Jongmyo Jerye
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Jongmyo Jerye (Upacara Jongmyo) utawi Jongmyo Daeje (Upacara Agung Jongmyo) punika upacara ingkang dipunwontenaken ing Kuil Jongmyo [1] wonten ing Seoul, Koréa Kidul [2][3]. Jongmyo Daeje ingkang dipunwontenaken saben setaun pisan punika karaméan persembahan, pakurmatan, lan pengetan dhateng jasa-jasa para pemimpin saking Wangsa Yi ingkang damel Dinasti Joseon ingkang mimpin Koréa ing taun 1392-1910. Upacara Jongmyo punika dhedhasar tatacara ritual Konfusianisme anggènipun ngregani leluhur lan pemimpin bangsa Koréa [4]. Ritual punika kalebet salah satunggaling wujud kabudayan Koréa ingkang dipunakui minangka Karya Agung Warisan Budaya Lisan lan Nonbendawi Manusia déning UNESCO utawi UNESCO's of the Oral and Intangible Heritage of Humanity nalika taun 2001.
| Jongmyo Jerye | |
|---|---|
 Upacara Agung Jongmyo | |
| Jeneng Koréa | |
| Hangul | 종묘제례 utawi 종묘대제 |
| Hanja | 宗廟祭禮 utawi 宗廟大祭 |
| Alihaksara Koréa Kang Sinampurna | Jongmyo Jerye utawi Jongmyo Daeje |
| McCune–Reischauer | Chongmyo Cherye utawi Chongmyo Taeche |
Sajarah
besutRitual punika katujuaken kanggé paring pakurmatan dhumateng leluhur pendiri Dinasti Joseon. Dinasti Joseon punika jumeneng awit saking Yi Seong-gye minangka nagara ingkang ngenut paham lan cara pandang miturut Konfusianisme. Kapitadosan lan filosofi Konfusianisme dumugi sapunika paring prabawa sanget dhateng tatacara pagesangan tiyang Koréa saéngga ritula pamujaan dhateng para leluhur taksih dipunlampahi [5].
Jongmyo Jerye punika kalebet ing Gillye (upacara bertuah) salah satunggal saking 5 jinis upacara ageng ingkang dipunwontenaken déning wangsa karajan Joseon. Sanèsipun punika Hyungrye (upacara pemakaman), Binnye (upacara penyambutan), Gunrye (upacara militèr), lan Garye (upacara pernikahan). Upacara Gillye punika ritual pamujan dhateng déwa langit lan bumi sarta arwahipun nenek moyang. Déné upacara Jongmyo boten namung pamujan kemawon, nanging ugi mengeti suksesing ing babagan militèr lan sejahteraning bangsa.
Sapunika papan nama leluhur para raja lan rau Dinasti Joseon dipunsimpen wonten ing yasan punika kanthi urut ing ruangan altar kanthi jumlah 19 kamar. Papan nama raja cacahipun 19 déné papan nama ratu wonten 30. Sedaya raja lan ratu dipunhurmati ing kuil punika kejawi Raja Yeongsangun lan Raja Gwanghaegun. Wangunan utami kuil Jongmyo punika Jeongjeon (aula utami) nyimpen 49 papan nama leluhur ingkang mapan wonten ing 19 kamar lan Yeongnyeongjeon (Aula Kedamaian Abadi) nyimpen 33 papan nama ing 16 kamar [6].
Raja Taejo wiwit nglampahi ritual punika sasampunipun jumenengipun Kuil Jongmyo ing taun 1394 lan ndéklarasiaken ideologi Konfusianisme kanthi mindhah kutha krajan dhateng Hanyang (sapunika Seoul) saking Gaegyeong (sapunika Gaeseong, Koréa Utara).
Cathetan suku
besut- ↑ [1] Archived 2012-11-07 at the Wayback Machine. (id) Jongmyo Shrine(dipun-akses tanggal 20 Januari 2013)
- ↑ Jongmyo Shrine, lifeinkorea.
- ↑ Jongmyo Shrine, UNESCO.org.
- ↑ Anggur Musim Semi bagi Arwah Leluhur Archived 2009-10-05 at the Wayback Machine., kompas
- ↑ Bowker, John (2003). WORLD RELIGIONS-The Great faiths explored & explained. Dorling Kindersley Limited. ISBN 978-0-7566-1772-1.
- ↑ Jeryeak Archived 2010-04-18 at the Wayback Machine., koreanculture.org.