Candhi Gedhong Sanga
Koordhinat: 7°12′37″S 110°20′31″E / 7.210290°S 110.342010°E
Candhi Gedhong Sanga iku candhi kang ana ing Jawa Tengah, persisé ana ing Kacamatan Ambarawa, Kabupatèn Semarang, Jawa Tengah, pernahé ing lèrèng Gunung Ungaran,koordinat 110 derajat20'27 BT lan 07 derajat14'3 LS. [1] Candhi Gedhong Sanga iku saka tembung gedhong kang tegesé umah, lan tembung sanga kang tegesé sanga (cacah sanga), ya iku sangang dalemé Jawata.[1]
Miturut sajarah, candhi iku dijenengi kanthi Candhi Gedhong Sanga amarga cacahé sanga, candhi kasebar ana ing kupenge gunung iku. [2] Mapané candhi siji karo candhi liyané kasebar-sebar, dohé lumayan adoh.[2] Nanging, jarak iku ora dadi prakara kang ndadèkaké awak sayah, amarga sesawangan ing kiwa-tengené candhi, kaya ta wit-witan kang ijo, gunung lan bukit-bukit kang gawé segering mripat.[2]
Ing Candhi Gedhong Songo, dicepakaké jaran kanggo para wisatawan supaya bisa dingge kendaraan lumaku-lumaku muteri lokasi candhi saéngga wisatawan boten pegel lan kesel amargi mlampah muteri candhi.[3] Ing kana uga ana papan kanggo padusan, ya iku padusan banyu panas, kang cocog kanggo ngilangaké rasa ngantuk, sayah, lan uga dipercaya bisa nambani lelara.[3] Ing kana uga ana warung sing bisa kanggo papan lèrèn sinambi ngombé lan dhahar.[3]
Candhi Hindhu
besut
Candhi Gedhong Sanga iku kalebu kelompok candhi Hindhu.[4] Katitik saka arca lan rèlièf kang mapan ana ing yasan candhi.[4] Kaya ta arca Siwa Mahadéwa, Siwa Mahaguru, Ganésa, Durga Mahisasuramardhini, Nadiswara lan Mahakala lan Yoni kang ana ing bilik candhi.[4] Kaistiméwaané saka candhi gedhong sanga antarané ya iku anané arca gajah kang posisi njerum ing sikil candhi gedhong III, lan Yoni kang dhapuré persegi dawa kang ana ing bilik candhi gedhong I.[4]
Jarak
besutJarak kang perlu dilakoni butuhaké wektu 40 menit saka Kabupatèn Ambarawa kanthi dalan kang nanjak, lan miringé nganti 40 derajat.[4] Lokasi candhi uga bisa dilakoni kanthi wektu 10 menit saka obyek wisata Bandungan.[4] Ing ngisor iki pratélan jarak tumuju candhi.[4]
Tikèt
besutTikèt lumebu: Diwasa/5 taun mendhuwur: Rp 6.000/wong lan Rp 50.000/wong kanggo Wisatawan manca.[5] Ing kana uga ana jasa numpak jaran kanggo kliling Candhi Gedhong Sanga.[5]
- Wisata Désa Rp 25.000 (Wisman Rp 35.000),
- Tumuju banyu Panas Rp 40.000 (Wisman Rp 60.000),
- Tumuju Candhi II Rp 30.000 (Wisman Rp 40.000),
- Pakèt candhi Sanga Rp 50.000 (Wisman Rp 70.000).[5]
Cathetan suku
besut- ↑ a b "Gedhong sanga". Diarsip saka sing asli ing 2023-10-07. Dibukak ing 2016-03-19.
- ↑ a b c Gedhong sanga
- ↑ a b c Gedhong sanga[pranala mati permanèn]
- ↑ a b c d e f g h Jarak[pranala mati permanèn]
- ↑ a b c seputarsemarang.com[pranala mati permanèn]
| Artikel iki minangka artikel rintisan. Kowé bisa ngéwangi Wikipédia ngembangaké. |