Ki Ageng Pamanahan
Ki Ageng Pamanahan utawi Ki Gedhé Pamanahan (? - 1584) miturut Babad Tanah Jawi inggih punika senopati prang saking kraton Pajang saha leluhuripun raja-raja Karajan Mataram Énggal.
Ki Ageng Pamanahan inggih punika putra saking Ki Ageng Ngenis,[1] ngulama ingkang dumunung wonten ing Nglaweyan, inggih wayah saking Ki Ageng Séla,[1] satunggalipun muridipun Sunan Kalijaga. Ing taun 1558, Sultan Hadiwijaya masrahaken Wana Mentaok minangka bebingah kanggé Ki Ageng Pamanahan ingkang sampun mbiyantu mejahi Arya Penangsang kaliyan mbiyantu yasa Pajang. Salajengipun, piyambakipun mbabad wana lajeng ngadegaken kraton ing Kotagedhé.[2]
Ki Ageng Pamanahan séda ing 1584, dipunsarèkakén wonten ing masjid kraton salebetipun témbok kitha.[3] Putranipun Radèn Sutawijaya ingkang jejuluk Mas Ngabèi Loring Pasar nerasaken tahta dados gantosipun ingkang rama. Piyambakipun jumeneng nata kanthi sesebatan énggal Panembahan Sénapati Sayidin Panatagama.[3]
Rujukan
besut- ↑ a b Anshoriy Ch, M. Nasruddin (2008). Neo Patriotisme: Etika Kekuasaan Dalam Kebudayaan Jawa. PT LKiS Pelangi Aksara. ISBN 979 1283 672. Cet. I, hlm. 154. Diaksés 24 Agustus 2012.
- ↑ de Graaf, H.J. (1985). Awal Kebangkitan Mataram: Masa Papréntahan Senapati. Grafiti Pers.. Diaksés 24 Agustus 2012.
- ↑ a b Moersid, Adhi, Achmad Fanani, Tulus Setyo Budhi. Changes in the Islamic Religion and Their Effects on the Built Environment: Two Cases from Indonesia. in Att Petruccioli (2003), Understanding Islamic Architecture, Routledge. ISBN 0-7007-1438-3.
{{cite book}}: Italic or bold markup not allowed in:|publisher=(pitulung), hlm. 67. Diaksés 24 Agustus 2012.
| Dipunrumiyini déning: boten wonten |
Panguwaos Mataram 1558 - 1584 |
Dipunlajengaken déning: Panembahan Sénapati |