Iwo Jima

Iwo Jima (basa Jepang: 硫黄島 Iōtō, utawa Iōjima, tegesé "pulo lirang") iku pulo vulkanik ing Jepang, péranganing Kapuloan Ogasawara. Pulo sing ana ing ±650 mil laut (1200 km) kidul Tokyo (24,754° LU, 141,290° BT) iki misuwur minangka papan dumadiné paprangan nalika sasi Fèbruari lan Maret 1945 antarané Jepang lan Amérikah Sarékat nalika Perang Donya II.

Iwo Jima

Geography
Location	Samodra Pasifik (Laut Filipina)
Coordinates	24°47′N 141°19′E
Archipelago	Kapuloan vulkanik
Administration
Jepang
Demographics
Population	Ora ana sing ndunungi sipil (mung personèl militèr)

Citra satelit Iwo Jima (2000)

Kanthi wiyar ±21 km², lumahing Iwo Jima kanthi umum rata. Gunung Suribachi (utawa Suribachiyama) wujud bentang alam sing paling dhominan ing pulo iki kanthi kadhuwuran 166 m.

Pangkalan Udara Angkatan Laut

Angkatan Laut Jepang utawa Japan Maritime Self-Defense Force (JMSDF) ngoperasikaké sawijining pangkalan udara angkatan laut ing Iwo Jima kanthi dawa landhesan nganti 2.650 mèter lan amba 60 mèter. Kodhe sing diwènèhaké ICAO kanggo pangkalan udara ing Iwo Jiwa iki ya iku RJAW, sauntara kodhe sing diwènèhaké IATA iku IWO.

Angkatan Laut Jepang duwé tugas kanggo nyengkuyung lan ngendhalèkaké lalu-lintas udara, pangisian bahan bakar, lan nglakokaké misi panylametan. Pangkalan ing Iwo Jima uga dipigunakaké déning Angkatan Udara lan Angkatan Dharat Jepang. Malah, Angkatan Laut Amérikah Sarékat mèlu mupangataké pangkalan iki kanggo sapérangan kagiyatan kaya déné latihan pendharatan wayah wengi.

Pirsani uga

• Perang Iwo Jima
• Negakaké Gendéra ing Iwo Jima
• Joe Rosenthal

Pranala njaba

• Iwo-Jima, Volcano Islands, Japan Archived 2006-04-04 at the Wayback Machine.
• History of U.S. Marine Corps Operations in World War II Volume IV: Western Pacific Operations olèh George W. Garand dan Truman R. Strobridge