Gunung Prau
Gunung Prau (Carakan: ꦒꦸꦤꦸꦁꦥꦿꦲꦸ; Basa Indonesiane: Gunung Parahu) punika salah siji gunung kang dununge ana ing Dataran Tinggi Dieng, Jawa Tengah, Indonésia. Gunung iki dhuwuré 2.590 mdpl (mèter ing sadhuwuring segara). Titik koordinate inggih punika ana ing 7°11′13″S 109°55′22″E / 7.18694°S 109.92278°E . Gunung iki dadi watese limang kabupaten kang ana ing Jawa Tengah, yaiku Kabupaten Batang, Kabupaten Kendal, Kabupaten Temanggung, Kabupaten Wonosobo lan Kabupaten Banjarnegara .
| Gunung Prau | |
|---|---|
| ꦒꦸꦤꦸꦁꦥꦿꦲꦸ | |
 | |
| Titik dhuwur dhéwé | |
| Èlevasi | 2,590 m (8,500 ft) |
| Koordhinat | 7°06′41″S 109°33′08″E / 7.1113°S 109.5522°E |
| Géografi | |
| Location | Dataran Tinggi Dieng, Jawa Tengah |
Pucuk Gunung Prau dumadi saka suket sing amba sedawane kulon nganti wetan. Bukit lan savanna kanthi sawetara wit bisa ditemokake ing pucuke. Gunung iki dados salah sawijining tujuan pendakian utama ing Dataran Tinggi Dieng. [1]
Flora lan fauna
besutAlas ing lereng Gunung Prau kang tumuju ing Kabupaten Kendal lan Kabupaten Batang iku alas kang padhet lan ana tanduran kantong semar (pitcher plants) endemik Jawa, yaiku Nepenthes gymnamphora, kang asring tukul bebarengan karo pakis resam (Glichenia linearis). Ana ing sakiwa tengene pucuk Gunung Prau punika ana kembang edelweis Jawa (Anaphalis maxima lan Anaphalis longifolia). Ing tlatah alas Prau uga bisa ditemokake kewan khas Jawa kayata macan tutul Jawa ( Panthera pardus melas ), sigung Jawa (Mydaus javanensis) lan elang Jawa (Nisaetus bastelsi).
Jalur hiking
besutAna pitung rute sing umum digunakake kanggo mendaki Gunung Prau, yaiku:
- Jalur Dieng, Jalur Kalilembu, lan Jalur Patakbanteng, Kejajar, Wonosobo
- Jalur Dieng Kulon, Candhi Dwarawati, Banjarnegara
- Jalur Igirmranak, Kejajar, Wonosobo
- Jalur Kenjuran, Sukorejo, Kendal
- Jalur Pranten, Bawang, Kabupaten Batang
- Rute Wates, Temanggung
- Rute Ngelak, Batang
Jalur pendakian Gunung Prau liwat Patak Banteng dadi jalur paling didemeni para pendaki pemula amarga pos pendakian ana ing pinggir dalan gedhe. [2] Jalur pendakian Gunung Prau liwat Dwarawati inggih punika jalur pendakian sing paling cepet kanggo tekan puncak Gunung Prau.
Biaya iuran tiket pendakian Gunung Prau sekitar Rp. 25.000,- wis karo karcis parkir. Rata-rata wektu pendakian kira-kira 2 - 4 jam.
Referensi
besut- ↑ Puspa Samodra, Fitriany (2023-01-19). "6 20 Tempat Wisata di Wonosobo dan Tiket Masuknya yang Murah Meriah, Wajib Dikunjungi (Update 2023)" (ing basa Inggris Amérika Sarékat). Dibukak ing 2023-10-01.
- ↑ Watson, Sony (2023-05-25). "6 Jalur Pendakian Resmi Gunung Prau (Update 2023)" (ing basa Inggris Amérika Sarékat). Diarsip saka sing asli ing 2023-08-24. Dibukak ing 2023-08-24.
| Artikel iki minangka artikel rintisan. Kowé bisa ngéwangi Wikipédia ngembangaké. |