Sidang Umum PBB

Sidang Umum PBB utawa Majelis Umum PBB iku salah siji saka enem badan utama PBB. Majelis iki anggotané nagara-nagara anggota PBB lan ketemu saben taun dipimin déning Présidhèn Majelis Umum PBB kang dipilih saka wakil-wakil. Pertemuan pisanan dianakaké ing tanggal 10 Januari 1946 ing Hall Tengah Westminster ing kutha London lan dirawuhi déning utusan saka 51 nagara.

United Nations General Assembly
Présidhèn Spanyol ing Sidang Umum PBB ing New York
Tipe Organisasi	Organ utama
Akronim	GA, UNGA
Pamimpin	Présidhèn Sidang Umum PBB As of 18 September 2007 Srgjan Kerim former Yugoslav Republic of Macedonia
Status	Aktif
Madeg	1945
Website	www.un.org/ga
Wikimedia Commons	United Nations General Assembly
Portal	United Nations Portal

Pertemuan iki racaké dimulai dina Selasa katelu wulan September lan rampung ing pertengahan Dhésèmber. Pertemuan mirunggan bisa dianakaké yèn dijaluk déning Dewan Keamanan, utawa déning mayoritas anggota PBB. Pertemuan mirunggan dianakaké padha Oktober 1995 kanggo mèngeti dina kalairan 50 taun PBB.

Tugas lan kakuasan Majelis Umum

Tugas lan kekuasan majelis umum bisa dipérang dadi 8 golongan, yaiku bab:

1. Pelaksaan perdamaian lan keamanan internasional ;
2. Kerja sama ing lapangan perékonomian lan masarakat internasional ;
3. Sistem perwakilan internasional ;
4. Keterangan-keterangan bab laladan-laladan kang durung nduwé pamaréntah dhéwé ;
5. Urusan kauangan ;
6. Panerapan kaanggotaan lan penerimaan anggota ;
7. Owah-owahan piagam ;
8. Hubungan karo piranti-piranti perlengkapan liyané;

Badan-badan

Sajeroning ngayahi tugasé Majelis Umum mbentuk warna-warna badan, kaya ta; komite (cacahé 30, sing utama 6), komisi (pitu); badan (board) (cacahé enem), déwan lan panèl (lima), kelompok kerja lll. Badan-badan mau ing antarané:

Kommite

Komité Utama

Cacahé ana enem, racaké diwènèhi nomer, 1-6:

1. Perlucutan sanjata lan keamanan International (DISEC)
2. Ékonomi lan Finansial (ECOFIN)
3. Sosial, Kamanungsan lan Budaya (SOCHUM)
4. Pulitik Spesial lan Dekolonisasi (SPECPOL)
5. Administratif lan Budget
6. Hukum

Komité Liyané

Ora nganggo nomer. Kang paling wigati, antarané:

• Komité Kredential.
• Komité Umum.

Komisi

Ana pitung Komisi, yaiku:

• Komisi Perlucutan Sanjata, diyasa kanthi Resolusi Sidang Umum 502 (VI) lan S-10/2
• Komisi Layanan Sipil International, diyasa kanthi Resolusi Sidang Umum 3357 (XXIX)
• Komisi Hukum International, diyasa kanthi Resolusi Sidang Umum 174 (II)
• Komisi Hukum Dhagang International (UNCITRAL), diyasa kanthi Resolusi Sidang Umum 2205 (XXI)
• Komisi Konsiliasi Palestina, diyasa kanthi Resolusi Sidang Umum 94 (III)
• Komisi Bedhamèn, diyasa kanthi Resolusi Sidang Umum 60/180 lan Resolusi Déwan Keamanan PBB 1645(2005) lan 1646(2005)]

Badan (Board)

Ana enem badan.

Déwan lan Panel

Cacahé ana papat Déwan lan siji Panèl Kang paling wigati lan paling anyar yaiku Déwan Hak Azasi Manungsa.

Kelompok Kerja lan liya-liyané

Ana sawatara Badan Majelis Umum PBB liyané sing wujud Kelompok Kerja utawa Badan liyané.

Kaanggotaan

Anggota Majelis Umum PBB dumadi saka nagara-nagara anggota lan nagara pengamat PBB:

• Anggota PBB
• Pengamat PBB

Deleng uga

• Perserikatan Bangsa-Bangsa
• Anggota PBB
• Pengamat PBB
• Hak Veto

Pranala njaba

• United States Department of State
• 59th General Assembly Archived 2005-03-29 at the Wayback Machine.