Cartoon Network
CN Cartoon NTWK ya iku jaringan tivi kabel kang diadegaké Turner Broadcasting kang nomer siji dadi acara unggulan ya iku filem-filem animasi.[1] Saluran iki pisanan wiwit giyaran ing Amérika Sarékat tanggal 1 Oktober 1992.[1]
| CN Cartoon NTWK | |
|---|---|
 | |
| Diluncuraké | 1 Oktober 1992 |
| Sing duwé | Turner Broadcasting (Time Warner Inc.) |
| Saluran afiliasi | Boomerang |
| Situs web | http://www.cartoonnetwork.com |
Sajarah
besutIng akir taun 1980-an, konglomerat TV kabel Ted Turner njupuk genti koleksi filem MGM (kalebu filem kartun kang ana warnané Warner Bros.[1] pra-1948), lan nayangké koleksi filem animasi iku mau ning TV kabel Turner Network Television kang diduwèni.[1] Giyaran iku akèh disenengi penonton, lan ditutukké Ted Turner nganti tuku studio animasi Hanna-Barbera Productions ing taun 1991.[2] Kanti akuisisi iki berarti koleksi filem Hanna Barbera lan koleksi filem produksi Ruby-Spears Productions dadi nggonané Ted Turner.[2] Koleksi filem animasi Ted Turner kang dadi tambah akèh saingga Cartoon Network diadegké kanggo nayangkané.[2] Giyaran-tayangan pisanan saluran iki ya iku pamutaran filem-filem kartun klasik produksi Warner Bros., MGM, lan Hanna-Barbera, kaya The Jetsons, lan The Flinstones, uga Wally Gator kang dienggo dadi tayangan selingan.[2] Kakéan filem animasi kang ditayangké ing paket tayangan kang suwéné setengah jam utawa sakjam, kaya ta Down With Droopy D kang nampilké Droopy Dog, Tom and Jerry Show kang isiné kucing lan tikus kang lagi gudag-gudagan, lan paket Bugs and Daffy Tonight kang nampilké karakterLooney Tunes.[2] Saiki mung kari Tom and Jerry kang isih diputer.[2]
Cathetan suku
besut- ↑ a b c d Cartoon Network Archived 2020-12-02 at the Wayback Machine.(05 Agustus 2011)
- ↑ a b c d e f Cartoon Network Archived 2011-08-09 at the Wayback Machine.(05 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |