Chawanmushi

Chawanmushi (茶碗蒸し, kukus mangkuk^?) ya iku masakan Jepang kang digawé saka campuran endhog pitik^[1] lan dashi kang dikukus ing mangkuk. Panganan iki disuguhake samangkoke minangka panganan pambuka.

Ing njero mangkok diwènèhi panyedhep rasa kaya ta godhong mitsuba, jamur shiitake, wiji ginkgo biloba oncekan, kamaboko, urang, utawa daging pitik. Campuran endhog lan dashi disok ing mangkok^[1] alon-alon supaya ora ana busane.

Cara nggawe lan ngukuse kudu ngati-ati supaya ing Chawanmushi kang wis mateng ora ana busane. Endhog dicampur karo dashi, nanging ora dikocok nganti nemen. Tutupe kukusan dilambari kain lan kudu dijembreng sithik nalika ngukus supaya endhog ora atos.

Chawanmushi wis dikenal ing Jepang wiwit jaman kuna. Panganan iki minangka suguhan saben mangsa. Ing mangsa panas disuguhake adhem, nanging yèn mangsa adhem disuguhake nalika anget-anget. Tekstur chawanmushi alus kaya puding custard disenengi bocah lan wong tuwa.

Chawanmushi kang jeroné dicampur udon diarani Odamaki mushi (Odamaki udon).

Rujukan

↑ ^a ^b Downer, Lesley (2001). At the Japanese Table: New and Traditional Recipes. Chronicle Books. kc. 103. ISBN 978-0-8118-3280-9.

Artikel magepokan panganan iki minangka artikel rintisan. Kowé bisa ngéwangi Wikipédia ngembangaké.

[downer-1] Downer, Lesley (2001). At the Japanese Table: New and Traditional Recipes. Chronicle Books. kc. 103. ISBN 978-0-8118-3280-9.

[1]