Lentho
Lentho inggih kalebet salah satunggaling dhedhaharan khas Indonésia ingkang asring dipun-ginakaken minangka bahan racikan lonthong balap ing Surabaya. Lentho inggih kalebet dhaharan khas Sala, Jawa Tengah ingkang sampun misuwur wiwit taun-90 nan kala rumiyin.[1] Lentho inggih punika dhedhaharan tradhisional ingkang dipundamel saking bahan dhasar tela.[1] Raosipun lentho inggih punika gurih amargi bumbunipun dipundamel saking racikan bumbu-bumbu jawa.[1] Lentho punika gampil kapanggih ing sapérangan warung soto ing Sala, papan wedangan, utawi resto spesial dhaharan jawa.[1] Anggenipun dhahar lentho punika saged langsung dipundhahar utawi dados lawuh ing masakan jinis soto. Lentho punika kalebet dhedhaharan ingkang gadhah manéka warna jinisipun, wonten ingkang dipundamel saking kacang tholo, nanging wonten ugi ingkang dipundamel saking kacang brol, utawi saged dipundamel ugi saking manéka jinis kacang ingkang dipundadosaken satunggal, miterat seleranipun piyambak-piyambak.[1] Wujudipun lentho saking njawi punika katingal atos saéngga manawi badhé dhahar kedah ngatos-atos.[1] Nanging sajatosipun lentho punika anggènipun damel boten patos atos, namung pérangan njawinipun kémawon ingkang dipundamel atos.[1] Ancasipun dipundamel kados makaten inggih punika supados tekstur bahan uwi tela saha bumbunipun saged langkung dipunraosaken ing lathi kanthi nikmat.[1] Nanging kanggé tiyang ingkang remen dhahar lentho ingkang atos punika ugi saged ngraosaken lentho ingkang crispy kados lentho Kartasura utawi lentho ing Pengging.[1]
Bahan-bahan besut
Bahan-bahan ingkang dipun-ginakaken kanggé damel lentho ing antawisipun inggih kados makaten:[2]
- tahu cacahipun 6 dipungorèng
- 150 gram togé dipungodhog lajeng dipunpendhet toya nipun
- 50 gram mi soun
- 5 lèr kucai, dipuniris-iris
- Brambang gorèng sacekapipun
- lisah gorèng sacekapipun
Bumbu-bumbu kanggé damel lentho inggih kados makaten:
- 1 sdt tumbar, dipunsangré
- 2 siyung bawang putih dipungorèng lan ampun dipunoncèki kulitipun supados boten gosong.
- 1 lembar godhong jeruk, Dipun icali lulang godhongipun lajeng dipuniris-iris kanthi alus.
- kunir dipunbakar utawi dipungorèng
- sarem sacekapipun
- gendhis pasir sacekapipun
Bahan-bahan mirunggan kanggé damel lentho, inggih kados makaten:[3]
- 50 gram kacang tholo dipungodhog
- 250 gram tela utawi pugung dipunparut
- 1 cendhok brambang gorèng
- 1 cendhok teh tumbar bubuk
- 1 cendhok teh sarem
- 1 cendhok teh gendhis pasir
Bahan-bahan damel duduh lentho, inggih kados makaten:[1]
- 1000 cc toya
- 3 lèr seré dipungeprak
- 2 cm laos dipungeprak
- 5 lembar godhong salam
- 3 cm jahé dipuniris alit-alit
- 5 lembar godhong jeruk purut
- 8 glindhing brambang dipuniris-iris
- 2 siyung bawang dipuniris-iris
- 1 cendhok tèh sarem
- 1 cendhok tèh penyedap rasa, manawi purun
- 1 cendhok tèh kaldu sapi utawi ayam bubuk
- 1 cendhok tèh gendhis pasir
- 1 buah jeruk nipis