Lonthong kupang

Olah-olahan
Aksara Latin
     

Lonthong kupang utawa Kupang lonthong ya iku panganan khas arupa lonthong saka pasisir wetan Jawa Wetan, utamané tlatah Surabaya, Pasuruan lan Sidoarjo. Sanadyan jenengé lonthong kupang, ananging ora ana gandhèng cènèngé karo kutha Kupang, Nusa tenggara Wétan. Panganggonan jeneng kupang iki gegayutan karo bahan dhasaré arupa kupang yaiku kerang cilik-cilik utawa kawentar mawa jeneng remis. Remis iki ukurané padha kaya beras, sawetara 1 sèntimèter.[1] Kupang sing duwè jeneng latin Corbula faba ditèmoni ing pasisir laut kang mbanyu asin salah sijiné iku ing Madura. Kupang duwé kandhutan Fe (zat besi) lan Zn (zinc/sèng).[2] Olah-olahan iki kasusun saka lonthong, kupang, lentho lan sambel petis.[3] Panganan iki rasané gurih, pedhès lan rada legi. Jajanan iki bisa ditemoni ing warung lan bakul pinggir dalan. Padatané lontong kupang dipangan karo saté kerang lan ombèn-ombèn arupa ès degan.

Lonthong kupang
Kupang lontong.jpg
Lonthong kupang karo saté kerang
Jeneng liyanéLontong kupang
AjanganMangan utama
Panggonan asalIndonésia
Tlatah utawa prajaJawa Wétan
Hawa ajanganPanas
Woworan pokokLonthong, Kerang, Bumbu
Buku masakan: Lonthong kupang  Médhia: Lonthong kupang

Cara NggawéBesut

Nggawé panganan iki cukup gampang nalika wis ana lonthong lan lentho sing wis dadi. Menawa durung gawé, lonthong lan lentho iki mbutuhaké wektu suwé kanggo ngolah.

BahanBesut

  • Banyu
  • 500 gram kupang
  • Uyah sacukupé
  • Lonthong
  • Lentho
  • Brambang
  • Bawang
  • Sambel petis
  • Gula pasir
  • Jeruk nipis
 
Lonthong kupang ing piring

Cara ngolahBesut

  1. Godhog kupang karo banyu lan uyah nganti mateng
  2. Menawa wis mateng banjur dientas
  3. Uleg lombok, uyah, gula, bawang, brambang, lan sambel petis ing lèmpèr
  4. Peres jeruk nipis ing sambel
  5. Iris lonthong lan lentho ing piring
  6. Suntak sambel saka lèmpèr
  7. Wènèhaké kupang lan duduhé sacukupé
  8. Kepyuri bawang gorèng ing dhuwuré lan irisan jeruk nipis ing sandhiké
  9. Luwih ènak menawa dipangan karo satè kerang lan ès degan[4]

Pranala njabaBesut

Resèp masak lonthong kupang

Vidéyo masak lonthong kupang

KapustakanBesut

  1. Times, I. D. N.; Ariyandini, Fanny. "Mengenal Lontong Kupang, Makanan Khas Jawa Timur". IDN Times (ing basa Indonesia). Dibukak ing 2020-05-25.
  2. Kaya, Indonesia. "Lontong Kupang, Lontong dengan Siraman Kerang Kecil Khas Surabaya : Kuliner - Situs Budaya Indonesia". IndonesiaKaya (ing basa Indonesia). Dibukak ing 2020-05-25.
  3. Fitria, Riska. "Ayo Rek! Jajan Lontong Kupang Enak dan Murah di 5 Tempat Makan". detikfood (ing basa Indonesia). Dibukak ing 2020-05-25.
  4. "Resep Membuat Lontong kupang Khas Jawa Timur". Informasi Wisata & Kuliner. Dibukak ing 2020-05-25.