Wikipédia

Soegiarto Adikoesoemo

Soegiarto Adikoesoemo ya iku pengusaha utawa pebisnis saka Indonésia kang dadi Prèsidhèn Komisaris ing PT AKR Corporindo Tbk.[2] Soegiarto Adikoesoemo lair taun 1938 ing Malang, Indonésia[3]. Soegiarto kalebu salah sijining konglomerat paling sugih ing Indonésia lan ana ing urutan 39 ing taun 2018. Urutan iku luwih cendhèk tinimbang urutan wektu taun 2017, ya iku urutan 25. Urutan kasebut medun amarga rega saham ing badan usaha uga ora dhuwur tinimbang taun 2017.[4] Soegiarto Adikoesoemo kalebu wong kang suksès ing pagawéyané amarga dhèwèké bisa nglakokaké bisnis lan usaha werna-werna. Soegiarto uga nduwèni jabatan penting ing kabèh badan usaha kang wis diyasa déning dhèwèké. Badan usaha kang diyasa lan dicekel déning dhèwèké kalebu akèh lan kalebu badan usaha kang jenengé wis gedhé. Dhèwèké ya iku salah sijining pengusaha kang nduwèni bisnis ana ing werna-werna bidang, antarané ing panyebaran bahan bakar kimia dhasar, bahan bakar minyak, jasa logistik, manufaktur sorbitol, lan bahan-bahan lim.[5]

Soegiarto Adikoesoemo
Lair1938
Malang, Jawa Wétan
PadununganSurabaya, Jakarta, Indonesia
BangsaIndonésia
PakaryanPengusaha
Kondhang ingfounder of PT AKR Corporindo Tbk.
Bebathèn
resik		US$1.17 billion[1]
BojoMarried
Anak2, kalebu Haryanto Adikoesoemo
Sana jaringanwww.akr.co.id

Kauripan

besut

Soegiarto Adikoesoemo lair ing Malang, Jawa Wétan taun 1938.[3] Saiki yuswané 81 taun lan dhèwèké isih giat lan nduwèni semangat dadi Prèsidhèn Komisaris ing badan usaha kang diyasa déning dhèwèké. Dhèwèké nduwé anak loro lan salah sijining anaké, Haryanto Adikoesoemo uga dadi Prèsidhèn Dirèktur ing PT AKR Corporindo lan kang miyasa salah sijining museum seni kontemporèr kang kondhang ing Indonésia, ya iku Museum of Modern and Contemporary Art utawa Museum Macan ing dhaérah Kebon Jeruk, Jakarta Kulon.[6] Soegiarto Adikoesoemo iku weton sekolah manengah lan diploma.[7] Soegiarto lekas dedagangan ing taun 1960. Nanging, dhèwèké ngadegaké badan usaha ana ing taun 1977. Badan usaha kang diyasa wis ana dhaptaré ing Bursa Èfèk Indonésia kawit 3 Oktober 1994.[5]

Soegiarto Adikoesoemo kalebu ana ing urutan konglomerat paling sugih ing Indonésia. Ing taun 2018, dhèwèké ana ing urutan nomer 39. Miyasa badan usaha saka taun 1977 tekan saiki udu prakara gampang, nanging ana waé alangan lan prakarané. Soegiarto Adikoesoemo uga dadi kepala ing 13 badan usaha ing njaba PT AKR Corporindo. Jabatan kang dicekel uga jabatan kang dhuwur. Badan usaha kang diyasa déning Soegiarto Adikoesoemo tau nemahi sawijining prakara, ya iku anjloging pangedolan saham lan anjloging kasugihan nganti 42%.[4]

Soegiarto Adikoesoemo uga miyasa anak badan usaha kang ana njaba Indonésia, kaya ta ing negara Cina. Nanging, Soegiarto nduwèni pangarep-arep karebèn fokus èkspansi badan usaha ing Indonésia waé, dhèwèke lan PT AKR Corporindo akhiré nglakokaké divestasi utawa ngeculaké anak badan usaha kang ana ing negara Cina kasebut. Badan usaha kang dirilakaké ing Cina cacahé ana lima anak badan usaha saka AKRA Corporindo.[8]

Karir

besut

Ing 28 Nopèmber 1977, Soegiarto Adikoesoemo mulai ngadegaké badan usaha kang dijenengi PT Aneka Kimia Raya lan ing taun 1994 jenengé diganti dadi PT AKR Corporindo. AKR Corporindo iku badan usaha kang ana ing bidang panyebaran bahan bakar kimia dhasar. Ora mung ing panyebaran bahan bakar, nanging AKR Corporindo uga nggedekaké bisnis ing bidang industri.[9] Soegiarto Adikoesoemo uga nduwèni anak-anak badan usaha liyané ing Indonésia, ya iku ing Cina nanging badan usaha kang ana ing Cina wis didivestasi.[5] Soegiarto Adikoesoemo uga tau dadi Prèsidhèn Komisaris ing PT Sorini Agro Asia Corporindo Tbk utawa SOBI. Nanging, ing taun 2011 dhèwèké mundur saka jabatan iku amarga ana program sesulih jabatan utawa jabatan kan wis ana iku dirombak manèh.[10]

