Jabur

Jabur iku kesenian tradhisional Jawa kang wujud sendratari kaya déné wayang wong, kawentar ing masarakat padésan ing tlatah Ngayogyakarta nganti watara taun 1980-an. Sandhangan lan beksa ora béda adoh karo wayang wong, mung waé paraga jabur okèh kang nganggo jubah. Yèn wayang wong lumrahé kanthi lakon saka wayang kulit utawa wayang purwa, ya iku carita Mahabarata kalawan Ramayana, nanging manawa Jabur kanthi lakon carita Wayang Ménak utawa sapèrangan wong ngarani wayang thengul, ya iku carita legèndha saka Pèrsi. Gamelan kang ngiringi beksa ing jabur lumrahé nganggo gendhing ladrang Anggok Kudus, kang kanggo ngiringi perang kanthi sampak Kembang Jeruk

Para tokoh Jabur kang kawenta antarané:

1. Amir Ambyah
2. Umarmaya
3. Umarmadi
4. Rengganis
5. Wong Agung Jayengrana
6. Patih Bestak
7. Raden Iman Suwangsa

Emané sak iki warga masarakat wis ora padha mangertèni Jabur, kaya murca angslup bumi, amarga wus kalah karo kabudayan kang anyar. Wektu saiki isih ana masarakat kang tetep nguri-uri jabur, mligine ing Banjararum, Kalibawang, Kulon Praga.

Ugi pirsani

• Wayang Ménak