Kastil Hiroshima

Kastil Hiroshima (広島城, Hiroshima-jō^?) utawi asring dipunsebut astana ikan Koi (鯉城, rijō^?) inggih punika nama sawijining astana ingkang mapan wonten ing kutha Hiroshima, Prefektur Hiroshima, Jepang. Astana Hiroshima punika kapisan dipunyasa nalika taun 1589 lan dados pusat kuasaning daimyo wewengkon han Hiroshima. Bom atom ingkang dhawah wonten ing kutha Hiroshima nalika tanggal 6 Agustus 1945 ngrusak sadaya yasan astana. Astana ingkang sapunika wonten ingkang punika replika kabangun nalika taun 1958 lan ginanipun minangka musiyum sajarah Hiroshima periode sadèrèngipun Perang Dunia II. Menara utami ingkang warni ireng kados warna iwak koi utawi paring ing sakiwa tengenipun pura punika kathah iwak koi. Punika ingkang dados alesan bilih Hiroshima kawéntar minangka astana iwak koi. Tim bisbol kebanggaan Hiroshima Toyo Carp amargi carp wonten Basa Inggris punika ateges ulam koi .

Menara utama Pura Hiroshima lan parit dalam

Astana Hiroshima wiwit dipunyasa nalika abad kaping 16 déning Klan Mori. Nanging bibar risak amargi bom atom ing kutha Hiroshima mau, astana punika banjur dipunyasa malih kanthi ngginakaken beton Ferro lan dumugi sapunika taksih tetep dipertahanaken simbol sajarah kutha punika. Wonten ing astana punika boten namung mirsani kaéndahan yasan gedung lan pemandanganipun, nanging ugi mirsani masa nalika astana dipunyasa, banjur risak awit saking bom atom sekuthu, lajeng dipunyasa malih .

Konstruksi

Astana Hiroshima punika kabangun ing nginggiling lemah delta ingkang lembek, distribusi bobot témbok watu ingkang kedah rata punika ngginakaken tèhnik mirunggan. Wangunan astana ingkang asli kabangun saking kayu lan kapungkasan kirang langkung taun 1592 utawi taun 1599. Lantai nginggil témbok watu yasan Honmaru ingkang kapérang dados 2 ingkat punika ambrol amargi perbaikan déning Fukushima Masanori. Asiling perbaikan ingkang gagal punika taksih saged dipunpirsani sapunika.

Wangunan ingkang wonten sapunika

wonten ing kompleks Astana Hiroshima kapérang dados yasan-yasan kados ta:

• Menara utami

Rèplika menara utami ingkang kadamel saking beton saking njawi katingal kados menara utami ingkang asli. Menara punika kabangun sesambetan kaliyan wontening paméran pemulihan kutha Hiroshima nalika taun 1958. Wangunan punika kapérang dados 5 lantai kanthi dhuwur 26,6 mèter ing sanginggiling watu pondasi kanthi dhuwur12,4 mèter sanginggiling lumah lemah.

• Menara pengawas (Ninomaru Hirayagura, Tamon Yagura, Taiko Yagura) lan pintu gerbang Omotegomon. Sedaya punika kalebet rèplika saking kayu ingkang kapungkasan anggènipun yasa ing taun 1994.
• Kuil Hiroshima Gokokujinja. Kuil Shinto ingkang mapan ing tilas Honmaru lan kathah dipuntekani déning tiyang ingkang ngadani Hatsumode ing wiwitan taun énggal.
• Wangunan sanès kados ta: stasiun TV Chugoku Hoso (RCC) ingkang kalebet pérangan jaringan TV TBS, patung Ikeda Hayato (politisi ingkang wiyos wonten ing Hiroshima ing jaman Meiji), lapangan bola voli lan toya mancur.

Pranala njawi

• Sejarah Istana Hiroshima Archived 2005-08-26 at the Wayback Machine.
• (ing basa Jepang) Situs resmi Istana Hiroshima Archived 2006-07-17 at the Wayback Machine.