Inihaw

Inihaw ( diucapaké [ɪˈni:haʊ] ee-NEE-how ), uga dikenal minangka sinugba utawa inasal, iku manéka warna jinis olahan kanthi dipanggang utawa barbecue kang ngolahé kanthi dipanggang ing sawijining biting saka wesi. Olahan iki asalé saka Filipina, lan biyasané digawé saka daging babi utawa pitik lan disuguhaké kanthi ditusuk biting saka pring utawa ing sawijining wadhah kothak cilik kanthi kécap lan sawijining saus kang digawé saka cuka.

Manéka jinis inihaw ing Fèstival Dinagyang

Inihaw uga bisa ngrujuk marang panganan daging utawa panganan laut kang dimasak lan disuguhaké kanthi cara sing padha. Inihaw umumé didol minangka panganan pinggir dalan lan dipangan nganggo sega putih utawa sega kang dimasak ing sajroning godhong klapa (pusô). Inihaw uga diarani Barbekyu Filipina utawa Pinoy BBQ. [1][2][3]

JinisBesut

Jinis panganan kang kalebu jinis inihaw nanging umumé dianggep béda kalebu ing ngisor iki: [4]

  • Lechón - babi panggang kang masaké kanthi diobong, biyasané diisèni rempah-rempah lan godhong serèh. [4]
  • Inasal pitik - sawijining jinis saka lechon manok kang asalé saka Visaya Kulon, pitik sing dimarinasi dicampur campuran jeruk siyem, mrica, cuka klapa lan annatto, banjur dipanggang nganggo bara panas sinambi dimarinasi. Sawisé kuwi panganan iki disuguhaké karo sega, jeruk siyem, kécap, minyak pitik lan cuka (kang asring dianggo ya iku cuka sinamak, cuka aren kang dicampur bawang putih, cabé, lan laos ). [5]
  • Lechon manok - olahan panggang kang diolah kanthi cara diasinaké ing campuran bawang putih, godhong salam, brambang, mrica ireng, kécap, lan saus kang digawé saka iwak). Bumbu marinasiné uga bisa digawé legi kanthi dicampur muscovado utawa gula soklat . Panganan iki banjur diisi serèh lan dibakar nganggo areng. Biyasané panganan iki dipangan kanthi dicelupaké ing kécap. Panganan iki disuguhaké karo sega utawa puso lan umumé uga disuguhaké nganggo acar atchara. Lechon manuk iku panganan kang kondhang ing Filipina lan kasedhiya ing manéka réstoran pinggir dalan. [6]
  • Satti - biasane daging sapi utawa ayam panggang kang disuguhaké kanthi ditusuk nganggo biting, saka Mindanao. Panganan iki mèmper saté. Panganan iki biyasané dipangan nganggo ta'mu (sega kang dimasak ing godhong klapa, utawa pusô ing basa Filipina liyané) lan saos anget ing mangkok kang bahané umumé digawé saka kacang. [7] [8]
  • Isaw - jinis inihaw kang murah kang kagawé saka usus babi utawa usus pitik. Panganan iki dimasak lan dipangan kanthi cara sing padha karo inihaw daging. [9] [10]

RujukanBesut

  1. Macatulad, JB. "4 Things to Know About Street Food in the Philippines". World Nomads. Dibukak ing 13 December 2020.
  2. "Sinugba". Eat Your World. Dibukak ing 13 December 2020.
  3. "10 Best Filipino Inihaw Recipes – Must Try!!". Panlasang Pinoy Recipes. Dibukak ing 13 December 2020.
  4. a b "10 Best Filipino Inihaw Recipes – Must Try!!". Panlasang Pinoy Recipes. Dibukak ing 13 December 2020."10 Best Filipino Inihaw Recipes – Must Try!!". Panlasang Pinoy Recipes. Retrieved 13 December 2020.
  5. "Manokan Country". Unofficial Guide, Philippines. Dibukak ing March 22, 2018.
  6. Santos, Rachelle (17 September 2014). "Lechon Manok". Yummy.ph. Dibukak ing 20 January 2019.
  7. Jimenez, Gidget (2015). All About the Philippines: Stories, Songs, Crafts and Games for Kids. Tuttle Publishing. p. 59. ISBN 9781462917259. Diarsip saka sing asli ing 9 June 2020. Dibukak ing 5 September 2016.
  8. "Unique Flavors of Western Mindanao: Satti". Diarsip saka sing asli ing 17 December 2014. Dibukak ing 15 January 2015.
  9. Office of the Vice Chancellor for Research and Development (1999). "The Perils of Isaw and Fishballs". Research Folio. University of the Philippines Diliman. Dibukak ing 2009-10-20.
  10. Macatulad, JB. "4 Things to Know About Street Food in the Philippines". World Nomads. Dibukak ing 13 December 2020.Macatulad, JB. "4 Things to Know About Street Food in the Philippines". World Nomads. Retrieved 13 December 2020.