Yasunari Kawabata

Yasunari Kawabata
Yasunari Kawabata
	Kawabata Yasunari
Pakarya	penulis
Bangsa	Jepang
Mangsa	1924–1972
Gènre	novèl, carkak
Bebungah utama	Nobel Kesusastraan ; 1968 ;

Yasunari Kawabata (川端康成, Kawabata Yasunari^?, lair ing Osaka, 14 Juni 1899 – pati ing Zushi, Kanagawa, 16 April 1972 ing umur 72 taun) inggih punika salah satunggaling panulis novèl saking Jepang ingkang prosa lirikipun damel piyambakipun menangaken Penghargaan Nobel babagan Sastra wonten ing 1968. Piyambakipun dados tiyang Jepang ingkang angka pisan ingkang pikantuk penghargaan mau. Karya-karyanipun dumugi sapunika taksih dipunwaos déning masarakat internasional.^[1]

Biografi

Kawabata, rikala taun taun 1917

Kawabata miyos wonten ing Osaka saking kulawarga dhokter ingkang tansah kacukupan.^[2] Nalika dados anak yatim wiwit umur 4 taun, Kawabata dumunung kaliyan simbahipun. Piyambakipun gadhah mbakyu ingkang dipunasuh déning bulikipun, lan wiwit saking punika namung kapanggih pisan (nalika wulan Juli 1909) nalika piyambakipun umur 10 taun. Mbakyunipun punika lajeng tilar donya wonten ing yuswa 11 taun. Nalika Yasunari ngancik umur 7 taun (September 1906), simbahipun tilar donya. Sasampunipun punika, nalika umuripun 15 taun, simbah kakung ugi tilar donya (Mèi 1914).^[3]

Sasampunipun kélangan sadaya sadhérék, piyambakipun dumunung kaliyan kulawarg saking ibunipun, (Kulawarga Kuroda). Nanging, nalika Januari 1916, piyambakipun pindhah dhateng sawijining asrama celak SMP (sami kaliyan SMA sapunika) saéngga Yasunari boten prelu tindak sekolah nitih kereta api. Sabibaripun lulus saking SMP nalika Mèi 1917, piyambakipun pindhah dhateng Tokyo. Piyambakipun kepengen lulus saking ujian mlebet Sekolah Menengah Atas Nomor Satu (Dai-ichi Koto-gakko) wonten ing ngandhap asuhan langsung Universitas Kamaharajan Tokyo. Piyambakipun saged lulus wonten ing ujian mau nalika taun ingkang sami lajeng mlebet dhateng Fakultas Sastra Inggris. Wonten ing Juli 1920 Kawabata lulus saking Sekolah Menengah Atas lan miwiti pendidikanipun wonten ing Universitas Kamaharajan Tokyo wonten ing wulan ingkang sami. Piyambakipun lulus kuliah nalika taun 1924. Wekdal punika, Kikuchi Kan kaliyan panulis lan redaktur ingkang misuwur sampun maringi perhatian dhateng karya-karya Kawabata ingkang dipunkintun dhateng kalawarta sastra Bungei Shunju kagunganipun Kikuchi.^[4]

Kajawi nyerat fksi, piyambakipun ugi makarya minangka salah satunggaling wartawan, utamanipun kanggé Mainichi Shimbun wonten ing Osaka lan Tokyo. Éwadéné piyambakipun nolak ndhérék wonten ing semangat militèr Jepang ingkang wonten ing Perang Donya II, piyambakipun ugi boten katingal déning pembaruan-pembaruan pulitik wonten ing Jepang pascaperang. Perang Donya II jelas minangka salah satunggaling faktor ingkang paling prabawa tumrap piyambakipun (dipuntambah kaliyan sédanipun sadaya anggota kulawarganipun nalika taksih eném). Piyambakipun ngendika boten dangu bilih sasampunipun perang donya II, piyambakipun namung sanggup nyerat elegi. Éwadéné makaten, sapérangan kritikus namung manggihaken sakedhik bedanipun kaliyan seratan Kawabata praperang kaliyan pasca perang.^[5]

Kawabata séda bunuh dhiri nalika taun 1972 kanthi racun saking gas. Nanging sajumlah kanca lan sadhèrèk caket, kalebet garwanipun, nganggep amargi kacilakan. Salah satunggaling téyori mau dipunandharaken déning Donald Richie.

Alesan Kawabata bunuh dhiri sampun dados bahan spekulasi, kalebet ugi keséhatan ingkang boten saé, (piyambakipun ngidhap lelara Parkinson), kamungkinan gayutan cinta gelap, utawi kaget amargi sedanipun Yukio Mishima kancanipun amargi bunuh dhiri nalika taun 1970.^[6]

Karya kapilih

Kenya Penari saking Izu (伊豆の踊り子 Izu no Odoriko 1926, pertalan Inggris 1955, 1997)
Negeri Salju (雪国 Yukiguni, 1935-1937, 1947)
Empu Go (名人 Meijin, 1951-1954; pertalan Inggris 1972)
Sewu Manuk Bangau (千羽鶴 Senbazuru, 1949-1952)
Swara Gunung (山の音 Yama no Oto, 1949-1954)
Danau (novèl) (湖(みづうみ) Mizuumi, 1954)
Griya Kenya-Kenya Penidur (眠れる美女, Nemureru Bijo, 1961)
Ibu Kota Dangu (古都 Koto, 1962; pertalan Inggris 1987, 2006)
Cariyos-cariyos saking Telapak Tangan （掌の小説, Tenohira no Shōsetsu, 1988, 2006）
Kecantikan lan Kasedhihan (novèl) (美しさと哀しみと Utsukushisa to Kanashimi to, 1964)

Waosan Salajengipun

Keene, Donald (1984). Dawn to the West: Japanese Literature of the Modern Era; Vol. 1: Fiction, "Kawabata Yasunari" pp. 786–845
Starrs, Roy (1998) Soundings in Time: The Fictive Art of Kawabata Yasunari, University of Hawai'i Press/RoutledgeCurzon

Cathetan suku

↑ http://www.nobelprize.org/nobel_prizes/literature/laureates/1968/kawabata-bio.html
↑ Kawamoto Saburō, Kawabata Yasunari: Explorer of Death and Beauty, Japan Book News, No. 63, Spring 2010, p. 13
↑ http://www.nobelprize.org/nobel_prizes/literature/laureates/1968/
↑ http://www.nobelprize.org/nobel_prizes/literature/laureates/1968/kawabata-lecture.html
↑ http://www.nndb.com/people/769/000141346/
↑ Donald Keene (June 2005). Five Modern Japanese Novelists. Columbia University Press. kc. 26. ISBN 978-0-231-12611-3. Dibukak ing 22 September 2010.

Pranala njaba

[1] ttp://www.nobelprize.org/nobel_prizes/literature/laureates/1968/kawabata-bio.html

[2] Kawamoto Saburō, Kawabata Yasunari: Explorer of Death and Beauty, Japan Book News, No. 63, Spring 2010, p. 13

[3] ttp://www.nobelprize.org/nobel_prizes/literature/laureates/1968/

[4] ttp://www.nobelprize.org/nobel_prizes/literature/laureates/1968/kawabata-lecture.html

[5] ttp://www.nndb.com/people/769/000141346/

[Keene2005-6] Donald Keene (June 2005). Five Modern Japanese Novelists. Columbia University Press. kc. 26. ISBN 978-0-231-12611-3. Dibukak ing 22 September 2010.

[1]

[2]

[3]

[4]

[5]

[6]