Gerald Edelman
Gerald Maurice Edelman(lair ing New York City, 1 Juli 1929; umur 95 taun) inggih punika salah satunggaling ilmuwan Amérika Sarékat. Edelman menangaken Penghargaan Nobel ing babagan Fisiologi utawi Kedhokteran ing taun 1972 kanggé karyanipun babagan sistem kekebalan sesarengan kaliyan Rodney Robert Porter.[1]
| Gerald Maurice Edelman | |
|---|---|
 Gerald M. Edelman, 2010. | |
| Lair | Juli 1, 1929 Ozone Park, Queens, New York |
| Kabangsan | Amérika Sarékat |
| Babagan | imunologi |
| Misuwur amarga | sistem kekebalan |
| Notable awards | Penghargaan Nobel dalam Fisiologi atau Kedhokteran taun 1972 |
Karier
besutNalika taun 1950, Edelman nampi gelar sarjana saking Ursinus College, Pennsylvania. Lajeng piyambakipun nglampahi pendidikan wonten ing University of Pennsylvania lan pikantuk gelar dhokter saking Fakultas Kedhokteran wonten ing taun 1954. Setunggal taun lajengipun, piyambakipun gabung kaliyan U.S. Army lan dados kapten wonten ing Korp Medis lan praktek wonten ing Station Hospital ing Paris, Perancis. Wonten ing taun 1957, piyambakipun dados mahasiswa sarjana wonten ing Rockefeller Institute, pikantukm Ph.D. wonten taun 1960. Sabibaripun lulus, piyambakipun dipunangkat minangka Pembantu Dekan kanggé Mahasiswa Sarjana wonten ing Institut Rockefeller. Saking taun 1963 dumugi taun 1966, Edelman dados Dekan Kolega saperlu Studi Sarjana. Wiwit taun 1966, piyambakipun dados guru besar wonten ing Rockefeller University.[2]
Gerald Edelman inggih punika pendiri lan direktur The Neurosciences Institute, pusat panalitén nirbala wonten ing San Diego ingkang ngemot babagan dhasar biologis fungsi polo ingkang langkung inggil wonten ing manungsa.
Pamikiran
besutPiyambakipun kacathet saking téyori akalipun, dipunterbitaken wonten ing trilogi buku teknis. Karyanipun Topobiology ngemot téyori kados pundi jaringan saraf ingkang asli saking polo bayi ingkang nembé dipunlairaken kasungsun antawis perkembangan embrio. Neural Darwinism ngandung téyori memori ingkang dipunyasa ing sakitar gagasan kekenyalan wonten ing nanggepi lingkungan. The Remembered Present ngemot téyori kesadaran.[3]
Edelman sampun mirsakaken, punapa kita kedah nyobi yasa model polo ingkang gadhah fungsi utawi model polo ingkang nglewati interaksi kaliyan sakitaripun saged ngrembakakaken polo? Wangsulan Edelman inggih punika bilih kita kedah damel model polo lan nggatosaken kados pundi anggénipun sami nindakaken "interaksi" kaliyan lingkunganipun. Edelman sarujuk wontenipun qualia lan manunggalaken wonten ing téyori akal dhedhasar otakipun. Konsep qualianipun ngindari perangkap pamanggih qualia mirunggan kanthi sipat non-fungsional, ingkang dipunkritik déning Daniel Dennett.
Edelman ngandharaken téyori biologis kesadaran, ingkang kanthi eksplisit dipunpadosi wonten ing téyori seleksi alam Charles Darwin lan téyori Darwin babagan dinamika populasi. Piyambakipun boten sarujuk dualisme lan ugi boten nggatosaken hipotesis ingkang langkung énggal kados model kesadaran 'komputasional', ingkang sami babagan fungsi polo wonten ing operasi komputer.
Edelman gadhah pamanggih bilih sadaya akal lan kesadaran gadhah sipat materiil lan murni fenomena biologis, kadadosan amargi kompleksipun prosès sel wonten ing polo, lan bilih perkembangan kesadaran lan kapinteran saged dipunandharaken kanthi téyori Darwin.[4]
Cathetan suku
besut- ↑ "Archive copy". Diarsip saka sing asli ing 2012-12-26. Dibukak ing 2013-01-24.
{{cite web}}: CS1 maint: archived copy as title (link) - ↑ [1]
- ↑ "Archive copy". Diarsip saka sing asli ing 2012-11-22. Dibukak ing 2013-01-24.
{{cite web}}: CS1 maint: archived copy as title (link) - ↑ "Archive copy". Diarsip saka sing asli ing 2013-01-30. Dibukak ing 2013-01-24.
{{cite web}}: CS1 maint: archived copy as title (link)