Kastil Malbork
Kastil Malbork utawi Kastil Marienburg punika satunggaling kastil ingkang mapan wonten ing caketing Polen Tri-City Gdansk, Sopot, lan Gdynia mliginipun wonten ing pinggiring Kali Nogat sisih tenggara, Polen [1]. Kastil Malbork dipunyasa ing Prusia déning Orde Teutonik minangka ordensburg nalika taun 1274. Kastil punika dipunparingi nama Marienburg ingkang kanthi barès Mary Castle ingkang ateges Kastil Maria. Kutha ingkang madeg wonten ing kiwa tengenipun Kastil Malbork dipunwastani Marienburg. Nanging awit saking taun 1945 sasampunipun 173 taun kepengker, péranganing Polen mau kawéntar kanthi nama Malbork. Kastil punika tuladha klasik saking bètèng abad tengahan lan kalebet watu bata paling ageng sak-donya kanggé bètèng gothic. Kastil Malbork kadaftar wonten ing UNESCO minangka bètèng lan musiyum (Castle of the Teutonic Order in Malbork). ing satungggaling Situs Warisan Donya nalika Dhésèmber 1997 [2].
| Kastil Ordo Teutonik ing Malbork | |
|---|---|
| Janeng ing Pratélan Warisan Donya | |
 | |
| Jinis | Budaya |
| Wewaton | ii, iii, iv |
| Rujukan | 847 |
| Tlatah UNESCO | Éropah lan Amérika Lor |
| Sujarah prasasti | |
| Prasasti | 1997 (Sési 21) |
Pérangan kastil
besutKastil ingkang kadamel saking watu bata punika kapérang dados tiga pérangan ingkang kapisah dados pérangan nginggil, pérangan tengah, lan pérangan ngandhap. Ingkang misahkaken pérangan mau punika parit garing lan menara. Kastil Malbork dinggeni déning 3.000 bala kanthi wiyaing témbok dumugi 52 are (21 ha), kaping sekawan langkung ageng tinimbang Kadhaton Windsor. Wonten ing kastil punika ugi wonten kamar-kamar minangka papan kanggé saré, griya-griya, gudang senjata, pawon lan gréja [2].
Perang Dunia II taun ndadosaken Kastil Malbork risak langkung saking setengahing pérangan yasan. Lajeng tambah parah malih awit saking kobongan ingkang kadadosan nalika taun 1959. Katedral mliginipun kantun puing-puing. Kastil Malbork dipunyasa malih nalika taun 1962. Kathah wisatawan ingkang dugi dhateng Kastil Malbork amargi saben wulan ing papan punika asring wonten aréna pameran seni lan aréna atraksi wisata [2].
Kastil ingkang mapan wonten ing Taman Wilhemshole punika ugi dipunwastani kastil singa. Dipunbangun déning LandGrave Wilhem IX saking Hessen Kassel, kastil punika dipundesain déning arsitèk kraton anama Heinrich Cristoph Jussow ingkang ahli lan gadhah pengalaman wonten ing proyek pambangunan yasan-yasan ing Perancis, Italia, lan Inggris. Heinrich ugi naté nggambar rancangan Taman Landgrave [3].
Cathetan suku
besut- ↑ [1][pranala mati permanèn], Kastil Malbork si saksi perkembangan Polen (dipun-akses tanggal 21 November 2012).
- ↑ a b c [2][pranala mati permanèn], (id) http://www.htysite.com Archived 2012-11-26 at the Wayback Machine. (dipun-akses tanggal 21 November 2012).
- ↑ [3][pranala mati permanèn], (id) Arsitektur Kastil Malbork (dipun-akses tanggal 27 Dhésèmber 2012).