Grojogan Monthèl

Monthel iku grojogan (Basa Sundha: Curug, Basa Indonésia: air terjun) kang dumunung ana ing Gunung Muria. Monthel iku ana ing désa Cala kacamatan Dawé Kabupatèn Kudus. Monthel dumunung ana ing tlatah watara 18 km sisih lor saka pusat kutha Kudus. Grojogan iki dhuwuré kurang luwih 25 mèter. Yèn pinuju ing papan panggonan iki bisa kanthi lumaku kira-kira 30 menit ing tengah-tengahing kebun kopi. Monthel iku dadi salah siji panggonan wisata ing Kudus. Rata-rata para pengunjungé iku uga pengunjung utawa peziarah saka makam Sunan Muria ya iku Radèn Umar Said.