Johan Pieter Michielsen
Johan Pieter Michielsen (lair ing Nijmegen, Nèderlan, 11 Juni 1862 – pati ing cedhak Karawang, Hindia-Nèderlan (saiki Indonesia), 14 Fèbruari 1916 ing umur 53 taun) ya iku jenderal saka Walanda lan komandan Koninklijk Nederlandsch-Indisch Leger.[1] Putra saka arsitek Johannes Wilhelmus Michielsen lan Anna Maria Cramer iki dididik ana ing Koninklijke Militaire Academie lan nalika taun 1882 dhèwèké duwé pangkat letnan loro ana ing Angkatan Darat Walanda.[2] Rong taum sawisé iku, dhèwèké banjur dikirim menyang Hindia-Walanda sawisé sadurungé dhèwèké sekolah ana ing sekolah perang kang mapan ana ing kutha Den Haag.[2] Ora suwé dhèwèké banjur diangkat dadi kapiten staf jenderal lan dadi guru ana ing kana.[1] Kanthi alaon-alon dhèwèké munggah pangkat, lan nalika taun 1911 dhèwèké diangkat dadi mayor jenderal lan ditunjuk dadi ketua staf jenderal.[1] Dhèwèké uga mèlu ana ing Komisi Nagara kanggo Pertahanan Hindia-Walanda.[1] Nalika dadi kapiten, dhedhasar Dekrit Karajan no. 16 tanggal 7 Maret 1904 Michielsen diwènèhi kanugrahan gelar ksatria ana ing Militaire Willems-Orde mergaa Perang Kerinci nalika taun 1902 lan 1903.[1] Nalika pangkate LetKol, dhèwèké diangkat manèh dadi perwira MWO amarga peranane ana ing èkspèdhisi ing Pulo Sulawesi nalika taun 1905 lan 1906 dhedhasar Dekrit Karajan no. 96 tanggal 28 Maret 1907.[1] Sawisé iku dhèwèké uga diangkat dadi ksatria ana ing Orde Singa Walanda.[1] Michielsen, wiwit taun 1914 mdadi komandan KNIL lan ana ing jaman iku uga dhèwèké dadi ketua Departemen perang. Dhèwèké banjur mati nalika numpak pesawat banjur pesawate njeblig nalika mabur 100 mèter.[1]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |