Gunung Lompobattang

Gunung Lompobattang inggih punika salah satunggaling gunung ing Kabupatèn Goa, provinsi Sulawesi Selatan, Indonésia. Gunung Lompobattang celak kaliyan Gunung Bawakaraeng. Manawi badhé minggah dhateng Gunung Lompobattang saged liwat kacamatan Tompobulu. Gunung Lompobattang mapan wonten ing titik koordinat 119°56'13? BT-05°21'25? LS, ingkang mapan wonten ing sisih kidul Makassar. Lopobattang tegesipun "Weteng Buncit". Gunung Lompobattang gadhah dhuwur 2.870 mèter sak nginggiling toya laut, kanthi suhu paling andhap inggih ing 15 drajat celcius saha suhu paling inggil ing titik 27 drajat celcius. Ambanipun gunung Lompobattang inggih kirang langkung 82.770 km2.

Gunung Lompobattang

Jalur daki

Miturut cathetan géografisipun, Gunung Lompobattang mapan wonten ing Kacamatan Tompobulu (mapan ing sisih kidul saking kitha Makassar), Kabupatèn Gowa. Manawi badhé dhateng Gunung Lompobattang saged saking manéka warni jalur, kados ta saking jalur Lembang Bu'ne ingkang saged dipuntuju saking Malakaji ing Kabupatèn Jeneponto ingkang mapan wonten ing sisihkilèn radi kidul saking pucukipun Gunung Lompobattang, saha jalur Lengkese ing Kabupatèn Gowa ingkang mapan wonten ing sisih kilèn pcukipun Gunung Lompobattang.

Flora saha Fauna

Gunung Lompobattang gadhah flora ingkang manéka warni kados ta Rotan, Lantana camara, tahi angin, paku cagak, paku besar, lumut Aerobryum, Edelweis, lan sapanunggalanipun. Déné fauna ing gunung Lompobattang punika sampun arang kapanggih kejawi babi hutan saha manuk-manuk ingkang miber ing tengahing alas. Hutan gunung Lompobattang punika kalebet vegetasi hutan pagunungan andhap saha hutan pagunungan inggil. Déné tuwuhan ingkang asring kapanggih inggih punika jinis Podocarpos (konifer Asli), Arega sp]], Pohon Mapel (Acercaesicum), Rotan, Paku Tiang, Paku Besar, Lantana camara verb, Tahi angin (Usnea/Lumut kerak/Lychenes), Azalea (Rhododendron), Arbei (Morus alba), Gaultheria celebica, Gaultheria viridifloria, Buni (diplycosi / berbau seperti gandapura), Lumut Aerobryum, lsp. Déné kéwan-kéwan ingkang saged kapanggih ing antawisipun Anoa (Bulbalus depressicrnius), babi hutan, babi rusa, burung coklat paruh panjang, garudha sulawesi dan semut Crematosaster.

Daya tarik

Saking titik dhuwur 2.870 mèter sak nginggiling toya laut punika, titik-titik lampu kitha Makassar nalika dalu saged katingal éndah sanget. Kajawi punika ugi saged dipuntingali sunset ingkang boten kalah éndah kaliyan sunset ing papan panggènan sanèsipun. Ing rikala wekdal saged katingal bunderan srengéngé ingkang kekethok awan, saéngga ingkang katingal ing wingkingipun awan kasebat namung pérangan ngandhapipun kemawon.

Uga delengen

• Pratélan gunung ing Indonésia