Hendrik Hermanus Joel Ngantung utawi ingkang kawéntar kanthi nama Henk Ngantung (wiyos wonten ing Manado, Sulawesi Utara, 1 Maret 1921-séda wonten ing Jakarta, 12 Dhésèmber 1991 ing yuswa 17 taun)[1] punika tiyang kanthi dharah Tionghoa lan pelukis Indonésia ugi Gubernur Jakarta ing periode 1964-1965.

Hendrik Hermanus Joel Ngantung
Gubernur Jakarta 7
Linggih
1964 – 1965
PrésidhènIr. Soekarno
Kang sadurungéDr. Soemarno (Periode I)
Kang sawiséDr. Soemarno (Periode II)
Wakil Gubernur Jakarta
Linggih
1960 – 1964
PrésidhènIr. Soekarno
Rerincèn dhiri
LairHendrik Hermanus Joel Ngantung
BangsaIndhonésia Indonésia
SisihanEvie Ngantung

Henk Ngantung punika kondhang dados pelukis tanpa pendidikan formal. Bapak lan Ibunipun asalipun saking tomohon utawi Minahasa. Henk punika putra saking punggawa ing pamaréntah Walanda lan ageng wonten ing tradisi aristrokratis. Pikantuk pendidikan mawi Basa Walanda, sarta lulus saking Sekolah Lanjutan Tingkat Pertama (MULO). Bakat nglukis punika sampun tuwuh nalika ing Sekolah Dasar (SD) awit saking doronganipun kepala sekolahipun, E.Katopo. Wiwit nglukis ing umur 13 taun (taun 1934)[1].

Ing taun 1937, Henk Ngantung netep wonten ing Bandung, Jawa Kulon, Kapisan sinau nglukis kaliyan Bossardt lan pelukis Ostenrik, Rudolf Wengkart satunggaling pelukis ingkang kondhang saking Wina, Ostenrik ing Bandung. Kajawi punika Henk Ngantung ugi tepang kaliyan pelukis-pelukis profésional kados Luigi Nobili, Dake sarta Affandi ingkang kagabung wonten ing PERSAGI. Henk Ngantung ugi ngembangaken tèknik nglukis kanthi rikat nalika ing pendudukan Jepang sareng kaliyan pelukis sanèsipun ing Pusat Kabudayan[2].

Karir Henk Ngantung besut

Sadèrèngipun dados Gubernur Jakarta, Henk Ngantung sampun kondhang dados pelukis. Sareng kaliyan Chairil Anwar lan Asrul Sani ndhèrèk damel Gelanggang. Henk ugi naté dados pengurus Lembaga Persahabatan Indonésia-Tiongkok (1955-1958). Henk Ngantung dipunangkat dados Gubernur Jakarta nalika taun 1964 amargi dipunanggep gadhah bakat artistik saéngga kanthi kekajengan supados saged damel kutha Jakarta dados kutha budaya.Dipuntunjuk déning Présidhèn Ir. Soekarno dados deputi gubernur ing ngandhapipun Soemarmo. Kala punika kathah kalangan ingkang protes awit saing minggahipun Henk Ngantung. Henk mandeg dados Gubernur Jakarta sesarengan kaliyan pemberantasan G30s/PKI. Statusipun ingkang dados pengurus Lekra ndadosaken Henk Ngantung dipunanggep antek PKI [2].

Karya besut

Karya-karya lukisan Henk Ngantung inggih punika Lukisan ibu dan anak, Sketsa Tugu Selamat datang, sketsa Lambang DKI Jakarta, lan Lambang Kostrad[1][2].

Ugi pirsani besut

Pratélan Seniman Indonésia

Cathetan suku besut

  1. a b c [1][pranala mati permanèn] (id) Pelukis henk Ngantung (dipun-akses tanggal 11 Januari 2013)
  2. a b c [2] Archived 2012-12-27 at the Wayback Machine. (id) Tokoh Ngantung (dipun-akses tanggal 11 Januari 2013)