Kuwé cubit
Kuwé cubit utawi kuwé jiwit inggih punika jajanan kuwé ingkang kawentar ing tlatah Jakarta saha kitha saklilingipun. Kuwé punika kalebet kuwé ingkang gadhah rasa manis pramila asring dipundadosaken nyamikan. Woworan utami kuwé menika saking glepung. Kuwé punika wujudipun alit, dhiamèteripun amung 4 séntimèter.[1] Kuwé punika asring dipunsadé ing pinggir mergi ingkang kathah tiyang plesir, papan pariwisata ngantos sekolah. Reginipun panganan menika kagolong mirah saha wosipun lembut ugi manis, pramila kathah laré-laré ingkang mundhut.[2]
 Kuwé cubit ingkang dipunsadé | |
| Jeneng liyané | Kuwé jiwit |
|---|---|
| Ajangan | Nyamikan |
| Panggonan asal | Indonésia |
| Tlatah utawa praja | Jakarta |
| Hawa ajangan | Anget |
| Woworan pokok | Glepung, Endhog, Mertega, Isén-isén liya |
| Variasi | Soklat, teh ijo, meses, kèju,selé |
 Buku masakan: Kuwé cubit  Médhia: Kuwé cubit | |
Mula buka
besutJejuluk kuwé cubit (jiwit) amargi salebeting ngolahipun kuwé sesasampunipun mateng lajeng dipun'cubit' ngagem capitan tosan saking tiyang sade. Pamendhetan kuwé kanthi cara njapit menika dilampahi amargi cithakan masak kuwé saking wajan ingkang cekung-cekung alit, mila boten awrat utawi langkung gampil.[3] Kuwé cubit menika dipunpitayani mawi sesuguh ingkang dipunadhaptasi saking olah-olahan Walandi inggih menika poffertjes.[4] Nalika Walandi njajah Nuswantara kathah olah-olahan ingkang dipuntepungaken kados déné kaasstengels, krokèt, lapis legit, ngantos kuwé cubit. Poffertjes minangka panekuk alit ugi sami-sami dipundamel saking glepung, gendhis saha ragi lajeng dipunolah ing manci ingkang wonten cithakan bundher alit-alit. Ananging poffertjes racakipun dipundhahar kaliyan kepyuran gendhis alus saha meses.
.jpg)
Adhaptasi
besutKuwé cubit wiwitanipun namung ngagem kepyuran mèses ing nginggilipun utawi malah boten ngagem kepyuran. Ananging amarga owah gingsir jaman, pasugatan menika gadhah isèn-isèn kadosta kèju, soklat chip, selé woh, kacang, ngantos marshmallow. Rasa saha warni kuwé menika wontèn soklat, tèh ijo, kopi, tiramisu, ngantos vèlvet abang. Boten namung wujudipun bundher ananging ugi kothak, cinta, mbulan, lonjong, lintang saha sanèsipun.[5]
Kapustakan
besut- ↑ PergiKuliner. "Kue Cubit, Si Imut yang Berasal dari Makanan Khas Belanda - PergiKuliner.com". pergikuliner.com (ing basa Indonesia). Dibukak ing 2020-06-16.
- ↑ Tourism, jakarta (2018-01-12). "Kue Cubit". jakarta-tourism.go.id (ing basa Inggris). Diarsip saka sing asli ing 2020-06-16. Dibukak ing 2020-06-16.
- ↑ "Sempat Hits! Begini Asal Usul dan Cara Membuat Kue Cubit". Mommyasia - A Media of Mom's World (ing basa Indonesia). Diarsip saka sing asli ing 2020-06-16. Dibukak ing 2020-06-16.
- ↑ "Suka Kue Cubit? Rupanya Kue Cubit Berakar dari Makanan Belanda, lo - Semua Halaman - Bobo". bobo.grid.id (ing basa Indonesia). Dibukak ing 2020-06-16.
- ↑ Kompasiana.com. ""Kue Cubit" Hits Lagi ?". KOMPASIANA (ing basa Indonesia). Dibukak ing 2020-06-16.