Gèthèk

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Gèthèk yaiku sijining rakitan barang kang sabanjuré bisa ngambang lan bisa ditumpangi ing banyu. Gèthèk dadi cikal bakalé prau, yaiku dadi wujud prau kang paling sedherhana yaiku barang kumambang kang bisa ditumpangi saéngga ora jelas aran lan pigunan-pigunan saka pérangané.

Lumrahé gèthèk digawé saka barang-barang kang bisa ngambang banjur ditata lan ditalèni siji lan sijiné saéngga dadi amba lan ora njilem nalika ditumpaki, kaya ta kayu, drim, pring. Lumrahé gèthèk ora migunaké mesin.

Gèthèk ing tembang macapat

Tembang megatruh kang kawentar lan lumrahé dadi tuladha ing piwulangan, yaiku saka Babad Tanah Jawi anggitan Ki Yasadipura, nyaritakaké nalika Jaka Tingkir budhal menyang Pajang.

sigra milir sang gèthèk sinangga bajul

kawan dasa kang njagèni

ing ngarsa miwah ing pungkur

tanapi ing kanan kéring

kang gèthèk lampahnya alon