Jaran segara
| Hippocampus | |
|---|---|
| |
| Jaran sagara, Hippocampus sp. | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Syngnathiformes |
| Famili: | Syngnathidae |
| Génus: | Hippocampus Cuvier (1816)[1] |
| Spesies | |
|
Lihat teks | |
Jaran sagara duwé jeneng Latin Cavalluccio Marino lan kalebu génus Hippocampus lan kulawarga Syngnathidae.[2] Kaya iwak-iwak liyané, jaran sagara ambegan nganggo angsang.[2] Jaran sagara duwé ukuran awak kurang luwih 7 nganti 25 cm.[2]Kéwan iki urip karo prédhator-prédhator, saéngga jaran sagara duwé kulit kang atos kaya thothok.[2] Kulit iki gunané kanggo njaga awaké saka prédhator.[2] Jaran sagara akèh tinemu ing perairan kang cethèk apa déné kang jero.[2] Jaran sagara lumakuné alon banget mulané akèh jaran sagara kang ndhelik ing karang, koral apa déné tuwuhan sagara liyané, iki ancasé kanggo njaga awaké yèn ana bebaya.[2] Kanggo obah tumuju lumahing sagara, Jaran sagara nggunakaké kanthong udara kang ana ing awaké.[2] Kanthong iki bisa amba lan cupet miturut kabutuhan.[2] Cara kerjané kanthong udara iki meh mirib kaya kapal selam.[2] Jaran sagara kalebu spésies kang unik awit jaran sagara kang meteng ya iku jaran sagara kang lanang.[2] Jaran sagara nglangi kanthi awak kang jejeg lan bisa manthukaké sirahé mendhuwur lan mengisor.[2]
Jaran sagara duwé mata kang bisa ndeleng barang kang manggon ing panggonan kang béda kanthi bareng.[2] Iki disebabaké amarga sistem syaraf mata kang kapisah.[2] Mata Jaran sagara uga bisa mubeng saéngga bisa ngawasi kaanan sanajan ora nolèh.[2] Jaran sagara duwé warna kang béda.[2] Ana kang ijo, kuning lan ireng.[2] Werna-warna iki amarga gen lan intensitas cahya srengéngé kang lumebu ing banyu.[2] Jaran sagara uga ana kang wernané rada transparan.[2]
Ana uga spésies anyar kang jenengé Hippocampus paradoxus.[3] Spesies iki ukurané luwih cilik tinimbang jaran sagara liyané lan ora nduwé strukutur sirip ing pérangan dorsal utawa geger.[3]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |