Liamine Zéroual
Liamine Zéroual (basa Arab: اليمين زروال, Al Yamin Zarwal) [1] (lair ing Batnah, Aljazair, 3 Juli 1941; umur 83 taun) iku présidhèn Aljazair wiwit 3 Januari 1994 nganti 27 April 1999.
| Liamine Zéroual اليمين زروال | |
|---|---|
 | |
| Présidhèn Aljazair angka 6 | |
| Linggih 3 Januari 1994 – 27 April 1999 | |
| Mahamantri | Mokdad Sifi Ahmed Ouyahia Smail Hamdani |
| Kang sadurungé | Ali Kafi |
| Kang sawisé | Abdelaziz Bouteflika |
| Rerincèn dhiri | |
| Lair | Juli 3, 1941 Batnah, Aljazair |
| Parté pulitik | Rassemblement National Démocratique |
| Agama | Islam Sunni |
Liamine Zéroual lair ing Batnah, kutha gedhé dhéwé nomer limo ana ing Aljazair lor. Dhèwèké nggabung dadi anggota Tentara Pambébasan Nasional ing taun 1957 nalika umuré 16 taun, kanggo merangi papréntahan panjajahan Prancis ing Aljazair. Sawisé kamardhikan, Liamine mènèhi gladhèn militèr ing Kairo, Moskwa, lan Paris. Ing taun 1975 dhèwèké diangkat dadi pamimpin sekolah militèr ing Batnah, lan ing taun 1981 dadi pamimpin ing Akadhemi Militèr Cherchell.
Liamine dipercaya dadi komandan wewengkon militèr Tamanrasset ing taun 1982, ing pawatesan Maroko ing taun 1984, lan ing Constantine ing taun 1987. Dhèwèké banjur diangkat dadi jènderal ing taun 1988, lan kepala staf wadyabala dharat ing taun 1989. Amerga ora setuju karo proposal kabijakan Présidhèn Chadli Bendjedid marang réorganisasi bala, Liamine mundur saka jabatané ing taun 1990. Sawisé iku dhèwèké sempet nglakoni dadi Duta Besar ing Rumania, namung sedhéla waé.
Sawisé kudhéta militèr ing Januari 1992 sing nglengsèraké Présidhèn Bendjedid, kariré Liamine dadi luwih apik. Dhèwèké diangkat dadi Mantri Pertahanan ing Juli 1993, lan dipromosikaké kanggo ngepalani Dhéwan Dhuwur Nagara ing Januari 1994. Ing November 1995, dhèwèké kepilih dadi Présidhèn. Jabatan iku tetep dijabat Liamine nganti pilihan umum salanjuté.
Rujukan
besut- ↑ Jeneng Liamine Zéroual iku diéja miturut basa Arab dhialèk Maghribi, nanging miturut basa Arab baku diéja Al Yamin Zarwal. Deleng ing: Awni Sadeq (10 Fèbruari 2012). "Algeria's Islamists Prepare for Elections". Al-Monitor. Dibukak ing 4 Oktober 2012.
| Kang sadurungé Ali Kafi |
Kepala Dhéwan Dhuwur Nagara & Présidhèn Aljazair 1994–1999 |
Kang sawisé Abdelaziz Bouteflika |
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |