Gula perédhuksi
Gula perédhuksi ya iku golongan gula (karbohidrat) kang bisa ngredhuksi senyawa-senyawa panampa èlèktron, tuladhané ya iku glukosa lan fruktosa.[1] Pucuking sawijining gula peredhuksi ya iku pucuk kang ngandhut gugus aldehida utawa keto bébas. Kabèh monosakarida (glukosa, fruktosa, galaktosa) lan disakarida (laktosa,maltosa), kejaba sukrosa lan pathi (polisakarida), kalebu minangka gula peréduksi.[1] Lumrahé gula peréduksi kang diasilake gegayutan raket karo aktivitas enzim, ya iku tansaya dhuwur aktivitas enzim mula tansaya dhuwur uga gula perédhuksi kang diasilaké.[1] Cacahé gula perédhuksi kang diasilaké nalika réaksi diukur kanthi nggunakaké peréaksi asem dinitro salisilat/dinitrosalycilic acid (DNS) ing dhawaning gelombang 540 nm.[1] Tansaya dhuwur biji absorbansi kang diasilaké, tansaya akèh uga gula perédhuksi kang kakandhut.[2]
