Candhi Rambut Monté

Koordhinat: 7°57′45.5″S 112°22′5.3″E / 7.962639°S 112.368139°E / -7.962639; 112.368139 Candhi Rambut Monté (Jawa: ꦕꦟ꧀ꦝꦶꦫꦩ꧀ꦧꦸꦠ꧀ꦩꦺꦴꦤ꧀ꦠꦺ; Indonésia: Candi Rambut Monte) yaiku candhi Hindu kang mapan ana ing Dhésa Krisik, Gandusari, Blitar, Jawa Wétan. Candhi iki kagawé saka watu andhésit lan kadhênah segi papat, kanthi dawa 292 cm, amba 296 cm, lan dhuwur 85 cm.[1]

Ètimologi besut

Miturut masarakat sekitaran, jeneng candhi dijupuk saka rong tembung yaiku rambut lan monté. Tembung rambut (ra+but) iku asalé saka cekakan tembung buyut katambahan awalan ra- kang nduwèni teges pakurmatan. Déné tembung monté kajupuk saka jeneng wit Monté.[1]

Wujud besut

Wujuding candhi yaiku persegi. Candhi iki nduwéni tratagan nang sisih kulon. Candhi iki saiki kari bagéan sikil lan awak amarga bagéan dhuwure wés rusak.[1]

Rêrênggan besut

Candhi iki nduwéni rêrênggan awujud kala (ndas raseksa kanthi rambut nggedawul tur siyung landhep) sing yén didelòk saka kadòhan kaya wong mbrangkang. Sakliyané iku uga ana lingga-yoni bentuké sulur-suluran. Ing cedhaké candhi ana sumberan kang ngabentuk telaga. Banyuné ora buket saéngga iwak lan tetanduran banyu isoh kadelok kanthi jelas. Ing telaga iki uga ana atusan iwak mirunggan kajeneng Sengakring kang dikramatné dening masarakat sekitaran.[1]

Rujukan besut

  1. a b c d Sedyawati, Edi, 1938-; Indonesia. Direktorat Pelestarian Cagar Budaya dan Permuseuman,. Candi Indonesia (édhisi ka-Cetakan pertama). [Jakarta]. ISBN 978-602-17669-3-4. OCLC 886882212.{{cite book}}: CS1 maint: extra punctuation (link) CS1 maint: multiple names: authors list (link)