Langkap
Arenga undulatifolia 1zz.jpg
Klasifikasi ngèlmiah
Karajan: Plantae
Unranked: Angiospermae
Unranked: Monokotil
Unranked: Commelinids
Ordho: Arecales
Famili: Arecaceae
Génus: Arenga
Spésies: A. obtusifolia
Jeneng binomial
Arenga obtusifolia
Mart.

Langkap (Arenga obtusifolia utawa Saguerus langbak) ya iku wit taunan saka kulawarga Arecaceae. Wit iki dhuwuré 20 mèter lan dhiamèter galihé 30 séntimèter. Wit iki padatané ngerumpun antawis siji lan liyané. Galihé lekuk lan wernané soklat kasusun saka pelepah. Godhongé nyirip wujudé pita kanthi dawa 30 séntimèter. Kembangé kasusun ing tandhan mirip arén. Werna wohé abang lan njeroné mbanyu.

Biologi lan ÉkologiBesut

Tetuwuhan Langkap iki tuwuh mawa wiji lan tunas.[1] Panyebaran wiji direwangi kewan musang utawa luwak. Langkap tuwuh ing Thailand, Myanmar, Sumatera, lan Jawa. Tetuwuhan iki urip subur ing cedhak banyu kang mili. Ing pundhung kang dhuwuré 600 méter ing sadhuwuring samodra.

PigunaBesut

 
Gula jawa mawa saka nira

Godhong Langkap bisa digunakaké kanggo gendhèng omah. Kayu Langkap bisa kanggo warangka keris. Nira Langkap luwih legi tinimbang nira Arèn saengga bisa uga kanggo piranti gawé gula jawa lan tuak.

ReferènsiBesut

  1. Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Press bersama dengan Yayasan Obor Indonesia. p. 43. ISBN 978-979-799-804-2.