Wikipédia

Haryanto Adikoesoemo

Haryanto Adikoesoemo ya iku pengusaha lan kolèktor seni saka Indonésia. Dhèwèke dadi Prèsidhèn Dirèktur ing PT AKR Corporindo. Dhewèké nduwèni jabatan Prèsidhèn Dirèktur ing PT AKR Corporindo iku kawit taun 1992 lan nduwèni jabatan ing manéka anak badan usaha saka PT AKR Corporindo kang diyasa déning bapaké. Dhèwèké uga kang miyasa Museum of Modern and Contemporary Art utawa Musiyum MACAN ing Jakarta, Indonésia kawit taun 2017.[2]

Haryanto Adikoesoemo
Lair1962/1963[1]
BangsaIndonesian
Alma materUniversitas Bradford
PakaryanPengusaha lan Kolèktor
Kondhang ingFounder Museum of Modern and Contemporary Art
Prèsidhèn Dirèktur, AKR Corporindo
BojoMarried
Anak5
Wong tuwaSoegiarto Adikoesoemo

Kauripan

besut

Haryanto Adikoesoemo lair ing taun 1963 lan yuswané saiki 56 taun.[3] Haryanto Adikoesoemo iki anak saka Prèsidhèn Komisaris PT AKR Corporindo, ya iku Soegiarto Adikoesoemo. Haryanto Adikoesoemo iku salah sijining pengusaha kang suksès lan sugih ing Indonésia. Dhèwèké pengusaha suksès ing bidang kimia lan bahan bakar minyak ing badan usaha kang diyasa bapaké. Haryanto Adikoesoemo lulusan sekolah bisnis ing Harvard Business School lan olèh gelar sarjana ing Universitas Bradford, Inggris.[butuh sitiran]

Karir pengusaha

besut

Haryanto Adikoesoemo mulai pagawéyané ing badan usaha kang wis diyasa déning bapaké ing taun 1977, ya iku PT AKR Corporindo. Ing badan usaha iku, Haryanto wis nduwèni jabatan kang dhuwur lan penting. Nanging, dhèwèké uga dadi Prèsidhèn Dirèktur ing PT Sorini Agro Asia Corporindo bareng karo bapaké lan dadi Prèsidhèn Komisaris ing PT Bumi Karunia Pertiwi.[3] Haryanto Adikoesoemo nglakokaké usaha ing bidang bahan-bahan kimia lan bahan bakar minyak. Panyebaran badan usaha kang dilakokaké déning Haryanto Adikoesoemo ora mung ing Indonésia waé, nanging uga ing manéka warna nagara ing njaba Indonésia, kaya ta nagara Cina.[4]

Haryanto Adikoesoemo nduwèni posisi kang penting ing pirang-pirang badan usaha ing Indonésia.[3]

  • Prèsidhèn Dirèktur ing PT AKR Corporindo (1992)
  • Prèsidhèn Dirèktur ing PT Arthakencana Rayatama (1992)
  • Prèsidhèn Dirèktur ing PT AKR Niaga Indonesia (2012)
  • Prèsidhèn Dirèktur ing PT AKR Land Development
  • Prèsidhèn Komisaris ing PT Anugrah Karya Raya (2009)
  • Prèsidhèn Komisaris ing PT Jakarta Tank Terminal 2005)
  • Prèsidhèn Komisaris ing PT Usaha Era Pratama Nusantara (2002)
  • Prèsidhèn Komisaris ing PT Rizki Tambang Selaras
  • Prèsidhèn Komisaris ing PT Mineral Tambang Wahana
  • Prèsidhèn Komisaris ing PT Sarana Tambang Utama
  • Prèsidhèn Komisaris ing PT Baruta Abadi
  • Prèsidhèn Komisaris ing PT Jabal Nor
  • Prèsidhèn Komisaris ing PT AKR Sea Transport (2011)
  • Prèsidhèn Komisaris ing PT Berkah Rukun Bersama
  • Prèsidhèn Komisaris ing PT AKR Transportasi Indonesia (2013)
  • Prèsidhèn Komisaris ing PT Energi Manyar Sejahtera (2015)
  • Prèsidhèn Komisaris ing PT Anugerah Krida Retailindo (2017)
  • Komisaris ing PT Arjuna Utama Kimia (2007)
  • Komisaris ing PT Andahanesa Abadi (2008)
  • Komisaris ing PT Bumi Tapioka Jaya
  • Komisaris ing PT Saritanam Pratama
  • Komisaris ing PT Agro Asia Manunggal
  • Dirèktur ing AKR (Guigang) Transshipment Port Co. Ltd.
  • Dirèktur ing AKR Guigang Port Co. Ltd.

Kolèksi seni

besut
 
Logo musiyum MACAN

Saliyané dadi pengusaha, Haryanto Adikoesoemo uga nduwèni hobi ing nglumpukaké apa waé kang ana gegayutané karo seni. Miturut anaké, Haryanto Adikoesoemo hobi ngolèksi karya-karya seni awit anak-anaké durung lair utawa awit enom. Amarga hobiné kuwi mau, Haryanto Adikoesoemo miyasa musiyum kang saiki dadi salah sijining musiyum kang kondhang ing Indonésia, ya iku Museum of Modern and Contemporary Art utawa kang disingkat dadi Musiyum Macan, ing dhaérah Kebon Jeruk, Jakarta Kulon. Musiyum Macan dibuka kanggo masarakat umum kawit 4 Nopèmber 2017.[5][6]

