Gunung Lokon

Gunung Lokon inggih punika salah satunggaling gunung ing Indonésia, ingkang dumunung caket kaliyan kitha Tomohon, provinsi Sulawesi Utara. Dhuwuripun Gunung Lokon inggih punika kirang langkung 1.580 m.

Gunung Lokon
Elevasi	{{{Elevasi}}}
Lokasi	Sulawesi, Indonésia
Listing	Ribu

Gunung Lokon nalika njeblug

Papan Dumunungipun

Pucukipun gunung Lokon mapan wonten ing jarak udakawis 5.300 mèter ing sisih kilèn radi lor saking kitha Tomohon, lan udakawis 6.700 mèter ing sisih kilèn radi kidul saking kitha kacamatanPineleng. Saking kutha krajan provinsi Manado jarakipun namung kirang langkung 20 kilomèter ing sisih kilèn radi kidulipun kitha.

Gunung Lokon ingkang mapan wonten ing kitha Tomohon, Provinsi Sulawesi Utara kanthi posisi géografis 1 drajat 21’30” Lintang Utara dan 124 drajat 47’30” Bujur Timur, kanthi pucukipun mapan wonten ing dhuwur 1.579 mèter ing sak nginggiling toya laut. Pucukipun gunung Lokon tebihipun kirang langkung 5.300 mèter wonten ing sisih kilèn radi lor kitha Tomohon saha kirang langkung tebihipun 6.700 mèter ing sisih kilèn radi kidul saking kacamatan Pineleng, Kabupatèn Minahasa. Saking kitha Manado tabihipun namung udakawis 20 kilomèter ing sisih wétan radi kidul.

Transportasi

Gunung Lokon dumunung wonten ing kitha TOmohon, kirang langkung 30 menit manawi liwat dalan darat saking itha Manado, Sulawesi Utara. Gunung Lokon taksih kalebet gunung geni ingkang taksih aktip ingkang gadhah dhuwur 1500-an mèter saking sak nginggiling toya laut. Ingkang béda saking gunung lokon punika inggih saking wontenipun crater utawi kawah ingkang mapan boten wonten ing pucukipun gunung, nanging mapan wonten ing gigiring gunung sisih lor. Akses dhateng gunung lokon punika gampil sanget. Saking terminal Karombasan Manado namung kantun nitih bus jurusan Tomohan lan mandhap wonten ing laladan Kakaskasen. Utawi manawi badhé mandhap ing terminal Tomohon, saged dipunterasaken nitih mikrolet jurusan Kakaskasen. Saking jalur utama, gununung Lokon sampun saged katingal kanthi cetha gunung Lokon kanthi ndhèrèk margi désa ngantos dumugi margi purwakaning rute daki. Jalur daki dhateng gunung Lokon punika inggih tilas aliran wlahar jaman gunung lokon njeblug kala rumiyin, kathah watu-watu ing sak pinggiring margi. Dipun betahaken wekdal kirang langkung 11 jam supados saged dugi ing kawah lokon.

Uga delengen

• Pratélan gunung ing Indonésia