Inneke Koesherawati
Inneke Koesherawati (lair ing Jakarta, 13 Dhésèmber 1975; umur 48 taun) ya iku juru main filem lan sinétron Indonesia, kondhang dadi bintang filem panas ning taun 1990-an, nanging akire mutusaké nganggo jilbab ning taun 2001, Dhèwèké dikenal dadi aktris sinétron lan uga layar lebar.[1] Ning taun 1990-an, dhèwèké uga dikenal dadi bintang 'bom sex' ning dunya filem Indonésia.[1]
| Inneke Koesherawati | |
|---|---|
 | |
| Pakaryan | model, aktris, presenter |
| Taun aktif | 1991-saiki |
| Bojo | Fahmi Darmawansyah |
Nanging saiki kondisi Inneke wus bedha kaya mbiyen-mbiyené.[1] Inneke justru dadi pribadi kang religius lan nganggo busana muslimah, malah manawa ana kasempatan, dhèwèké dadi juru dakwah.[1]
Ning pangalaman kariré, Inneke ngawali sukses sawisé menang festival Gadis Sampul nalika taun 1990.[1]
Debut filemé duwé judhul DISKOTIK DJ (diputer nalika taun 1990), lan dilanjutaé karo filem kang judhulé GADIS METROPOLIS (diputer ning taun 1991), RODA-RODA ASMARA DI SIRKUIT SENTUL (diputer ning taun 1994), PERGAULAN METROPOLIS II (diputer ning taun 1995).[1] Dhèwèké uga kerep mèlu akting ning filem-filem bareng karo Warkop DKI.[1]
Saiki peran-peran panas wis dadi kenangan, lan diganti karo sinétron religius lan luwih duwé karakter.[1] Kaya ta sinétron TIRAI SUTRA (nalika taun 1996), TIRAI KASIH YANG TERKOYAK (kang diputer nalika taun 1997), KIPAS-KIPAS CARI ANGIN lan PADAMU AKU BERSIMPUH (ning taun 2001).[1]
Tanggal 2 April taun 2004 dhèwèké nikah karo anak kang duwé gedung Menara Shaidah, Fahmi Darmawansyah.[1] Amarga wus suwé ora dikaruniai momongan, wong loro mutusaké kanggo ngadopsi bayi kang umuré nembé 9 sasi, jenengé Muhammad Rahlil Ibrahim ning taun 2008.[1]
Taun 2007, Inneke mbuka butik busana muslim ning daerah Kalimantan, amarga sepi pesaing.[2] Awit taun 2003 dhèwèké wus wiwit nganggo jilbab lan wiwit ngenalaké busana muslim marang masarakat.[2]
Kasilé para rumaja muslim lan wanita karir milih nganggo jilbab kanggo gantiné krudung.[2] Apa manèh model busana muslim saiki ora kuna kaya ta era taun 1990-an.[2] Karo pangudiné, dhèwèké ngarepaké bisa mbantu para wanita muslim supaya ngango jilbab.[2] Karana, busana muslin iki péranganing dakwah kang kudu disampekaké marang masarakat.[2]