Laurentia Pasaribu
Artikel punika mbahas piyantun utawi tokoh ingkang nembe tilar donya. Informasi ingkang paling utami bab tilar donya lan pasareyan, saged ewah ing sawetawis wekdal. |
Lauren utawi Mama Lauren, (lair ing Eindhoven, Nèderlan, 23 Januari 1932 – pati ing Jakarta, Indonésia, 17 Mèi 2010 ing umur 78 taun).[1] Piyambakipun dados piatu dipuntilar kaliyan ibu (Anna Breche) nalika yuswa tigang wulan, nuli diboyong ramanipun (Lau Van Hooff) ingkang sadèrèngipun wonten Bèlgi maring Walanda amarga pekerjaan ramanipun ingkang dados arsitek [2], nanging piyambakipun ugi dipuntilar ramanipun amargi kacilakaan.[1] Mama Lauren angsal kalimpatan saged mangertosi bab ingkang sajatosipun ghaib nalika yuswa 7 taun (1939).[2] Yuswa 12 taun, Mama Lauren sampun mangertosi bab indra kaenem ingkang piyambakipun gadhah.[3] Mama Lauren kalebu kaum gypsy ingkang gadhah bakat mirunggan kanggé mangertosi bab ingkang dèrèng dipun-sumerepi. [3] Nalika lulus saking sekolah menengah, Mama Lauren dipunanggep anak kaliyan provesor parapsikologi saking Universitas Leuven, provesor Van der Berg ngendikan manawa Lauren ingkang taksih remaja punika gadhah kamampuan ingkang ageng, nanging Lauren boten saged ngasah kamampuan mau.[3] Kapisan dhateng Indonésia amarga boten sengaja kepanggih kaliyan Natakusuma, mahasiswa saking kutha Bandung, Indonésia ingkang mendhet pakuliyahan jurusan arsitèktur wonten Universitas Leuven, sesarengan kaliyan Mama Lauren.[1] Nalika yuswa 20 taun (1953), Mama Lauren dipunboyong kaliyan ingkang garwa (Natakusuma) maring Indonésia.[4] Kamampuan mama Lauren ingkang kados punika, dipundukung kaliyan ibu besanipun (ibu saking Mario Lorens Natakusuma), kanggo ngasah bakatipun, Mama Lauren dipuntepangaken kaliyan paranormal ingkang konhang nalika semana, yapunika Pak Rahim.[1] Taun 1960-an.[4] Putra Lauren ingkang kapisan dipunparingi nama Mario Lorens Natakusuma, dipunlahiraken wonten RS Xaverius, Tanjung Karang.[4] 23 Fèbruari 1973, Lauren dipuntilar donya garwanipun nalika Nata taksih nggambar.[4] Sasampunipun ditilar kaliyan garwa, pabrik ingkang dipungadhahi Nata nunten bangkrut, ugi ninggal utang ingkang boten sakedhik.[4] Kangge nyekapi kaperluan, Lauren dagang kopi.[4] Kamampuan ingkang piyambakipun gadhah, sajatosipun boten badhé dipunkomersilaken, nanging amarga putra ingkang kapisan kedah sekolah wonten ASRI, Yogyakarta. Lauren mutusaken manawi ngagem cara kados punika kanggé madosi nafkah.[4] 29 Mèi 1982, Lauren dipunpendhet garwa kaliyan Hendrik Pasaribu.[5] 04 Oktober 1985, Putra samata wayang Lauren (Mario) kacilakaan,nuli ninggal dunya.[5]
| Laurentia Pasaribu | |
|---|---|
| Barkas:Mamalaurent.gif | |
| Jeneng liya | Mama Lauren |
| Pakaryan | Paranormal |
| Bojo | Natakusuma Hendrik Juliet Pasaribu |
| Anak | Mario Lorens Natakusuma (dari Natakusuma) Wisnu Lauren (dari Hendrik Juliet Pasaribu) Beby Djenar (anak angkat) |
| Wong tuwa | Lau van Hooff (ayah) Anna Breche (ibu) |
Cathetan suku
besut- ↑ a b c d selebriti.kapanlagi.com dipununduh tanggal 17 Mèi tabuh 20.46 WIB.
- ↑ a b femina-online 1[pranala mati permanèn] dipununduh tanggal 18 Mèi 2011, tabuh 19.45 WIB
- ↑ a b c femina-online 2[pranala mati permanèn] dipununduh tanggal 18 Mèi 2011, tabuh 20.50 WIB
- ↑ a b c d e f g femina-online 3 Archived 2009-01-10 at the Wayback Machine. dipununduh tanggal 18 Mèi 2011, tabuh 21.34 WIB
- ↑ a b femina-online 4 Archived 2009-01-10 at the Wayback Machine. dipunnunduh tanggal 18 Mèi 2011, tabuh 20.16 WIB