Hamid Karzai
Hamid Karzai (Pashto: حامد کرزي) (lair 24 Dhésèmber 1957; umur 66 taun) inggih punika Présidhèn Afganistan wiwit 7 Dhésèmber 2004). Sasampunipun papréntahan Taliban dhawah, piyambakipun dominan sanget wonten ing poltik Afganistan lan dados tokoh pulitik ingkang misuwur wonten ing Afganistan. Wiwit Dhésèmber 2001, Hamid Karzai njabat Ketua Pamarèntahan Transisi lan Présidhèn sementara (interim) wiwit 2002. Piyambakipun ingkang kapisanan kapilaih kanthi dhémokratis lumantar pemilu présidhèn 7 Dhésèmber 2004.
| Hamid Karzai حامد کرزي | |
|---|---|
 | |
| Présidhèn Afganistan | |
| Linggih 22 Dhésèmber 2001 – Sekarang | |
| Wakil Présidhèn | Ahmad Zia Massoud dan Karim Khalili |
| Kang sadurungé | Burhanuddin Rabbani |
| Kang sawisé | Sedang Menjabat |
| Rerincèn dhiri | |
| Lair | Dhésèmber 24, 1957 Kandahar, Afganistan |
| Parté pulitik | Independen |
| Sisihan | Zeenat Karzai |
| Agama | Muslim Suni |
Biografi
besutHamid Karzai, satunggaling ètnis Pashtun saking klan Popalzai miyos wonten ing Kandahar, Afganistan. Klan punika kumawasa lan asring miyosaken raja Afgan. Karzai asalipun saking kulawarga ingkang njurung raja sadèrèngipun, Zahir Shah. Amargi punika wiwit awal piyambakipun kagayut wonten ing pulitik wonten ing Afganistan.
Karzai kabur dhateng India nalika masa pendudukan Afganistan déning Uni Soviet lan dumunung wonten ing mrika dumugi dhawahipun Taliban. Piyambakipun mendhet program pasca-sarjana wonten ing ngèlmu pulitik ing Universitas Himachal ing Shimla, Himachal Pradesh (India) periode 1979-1983. Lajeng, piyambakipun wangsul minangka pamados dana saperlu njurung pemberontakan nglawan Soviet ing Afganistan sadangunipun intervensi Soviet dumugi pungkasaning taun 1980-an. Sasampunipun wadyabala Soviet mundhur lan pamarèntaha Najibullah kumawasa ing taun 1992, piyambakipun njabat dados wakil mantri jaban rangkah wonten ing pamarèntahaning Burhanuddin Rabbani.
Rikala taun 1999, Hamid Karzai palakrama kaliyan Zeenat Karzai, satunggaling wanita ingkang makarya minangka "dhokter kandhutan" lulusan Afgan lan sapunika wonten ing wewengkon Pakistan. Pasangan garwa punika miyosaken putra ingkang nama Mirwais ingkang miyos rikala tanggal 25 Januari]] 2007.[1]
Informasi sanès
besut- Karzai fasih migunakaken basa Pushtu, Dari, Urdu, Hindi, Pèrsi, Inggris lan Prancis.
- Karzai dipunanugrahi Medali Kemerdekaan Philadelphia taun 2004 lan kaangkat dados Ksatria Kehormatan Britania taun 2003. Piyambakipun pikantuk gelar dhoktor kehormatan babagan sastra saking UIniversitas Himachal ing India, almamateripun, tanggal 7 Maret 2003.
- Sadhèrèk kakung Karzai, Ahmed Wali Karzai mbiyantu koordinasi bantuan kamanungsan ing provinsi Kandahar. Sapèrangan saking sadherek kakung lan putri Karzai minangka pengusaha restoran ing AS. Ugi gadhah restoran wonten ing San Francisco, Baltimore, lan Cambridge, Massachussetts, sadayanipun gadhah nama Helmand.
- Sajumlah sumber, mliginipun filem Fahrenheit 9/11, sampun nglapuraken bilih Karzai naté makarya minangka konsultan kanggé perusahaan lenga Unocal. Juru wicara kanggé Unocal punapa déné Karzai sampun nampik punika, déné boten saged ngandharaken bab ingkang sami kanggé sadaya parusahan ingkang kagayut ing konsorsium punika.[2][3] Klaim punika kadosipun terbitan saking ariwarta Prancis Le Monde ing tanggal 9 Dhésèmber 2001. Bab punika ugi dipunandharaken déning Christian Science Monitor [4]
Cathetan suku
besut- ↑ BBC News (Janurary 26, 2007), Hamid Karzai becomes father at 49
- ↑ http://emperors-clothes.com/interviews/lane.htm
- ↑ "Archive copy". Diarsip saka sing asli ing 2006-03-25. Dibukak ing 2013-02-21.
{{cite web}}: CS1 maint: archived copy as title (link) - ↑ "Archive copy". Diarsip saka sing asli ing 2008-12-12. Dibukak ing 2013-02-21.
{{cite web}}: CS1 maint: archived copy as title (link)
Pranala njaba
besut| Wikimedia Commons duwé médhia ngenani Hamid Karzai. |
| Wikicuplik duwé cuplikan ngenani: Hamid Karzai |