Girisa (macapat)

Girisa iku kalebu tembang sekar ageng. Wateké wanti-wanti.

Guru wilangan lan guru lagu

Saben pada, tembang iki ana wolung gatra (larik), kanthi guru wilangan lan guru lagu:

8a, 8a, 8a, 8a, 8a, 8a, 8a, 8a.

Tuladha

Tuladha iki dijupuk saka Serat Witaradya anggitan Ki Ranggawarsita.

déné utamaning nata

bèr budi bawa leksana

liré bèr budi mangkono

lila legawa ing driya

agung dènya paring dana

anggeganjar saben dina

liré kang bawa leksana

anetepi pangandika.

Katrangan sateruse

Tembung girisa iku sajatiné uga jenengé tembang kakawin girişa. Girişa iku wandané ana 16 lan struktur guru laghu-né kaya ngéné: UUU|UUU|---|--U|UUU|U.

Sumber

• (nl) Johannes Jacobus Ras, 1982, Inleiding tot het modern Javaans. ’s-Gravenhage: Nijhoff. ISBN 90-247-6167-X, (Kaca 315).