PT AKR Corporindo

besut

PT AKR Corporindo Tbk. utawa AKRA kalebu salah sijining badan usaha kang diyasa déning Soegiarto Adikoesoemo. Badan usaha iki kalebu badan usaha multinasional kang gedhé lan suksès ing Indonésia. Badan usaha iki ora mung nglakokaké siji bidang usaha, nanging uga nglakokaké pirang-pirang bidang usaha. PT AKR Corporindo ya iku badan usaha kang ana ing bidang panyebaran bahan bakar kimia dhasar. Nanging, ora mung kuwi waé usaha kang ana ing PT AKR Corporindo. PT AKR Corporindo uga nduwèni usaha ana ing bidang logistik, manufaktur, tambang lan ngurus dedagangan batu bara.[7] Fokus kang diutamakaké ing badan usaha iki ya iku tetep ing panyebaran utawa distribusi bahan bakar minyak lan bahan bakar kimia dhasar.[5] Nanging, PT AKR Corporindo iki uga nglakokaké bisnis dharat lan laut kanggo ngamot sarta ngrumat pipa kang dinggo panyengkuyunging lakuné angkutan laut. Badan usaha iki uga nglakokaké bisnis dadi kontraktor bangunan.[11] Badan usaha iki uga nglakokaké panyebaran bahan bakar kanggo penerbangan lan nglakokaké stasiun layanan ing Indonésia bareng karo salah sijining perusahaan minyak lan gas saka Inggris.[7]

Karir Soegiarto Adikoesoemo saliyané dadi Prèsidhèn Komisaris ing PT AKR Corporindo Tbk.[2]

  • Presidhèn Dirèktur ing Guangxi (Guigang) AKR Container Port Co. Ltd (2006)
  • Presidhèn Dirèktur ing AKR (Guigang) Transshipment Port Co. Ltd. (kawit 2006)
  • Presidhèn Dirèktur ing AKR Guigang Port Co. Ltd. (kawit 2006)
  • Prèsidhèn Komisaris ing PT Arthakencana Rayatama (kawit 1992)
  • Prèsidhèn Komisaris ing PT Arjuna Utama Kimia (kawit 2007)
  • Prèsidhèn Komisaris ing PT Andahanesa Abadi (kawit 1992)
  • Prèsidhèn Komisaris ing PT AKR Niaga Indonesia (kawit 2012)
  • Prèsidhèn Komisaris ing PT AKR Land Development (kawit 1998)
  • Prèsidhèn Komisaris ing PT Sorini Towa Berlian Corporindo (1994)
  • Panuntun ing AKR (Guang Xi) Coal Trading Co. Ltd. (kawit 2008)
  • Prèsidhèn Komisaris ing PT Agro Asia Manunggal
  • Wakil Panuntun ing Khalista (Liuzhou) Chemical Industries Ltd.

Pangaji-aji

besut
  • Soegiarto Adikoesoemo kalebu ing dhaptar 50 wong kang paling sugih ing Indonésia taun 2019[7]
  • Konglomerat paling sugih urutan nomer 25 ing dhaptar wong paling sugih ing Indonésia taun 2017[9]
  • Konglomerat paling sugih ing urutan 39 ing dhaptar wong paling sugih ing Indonésia taun 2018[9]
  • Konglomerat paling sugih ing donya urutan 2057 ing dhaptar wong paling sugih ing donya taun 2019[7]

Rujukan

besut
  1. ↑ "Forbes profile: Soegiarto Adikoesoemo". Forbes. Dibukak ing 5 Maret 2018.
  2. ↑ a b MarketScreener. "Soegiarto Adikoesoemo - Biography". www.marketscreener.com (ing basa Inggris). Dibukak ing 2019-12-14.
  3. ↑ a b "Board of Commissioners & Directors". PT AKR Corporindo Tbk. Dibukak ing 2019-12-15.
  4. ↑ a b Okezone (2018-12-13). "Kekayaan Soegiarto Adikoesomo Anjlok 42%, Turun 14 Peringkat dalam Daftar Orang Terkaya : Okezone Economy". https://economy.okezone.com/ (ing basa Indonesia). Dibukak ing 2019-12-15. {{cite web}}: External link in |website= (pitulung)
  5. ↑ a b c d "AKR Corporindo | Indonesia Investments". www.indonesia-investments.com. Dibukak ing 2019-12-15.
  6. ↑ Aurelia, Joan. "Museum MACAN: Antara Konservasi dan Edukasi Seni". tirto.id (ing basa Indonesia). Dibukak ing 2019-12-18.
  7. ↑ a b c d e "Soegiarto Adikoesoemo". Forbes (ing basa Inggris). Dibukak ing 2019-12-16.
  8. ↑ Mediatama, Grahanusa (2019-09-25). "Divestasi lima anak usaha, AKR Corporindo (AKRA) fokus ekspansi di Indonesia". kontan.co.id (ing basa Indonesia). Dibukak ing 2019-12-16.
  9. ↑ a b c TV, CNBC Indonesia. "Jejak Konglomerat Soegiarto Adikoesoemo Bangun AKR Corporindo". news (ing basa Indonesia). Dibukak ing 2019-12-15.
  10. ↑ Mediatama, Grahanusa (2011-01-27). "Cargill akan tender offer 31,18% saham SOBI". kontan.co.id (ing basa Indonesia). Dibukak ing 2019-12-18.
  11. ↑ "PT AKR Corporindo Tbk (AKRA)" (PDF). Otoritas Jasa Keuangan.
Dijupuk saka "https://jv.wikipedia.org/w/index.php?title=Soegiarto_Adikoesoemo&oldid=1610758"