Musiyum Macan ya iku salah sijing musiyum ing Jakarta kang nyediakaké seni modèren lan kontèmporèr. Musiyum Macan nduwèni kira-kira 800 kolèksi karya seni kang wis dikolèksi déning Haryanto Adikoesoemo 25 taun suwéné saka manéka nagara manca. Kabèh kolèksi seni kang ana ing Musiyum Macan iku kalebu kolèksi pribadi saka Haryanto Adikoesoemo lan ora didol, nanging digunakaké kanggo sarana panglipur masarakat utawa tamu kang teka ana ing musiyum.[5] Kolèksi-kolèksi seni kuwi mau teka saka pirang-pirang pelukis saka manéka nagara manca, ya iku saka pelukis Amérika Sarékat, Jepang, Cina, lan pelukis-pelukis kondhang Indonésia, kaya ta Affandi.[7]

Kolèksi karya seni Haryanto Adikoesoemo kang direngga ing Musiyum Macan wujudé ora mung lukisan waé, nanging ana manéka warna karya fotografi lan instalasi seni. Karya seni Haryanto Adikoesoemo kang awujud instalasi iku kang paling bisa narik minat lan atiné wong-wong énom. Biyasané, ing Musiyum Macan, wong-wong énom padha njupuk foto ing karya-karya seni instalasi koleksiné Haryanto Adikoesoemo amarga dianggep desainé apik, modèren lan cocok kanggo cah-cah enom jaman saiki. Haryanto Adikoesoemo uga nduwèni kolèksi-kolèksi lukisan saka tokoh seniman asli Indonésia. Irah-irahan saka lukisan-lukisan kolèksi Haryanto Adikoesoemo kang diasilaké déning pelukis Indonésia, ya iku lukisan Raden Saleh ing babagan imajinasi Jalan Raya Pos Anyer-Panarukan utawa kang kondhang jenengé, Dalan Daendels.[7] Haryanto Adikoesoemo ora bisa ngawur tuku karya-karya seni saka pelukis-pelukis. Nanging, Haryanto Adikoesoemo perlu nglakokaké penelitian sadurungé tuku lan ngolèksi karya-karya seni kuwi mau. Dhèwèké bisa tuku lan ngolèksi karya-karya seni kuwi mau amarga dhèwèké seneng marang seni-seni kasebut.[7]

Musiyum Macan iki ora dilakokaké déning haryanto Adikoesoemo dhéwé. Nanging, Haryanto Adikoesoemo pracaya marang anaké kang nomer telu, ya iku Fenessa Adikoesoemo, kanggo ngurusi musiyum kasebut.[5][8] Haryanto Adikoesoemo pracaya marang Fenessa amarga anaké kuwi uga nduwèni hobi lan kesenengan marang karya seni saéngga Haryanto yakin yèn anaké wis nduwé sangu kanggo ngurusi yayasan Musiyum Macan. Saliyané iku, Haryanto pracaya uga marang Fenessa amarga anaké kang liyané wis nduwèni urusan lan kepentingan ing PT AKR Corporindo.[5]

Pangaji-aji

besut

Haryanto Adikoesoemo nduwèni pangaji-aji nalika dhèwèké nglakokaké pagawéyané dadi salah sijining pejabat penting ing sawatara badan usaha.[9]

  • Pengusaha Indonésia paling apik saka Ernst & Young ing taun 2008
  • Pengusaha paling apik ing taun 2012 saka majalah Forbes Indonésia
  • Wong paling sugih ing Indonésia vèrsi majalah Forbes Indonésia
  • CEO paling apik ing taun 2012 saka majalah Corporate Governance Hong Kong

Rujukan

besut
  1. ↑ "Executive Profile: Haryanto Adikoesoemo". Bloomberg LP. Dibukak ing 5 Maret 2018.
  2. ↑ Harto, Budi Yuni (2018-02-04). "Dari Koleksi Pribadi untuk Generasi Milenial". Sindo. Diarsip saka sing asli ing 2020-02-18. Dibukak ing 2019-12-15.
  3. ↑ a b c MarketScreener. "Haryanto Adikoesoemo - Biography". www.marketscreener.com (ing basa Inggris). Dibukak ing 2019-12-18.
  4. ↑ Mediatama, Grahanusa (2019-09-25). "Divestasi lima anak usaha, AKR Corporindo (AKRA) fokus ekspansi di Indonesia". kontan.co.id (ing basa Indonesia). Dibukak ing 2019-12-20.
  5. ↑ a b c d Aurelia, Joan. "Museum MACAN: Antara Konservasi dan Edukasi Seni". tirto.id (ing basa Indonesia). Dibukak ing 2019-12-19.
  6. ↑ Emont, Jon (2017-11-27). "Thanks to One Man's Collection, Jakarta Now Has a World-Class Museum". The New York Times (ing basa Inggris Amérika Sarékat). ISSN 0362-4331. Dibukak ing 2019-12-19.
  7. ↑ a b c Tempomedia (2018-03-11). "Tentang Dua Museum". Tempo (ing basa Inggris). Dibukak ing 2019-12-20.
  8. ↑ Yulistara, Arina. "Curhat Fenessa, Putri Konglomerat Pendiri Museum MACAN". lifestyle (ing basa Indonesia). Dibukak ing 2019-12-19.
  9. ↑ "Haryanto Adikoesoemo Profile". Indonesia Tatler (ing basa Inggris). Diarsip saka sing asli ing 2022-08-18. Dibukak ing 2019-12-19.
Dijupuk saka "https://jv.wikipedia.org/w/index.php?title=Haryanto_Adikoesoemo&oldid=1665173"