Istirahatlah Kata-kata
Istirahatlah Kata-kata nggih punika filem fiksi sujarah ingkang dipundamel taun 2017. Filem punika dipunsutradarani Yosep Anggi Noen. Piyambakipun ugi ngrangkep minangka panganggit skénario. Filem ingkang juru damelipun Yosep Anggi Noen lan Yulia Evina Bhara, punika diparagani antawisipun déning Gunawan Maryanto lan Marissa Anita. Filem punika nyariyosaken lelabetanipun juru panggurit Wiji Thukul ingkang nuntut keadilan dhumateng pamaréntah lumantar sesorah lan geguritanipun. Istirahatlah Kata-kata dipunbabar kanthi winates ing surya 19 Januari 2017. Juru arah lan juru paraga priya filem punika kasil nampeni sawenèh pangaji antawisipun saking Festival Film Indonesia, Usmar Ismail Award, lan Jogja-NETPAC Asian Film Festival.[1][2][3][4][5][6]
| Istirahatlah Kata-kata | |
|---|---|
| Disutradarani | Yosep Anggi Noen |
| Diprodhuseri | Yosep Anggi Noen Yulia Evina Bhara |
| Ditulis déning | Yosep Anggi Noen |
| Dibintangi | Gunawan Maryanto Marissa Anita |
Tanggal metu | 19 Januari 2017 |
Suwéné | menit |
| Nagara |  Indhonésia |
Latar wingking
besutFilem dibika kanthi narasi ingkang nyariyosaken ing wiwitan kala mangsa jumenenganipun Partai Rakyat Demoratik (PRD) ingkang nglawan paugeran lan undang-undang ingkang netepaken 3 parté pulitik ingkang dipun-akeni nagari. Nalika kadadosan tragédhi 27 Juli 1996, PRD lan sawenèh pandhéganipun sami dipuntangkep lajeng dipundadosaken buronan kanthi tudhuhan damel keruwetan lan badhé nglèngsèraken pamaréntah. Saking Kutha Sala, papan panggènipun Wiji Thukul lan Sipon, latar wingking filem dipunlih wonten atusan kilomèter dhumateng Pontianak lan Lepen Kapuas. Sesarengan kaliyan dhosèn kang asma Thomas, Thukul nunut ndhelik wonten griyanipun sinambi ngakeni bilih sajatosipun langkung ajrih dados buron katimbang nglawan sakempalan tiyang ingkang mbekta bedhil.
Filem punika ngritik wontenipun budaya militeristik ing mangsa Orde Baru kanthi cara nyleneh, radi lucu, nanging cekap wonten bobotipun. Tokoh Udi ingkang dipungambaraken saweg sliwar-sliwer wonten dhusun alit ngagem sepatu boot lan clana tentawis, ingkang mboten naté cetha badhé wonten pundi arahipun. Piyambakipun kadosipun radi mboten jangkep kewarasanipun lan asring medèn-medèni para warga bilih piyambakipun mbekta bedhil lan badhé ngedhor.
Sadangunipun filem, suwasananipun tuhu nyenyet. Ing jagat dinten punika ingkang saestu ubyek, saben ukara, geguritan, lan unèn-unèn ingkang dipilih kanthi saksama ndadosaken filem punika bènten sanget. Wiji Thukul rumiyin nyuwantenaken perlawanan lumantar geguritanipun, kados déné Pramoedya Ananta Toer lumantar karyanipun. Wonten kala mangsa sadèrèngipun reformasi punika, kritik lumantar geguritan kemawon sampun dipuntudhuh subversif (gerakan bawah tanah). Tiyang-tiyang ingkang sami nglawan kanthi pamikiran dhémokrasi ugi dipuntudhuh mbebayani tumrapipun katertiban umum. Lan sinten kemawon ingkang gadhah tatoo, saget dipunbedhil déning operasi petrus amargi dipundhakwa minangka preman ingkang dados reribetipun para warga.
Pangaji
besut| Taun | Pahargyan | Kategori | Panampi | Kasil |
|---|---|---|---|---|
| 2017 | Usmar Ismail Awards | Sutradhara ingkang Saé Piyambak | Yosep Anggi Noen | Menang |
| 2017 | Usmar Ismail Awards | Juru Paraga ingkang Saé Piyambak | Gunawan Maryanto | Menang |
| 2016 | Festival Film Indonesia | Sutradhara ingkang Saé Piyambak | Yosep Anggi Noen | Unggulan |
| 2016 | Festival Film Indonesia | Panganggit Skenariyo Asli ingkang Saé Piyambak | Yosep Anggi Noen | Menang |
| 2016 | Festival Film Indonesia | Panganggit Skenariyo Asli ingkang Saé Piyambak | Yosep Anggi Noen | Unggulan |
| 2016 | Jogja-NETPAC Asian Film Festival
Golden Hanoman Award |
Filem ingkang Saé Piyambak | Menang |
Ugi pirsani
besutRujukan
besut- ↑ Film Indonesia: Istirahatlah Kata-kata Archived 2017-06-25 at the Wayback Machine., kapundhut 9 Mèi 2017
- ↑ CNN Indonesia: Wiji Thukul Bersuara Lewat Film 'Istirahatlah Kata-kata', kapundhut 9 Mèi 2017
- ↑ Nasional Kompas: Hari ini, Istirahatlah Kata-Kata, kapundhut 9 Mèi 2017
- ↑ News Liputan 6: Pesan Film Istirahatlah Kata-Kata Wiji Thukul untuk Jokowi, kapundhut 9 Mèi 2017
- ↑ Tempo: Gunawan Maryanto raih penghargaan pemeran utama pria UID 2017, kapundhut 9 Mèi 2017
- ↑ GoodNews from Indonesia: Hari Puisi Nasional, Yuk Maraton Film dengan Unsur Puitis Ini!, kapundhut 9 Mèi 2017