Camilo José Cela

Don Camilo José Cela Trulock, Markis saking Iria Flavia (basa Spanyol: Don Camilo José Cela Trulock, marqués de Iria Flavia) (lair ing Galicia, Spanyol, 11 Mèi 1916 – pati ing Madrid, Spanyol, 17 Januari 2002 ing umur 85 taun) inggih punika salah satunggaling panulis Spanyol ingkang gadhah prabawa lan minangka salah satunggaling anggota Generasi '50.

Biografi

Sadèrèngipun dados penulis profésional, Cela sinau wonten ing Universitas Madrid, lan ing mrika piyambakipun sekedhap ugi nyobi sinau ngèlmu hukum. Piyambakipun ugi perang wonten ing Perang Sadérék Spanyol wonten ing pihak Franco, dumugi piyambakipun sakit parah amargi kénging granat nyasar lan kanthi makaten tugas dinasipun ugi pungkasan. Sabibaripun perang, Cela ngabdikaken dhiri wonten ing donya ariwarta lan makarya wonten ing babagan ingkang sipatipun birokratis. Nalika taun 1944 piyambakipun palakrama kaliyan Rosario Conde Picavea lan gadhah satunggling putra, Camilo José Cela Conde, nalika taun 1946.

Cela nerbitaken novelipun ingkang kapisanan, La Familia de Pascual Duarte (Kulawarga Pascual Duarte), nalika piyambakipun ngancik yuswa 26 taun. Karya Cela ingkang paling misuwur, La Colmena (Sarang) dipunterbitaken nalika taun 1951, ingkang nampilaken langkung saking 300 tokoh lan gaya ingkang ningalaken prabawa saking realisme Spanyol (tuladha ingkang saé piyambak déning Miguel de Cervantes lan Benito Pérez Galdós) sarta para pengarang kontemporer basa Inggris lan Perancis, kados ta Sartre lan Joyce. Gaya khas Cela — wujud realisme ingkang sarkastik, lan asring anéh— dipuntuladhakaken wonten ing La Colmena. Prelu ugi dipuncathet bilh, kados déné kaliyan karya-karya ingkang sanès wonten ing periode punika, La Colmena ingkang kapisanan dipunterbitaken wonten ing Argentina, amargi pamaréntaha Generalísimo Franco ingkang gadhah afiliasi dkaliyan Gréja Katulik nglarangipun, amargi wosipun ingkang dipunanggep imoral.

Saking akir taun 1960-an, kanthi penerbitan San Camilo 1936, karya Cela dados samsaya eksperimental. Nalika taun 1988, tuladhanipun, Cela nyerat Cristo versus Arizona (Kristus nglawan Arizona), ingkang nyariosaken cariyos babagan paprangan wonten ing OK Corral wonten ing satunggaling ukara ingkang dawanipun langkung saking 100 kaca.

Nalika taun 1957 Cela dipunangkat dados anggota Real Academia Española. Cela ugi dipunangkat dados Marquis Iria Flavia déning Raja Juan Carlos I.

Penghargaan

• Penghargaan Pangeran Asturias babagan Sastra, 1987
• Penghargaan Nobel babagan Sastra, 1989
• Penghargaan Cervantes, 1995

Karya-karya wigati

Novèl

• La familia de Pascual Duarte (Kulawarga Pascal Duarte) (1943)
• Pabellón de reposo (Papan Ngaso) (1943)
• Nuevas andanzas y desventuras de Lazarillo de Tormes (Petualangan lan Kemalangan Énggal Lazarillo de Tormes) (1944)
• Viaje a la Alcarria (Lelampahan dhateng Alcarria) (1948)
• La colmena (Sarang) (1953)
• Mrs. Caldwell habla con su hijo (Ny. Caldwell Ngendika kaliyan Putra Kakungipun) (1952)
• La catira (Si Rambut Pirang) (1955)
• Tobogán de hambrientos (1962)
• Izas, rabizas y colipoterras (1964)
• Diccionario secreto (Kamus Rahasia) (I, 1968; II, 1971)
• San Camilo 1936 (1969) San Camilo, 1936 dipunterbitaken déning Duke University Press 1991
• Oficio de tinieblas 5 (1973)
• Mazurca para dos muertos (Mazurka kanggé Kalih Tiyang ingkang Séda) (1983)
• Nuevo viaje a la Alcarria (Lelampahan Énggal dhateng Alcarria) (1986)
• Cristo versus Arizona (Kristus nglawan Arizona) (1988)
• Madera de Boj(1999) Boxwood nerbitaken New Directions 2002

Puisi

• Pisando la dudosa luz del día (Nglangkahi Cahya Siyang ingkang Ngragukaken) (1945)
• Poesía completa (Puisi Jangkep) (1996)

Non fiksi

• Diccionario secreto (Kamus Rahasia) (I: 1968, II: 1971)

Pranala njaba

• Obituari BBC
• Biografi Camilo José Cela Archived 2006-07-02 at the Wayback Machine.