèju punika 2.5 cm, déné bobotipun kirang langkung 255 gram. Kèju Camembert dipundamel tipis amargi manawi kèju mau kekandhelen lajeng pérangan njawinipun saged lèlèh déné ingkang pérangan njero boten mateng.[3] Kèju-kèju punika padatanipun dipunwungkus wonten ing kotak kayu bunder sadèrèngipun dipunsadé dhateng peken. Camembert gadhah tekstur ingkang lembut kanthi kulitipun ingkang dipunlapisi kaliyan jamur putih lan kadang kala wonten bintik-bintik abrit wonten ing lumahipun.[6] Manawi kèju mau kematengen, wonten ambu amonia lan kathah sanget bintik-bintik abrit.[3] Kèju punika saé dipunsajèkaken wonten ing suhu ruangan amargi saged ngembangaken rasa ingkang radi asin lan maw mentega.[3][6] Kèju punika liat lan lengket saéngga gampil kanggé dados olesan.[6]
Ugi pirsani
besutCathetan suku
besut- ↑ a b c Camembert Archived 2013-01-30 at the Wayback Machine., Gourmet Sleuth.
- ↑ a b Axler, Bruce H. (1968). The Cheese Handbook. Hastings House, New York.
- ↑ a b c d e f g h i j Camembert Cheese Archived 2011-03-20 at the Wayback Machine., Practically Edible.
- ↑ a b c Brie & Camembert: The Classic Cheeses Never Go Out Of Style, The Nibble.
- ↑ a b Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 23.
- ↑ a b c What is Camembert Cheese?, Wise Geek.
Pranala njawi
besut| Wikimedia Commons duwé médhia ngenani Camembert. |
- Sejarah Camembert Archived 2010-01-04 at the Wayback Machine.