Dewi Rezer

Dewi Rezer (lair ing Jakarta, 29 Sèptèmber 1980; umur 44 taun) iku salah siji artis saka Indonésia. Anak nomer siji saka sadulur papat asil pasangan Yotin Rezer (bapak) lan Nurdiati (ibu) iki uga dadi modhél, panatacara, bintang iklan.

Dewi Rezer
Lair	Dewi Rezer (1980-09-29) Sèptèmber 29, 1980 Indonésia
Pakaryan	Aktris, model, presenter
Bojo	Marcellino Victor John Lefrand
Anak	Marcell Brineth Reyney Lefrand
Wong tuwa	Yotin Rezer Nurdiati (ibu)

Karir

Wiwitané, Dewi Rezer ora kepéngin dadi artis. Nanging Dewi menang lomba GADIS Sampul nalika taun 1995, lan wektu iku, Dewi isih kelas 2 SMP. Sawisé iku Dewi akèh éntuk tawaran dadi foto modhél lan bintang iklan. Nalika taun 2002, Dewi Rezer tau main filem garapan Mira Lesmana, Rudy Sudjarwo, lan Riri Riza kang duwé judhul "Rumah Ketujuh". Ing filem kang sepisanan iki, Dewi main bareng karo Indra Birowo. Sawisé main ing filem "Rumah Ketujuh", Dewi banjur ngrampungaké filem liyané kang cacahé loro ya iku "Satu Lagi Persembahan untuk Pecinta Film Indonésia" lan "Ciuman ABG".

Filmografi

Film kang dibintangi Dewi Rezer.

• Rumah Ketujuh (2003)
• Buruan Cium Gue (2004)

FTV

FTV kang dibintangi Dewi Rezer.

• Mengejar Jodoh (Produksi Frameritz)
• Ramalan Alisa (Produksi Frameritz)
• 4 Diva (Produksi Starvision)
• Wakuncar

Kauripan pribadi

Sawisé pacaran suwéné telung taun, Dewi rezer banjur nikah karo Marcellino Victor John Lefrand. Dewi lan Victor nikah ing kapel Hotèl Tirta Bali International, Uluwatu, Jimbaran, Bali nalika tanggal 18 Juli 2007. Tanggal 21 Dhésèmber 2007, Dewi nglairaké anaké kang sepisanan kang jenengé Marcel Brinet Lefrandt. Nanging Dewi Rezer mbantah yèn anak kang sepisanan iku anak asil kecelakaan. Dewi Rezer nduwé bisnis dodolan barang bekas artis.