Demian Aditya
Aditya Prambudhi, langkung misuwur kanthi nama Demian (lair ing Tegal, Jawa Tengah, 19 Juni 1980; umur 44 taun).[1] Demian Aditya punika salah satunggaling illusionist Indonésia.[1] Demian punika putra pambajeng saking sadulur ingkang cacahipun kalih.[2] Damian Aditya wiwit sinau sulap nalika yuswanipun nembé 10 warsa.[2] Damian sinau sulap nalika iku kanthi otodidak.[2]
| Demian Aditya | |
|---|---|
 | |
| Lair | Aditya Prambudhi |
| Pakaryan | Entertainer |
| Taun aktif | 2007-saiki |
| Bojo | Yulia Rachman |
| Anak | Kiandra Aldya Arka |
| Wong tuwa | Tutik Suherni lan Budi Santoso |
| Sana jaringan | www.demianaditya.com www.thenumagic.com www.demianmiracle.com www.demianmagicacademy.com |
Karir Demian dipunwiwiti nalika warsa 2002.[2] Nalika samanten, Demian ndhèrèk salah satunggaling kompetisi pemilihan Abang saha None Jakarta.[2] Wonten ing lomba punika, Damian saged menangaken kalih juwara inggih punika dados Abang Persahabatan 2002 saha Abang Favorit 2002.[2] Nalika wiwitan warsa 2007 Demian dados bintang wonten acara tivi kang sepisanan, acara punika irah-irahanipun sami kaliyan namanipun piyambak inggih punika "Demian Sang Illusionist".[2] Acara punika saged tampil kirang langkung kalih warsa wonten salah satunggaling stasiun tivi swasta inggih punika ANTV.[2] Warsa 2009, Demian ugi gadhah acara wonten SCTV.[2] Acara punika ugi gadhah irah-irahan sami kaliyan namanipun, inggih punika "House Of Demian".[2] Nalika pungkasan warsan 2009 ngatos wiwitan warsa 2010, stasiun tv Trans7 ngajak Demian dados wonten acara kanthi irah-irahan Begadang.[2]
Nalika sasi April 2010 Demian ugi tampil malih wonten ing acara ingkang irah-irahanipun "Gara-Gara Magic" ingkang dipunbabaraken déning Trans7.[2] Dinten Jumat, tanggal 13 Juni 2008, Demian saged teleportasikaken salah satunggaling bal ageng kanthi dhiameter 8 mèter saha tiyang ingkang cacahipun pitu saking Lapangan Blok S Jakarta ngantos Lapangan Gasibu Bandung, Jawa Barat.[2] Demian nikah kaliyan artis Yulia Raachman.[2] Saking pernikahan punika Demian patutan ingkang lair tanggal 23 Oktober 2009 wonten RS. Medistra, Jakarta. Nama putranipun punika Kiandra Aldia Arka.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |