Indonesia Warriors

Indonesia Warriors yaiku salah sawijining klub baskèt saka Indonésia. Tim iki dudu mung samubarang tim, ananging mèlu ing kompetisi Liga Baskèt Asean utawa Asean Basketball League (ABL) kang debut ing mangsa 2009-10. Sadurungé Indonésia disulihi déning Satria Muda ing liga baskèt Asean iki, banjur digantèni dening Indonesia Warriors. Taun 2012 dadi taun kuncarané Indonesia Warriors jalaran tim iki bisa ngancik tuméka babak playoff Liga Baskèt Asean kanthi urutan nomer telu ing papan klasemèn lan diakoni dadi lelakon kang paling gedhé kang wis naté dilakoni. Tim kang diduwèni déning salah siji mentri ing Kabinèt Indonésia Maju yaiku Erick Thohir iki ing taun 2012 bakal lumawan tim saka Filipina yaiku Philippine Patriots ing kanthi sistem babak best of three. Erick Thohir dhapuk Handy Soetedjo minangka prèsidhèn tim lan kagabung ing Mahaka Sports, Indonesia Warriors duwè kandhang jenengé yaiku Mahaka Arena utawa yèn nganggo jeneng seponsor dadi Britama Arena.

Indonesia Warriors

Jeneng jangkep	Indonesia Warriors Basketball Team
Peparab	Laskar Dreya
Diadegaké	2011
Lapangan	Mahaka Arena, Jakarta, Indonésia
Kapasitas
Ketua	Erick Thohir
Manajer	Dusan Ignatov
Liga	IBL
2019	ABL (1)
Seragam kandang Seragam tandang

Logo Liga Baskèt ASEAN kang naté dièloni déning Indonesia Warriors.

Juwara

Indonèsia Warriors tundhoné kasil nggayuh piala Liga Baskèt Asean ing taun 2012, sawisé ngalahaké San Miguel Beermen kanthi angka 78-76 ing gim katelu kang diadani ing Ynares Sport Arena, Filipina. Asil kasebut yaiku asil kang wis diantu-antu lawasé rong muangsa sadurungé bisa dadi juwara baskèt ing Asean utawa Asia Kidul Wétan iki. Mangsa sepisan Indonesia warriors mung kasil nggayuh nomer loro sawisé kalah kanthi agrégat 3-0 saka wakil Filipina liyané yaiku Philippine Patriots, déné ing mangsa candhaké malah nuduhaké préstasi kang luwih èlèk yaiku kalah ing babak règulèr. Ing final Indonesia Warriors bisa tampil kanthi prakosa lan ora kéngguh déning para panjurung San Miguel Beermen kang ngebaki aréna tetandhingan. Ngendelaké pamain gabungan antara lokal lan impor Warriors bisa ngasoraké Beermen senadyan tim saka Filipina iku kondhang minangka tim kang kuwat, piala Liga Baskèt Asean kasil digondhol menyang Indonésia.

Dhaptar Pamain Taun 2013

• Mario Wuysang
• Christoper Vondrell Daniels
• Swen de Ruijter
• Amin Prihantono
• Frans Tjaswadi
• Jerick Uy Cañada
• Agustinus Indrajaya Saputra
• Donny Ristianto
• Christian Ronaldo Sitepu
• John Albert Dudley Smith
• Richard Smith
• Stanley Pringle
• Steven Demon Thomas

Pemain Indonesia Warriors 2011-2015

Stan Pringle salah siji pamain Indonesia Warriors

• Youbel Sondakh
• Welyanson Situmorang
• Mario Wuysang
• Stanley Pringle
• Steve Thomas
• John Smith
• Richard Smith
• Chris Daniels
• Jerick Canada
• Francis Adriano
• Ricky Ricafuente
• Marlon Legaspi
• Nakiea Miller
• Achmad Adiyanto
• Swen De Ruijter
• Amin Prihantono
• Christian Ronaldo Sitepu
• Ronny Gunawan
• Raka Cokorda
• J.R. Aquino
• Ryan Febrian
• Fattah Arifin
• Allan Salangsang
• Arki Dikania Wisnu
• Doni Ristanto
• Frans Tjaswadi
• Evan Brock
• Jonathan Larry Smith
• Joey Mente
• Robert Sanz
• Marcus Morrison
• Ronald Capati
• Don Camaso
• Mark Magsumbol
• Alex Hartman
• Rensy Bajar
• Theo Little

Dhaptar Palatih

• Fictor Roring (2009-10)
• Ocky Tamtelahitu (2010-11)
• John Todd Purves (2012-13)
• Dusan Ignatov

Asistèn Palatih

thumb Christian Ronaldo Sitepu

Mligi kanggo salah siji tilas pamainé yaiku Christian Ronaldo Sitepu, ing mangsa 2019 iki dhèwèké kadhapuk minangka asistèn palatih Indonesia Warriors. Pria kang kulina diceluk Dodo iku ngayahi gati lan biyantu palatih utama kang asalé saka Serbia yaiku Dusan Ignatov. Kadhapuké Dodo minangka asistèn palatih Warriors gawé mongkog kanca-kanca sabarakané kang nganggep Dodo kalebu legéndha baskèt Indonésia. Dodo kang naté ngrengkuh juwara baskèt nasional kaping wolu duwèni gegayuhan bésuk tembé bisa gawa medhali emas ing ajang Sea Games.

Mundur saka ABL

Indonésia ing Asean wis kondhang minangka salah siji nagara kang mèlu madegaké Asean, kalebu ing ulah raga baskèt Indonésia uga mèlu nggagas anané Liga Baskèt Asean kalawan Brunéi Darussalam, Filipina, Malaysia, Singapur, lan Tailan. Nanging émané wiwit taun 2015 Indonésia wis ancang-ancang bakal oncad saka kompetisi kasebut. Warriors mutusaké kanggo mundur jalaran péngin ajeg nggatekaké ing kompetisi baskèt lokal yaiku Indonesia Basketball League utawa IBL. Pangurus tim Warriors ngrasa yèn tim kang mèlu kompetisi kudu duwé anggaran lan target bisnis kang cetha, ora goroh minangka ulah raga saiki ora amung ngrembug bab ulah raga, nanging ya ngrembug bab bathi-tunané ngubengaké dhuwit ana cawang ulah raga baskét iki.

Mèlu IBL

Ing dinané saiki Indonesia Warriors malih dadi tim kang ngemong pamain-pamain baskèt umur enom, lan dicepakaké kanggo mèlu Piala Donya Baskèt FIBA kang bakal diadani ing Indonésia lan siji nagara Asia Kidul Wétan liyane. Tim iki nggelar gladhèn ana ing komplèk ulah raga Gelora Bung Karno, Jakarta atas dhasar pamikirané Perbasi kanggo ngundhakaké méntal lan kualitas para pamainé. Indonésia Warriors bakal jajal ing gim sepisan lumawan NSH Jakarta ing IBL seri 5 mapan anèng kutha Bandhung.

Dhaptar Pamain Indonesia Warriors ing IBL:

• Yudha Saputra – posisi PG
• Darryl Sebastian – posisi SG
• Dandung O’Neil Pamungkas – posisi SG
• Erick Jonathan Gosal – posisi PF
• Nickson Damara Gosal – posisi PF
• Yesaya Alessandro Michael Joseph Saudale – posisi PG
• Kelvin Sanjaya – posisi C
• Aldy Izzatur Rachman – posisi SF
• Muhammad Fhirdan Maulana Guntara – posisi SF
• Ananda Farroz Habibillah – posisi SF
• Ali Bagir Wayarabi Alhadar – posisi SF
• Muhamad Arighi Hardan – posisi SG
• William Rivaldi Kosasih – posisi C
• Miodrag Stojig – posisi PG
• Luka Radusin – posisi C